2 Corintios 11:7 - Emberá Chamí

⁷ Mʉʉba chi bed̶ea bia Dachi Akõre ʉ̃rʉbena machimaa chi nejarra id̶iyuswãe jaradeasiid̶eeba mʉ machi daad̶e kaebeu kĩra b̶eesii Dachi Akõre ome biꞌia nuread̶amera. ¿Makarã kachirua wauska?

2 Corintios 11:7 ပူးပေါင်းရင်းမြစ်များ

Hechos 20:33

»Mʉʉba waabena chi nejarra, nee, maebʉrã paru ara mʉ baita kʉ̃riabasii.

Hechos 20:34

Machiba ãrea kuitaa panuu ara mʉ juaba trajasii mʉʉba uru b̶uai b̶uu adaui baita maud̶e mʉ baara nibabadaurãmaa deai baita.

Romanos 1:1

Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

1 Corintios 9:12

Waabenarãba machid̶ebena ne adaud̶ai panuubʉrã, daiba ãchi audeara biꞌia ne adaud̶ai panuu. Maamina ne id̶id̶akau. Maumaarã joma jãadua panuu ẽbẽrarãba chi bed̶ea bia Cristo ʉ̃rʉbena kachirua kʉ̃risiarãad̶amera.

1 Corintios 9:6

Bernabeba, mʉa bid̶a Dachi Akõre bed̶ea jaradea nibad̶ad̶e awara traju waubadau ne uru panad̶ai baita. Maamina ¿waabenarã kĩra daiba jaradea panuud̶eeba ne adau panad̶ai panuuwãeka?

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 10:16

Jãabae chi bed̶ea bia Cristo ʉ̃rʉbena waabena druad̶e bid̶a jaradead̶ai. Maamina waabenarãba jaradeaped̶aad̶amaa wãd̶aabai, mau waabenarãba wauped̶aad̶a daiburu wausid̶au ad̶aamaaba.

2 Corintios 12:13

¿Mʉʉba kãared̶eeba machi waabena puurud̶ebena ãbarã audeara kachirua wausma? ¿Ab̶aburu machid̶ebena mʉʉba ne id̶iwẽa b̶uasiid̶eeba, maka kʉ̃risia panuka? Maka b̶uubʉrã ¡mau kachirua waud̶a michuburia perdonásturu!

2 Corintios 2:12

Mʉ Troas puurud̶aa wãsii chi bed̶ea bia Cristo ʉ̃rʉbena jarai baita. Aria Dachi Mechiuba poraa ewaaruu kĩra wausii ẽbẽrarãba ũri kʉ̃riad̶amera.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

2 Tesalonicenses 3:8

Daiba machid̶e chiko bari deaped̶aad̶a kod̶aabasii, maumaarã ãyadaa maud̶e ẽsabud̶e kʉrrjĩrud̶awẽa traju wau panasid̶au machid̶ebena ab̶au bid̶a daimaa ne kaebea dearãad̶amera.