2 Corintios 11:29 - Emberá Chamí

²⁹ Ab̶a ẽpermo b̶eeruubʉrã, mʉ sid̶a ẽpermo b̶eeruu kĩra b̶uabarii. Ab̶auba waabena ãba kachiruad̶e b̶aebiiruubʉrã, mʉ mau ẽbẽra ome kĩrubarii.

2 Corintios 11:29 ပူးပေါင်းရင်းမြစ်များ

Mateo 11:6

Chi mʉʉd̶e ijãai ida b̶ukau nii biꞌia b̶uai.

Juan 2:17

Maud̶e ichi baara nibabadaurãba kĩrabasid̶au Dachi Akõre bed̶ead̶e naka b̶ʉ kub̶uu: «Bichi de mechiu mʉʉba ãrea kʉ̃ria b̶uud̶eeba mʉ biui».

Romanos 12:15

Chi kĩrajʉʉ nuree ome kĩrajʉʉ panásturu. Chi kĩra nomaa nuree ome kĩra nomaa panásturu.

Romanos 15:1

Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

1 Corintios 11:22

¿Machi de wãꞌãe nuree kĩra aria kod̶ai baita maud̶e dod̶ai baita? ¿Machiba ẽbẽrarã Dachi Akõred̶erã kʉ̃ria panuuwãeka? ¿Mauba chi nejarr barauwãe nuree kĩra nejasiabi panuuwãeka? ¿Mʉʉba kãare jaraima? ¿Maud̶eeba mʉʉba machi biꞌia jaraaruka? Mau kakua biꞌia jaraabai.

1 Corintios 12:26

Dachi kakuad̶ebena ab̶a puꞌuaruubʉrã, chi kakua joma puꞌuabarii. Ara mau kĩra dachi kakuad̶ebena ab̶a biꞌia jaraaruubʉrã, joma kĩrajʉʉbadau.

1 Corintios 15:36

¡Chi maka id̶i b̶uu kʉ̃risiaswãe nii! Ne uud̶a tonooruud̶e chi netaa e b̶eraabarii.

1 Corintios 8:13

Maud̶eeba mʉʉba ko b̶uud̶eeba mʉ ãba kachiruad̶e b̶aebiiruubʉrã, waa koobai.

1 Corintios 8:9

Biawãra dachiba ko kʉ̃ria panuu poyaa kod̶ai panuu. Maamina kauwa panásturu machiba barikia kooduud̶eeba machi ãba mau ʉ̃rʉbena adua nii kachiruad̶e b̶aerãamera.

1 Corintios 9:22

Chi ãbarã chi biawãra bed̶ea ãrea adua nuree tãed̶e b̶uud̶e ãchi kĩra b̶uabarii mʉʉd̶eeba Jesucristo ʉ̃rʉbena biꞌia kuitaad̶amera. Mʉ wãaruucha ẽbẽrarã tãed̶e b̶uud̶e maarã kĩra b̶uabarii mʉʉd̶eeba waabenarãba Cristod̶e ijãad̶aped̶a mʉʉba maarã kachiruad̶ebena karibamera.

2 Corintios 13:9

Machiba ãrea ijãa panuubʉrã dai meserãaswãe panumina kĩrajʉʉ panuu. Mau awara daiba Dachi Akõremaa ʉtaa id̶i panuu machiba jipa wau panad̶amera.

Gálatas 2:14

Maamina mʉʉba unusii ãchi biawãra chi bed̶ea bia Cristo ʉ̃rʉbena jara b̶uu kĩra nibad̶aabasii. Maud̶eeba mʉʉba Pedro jomaurã ãbarã daad̶e naka iadaasii: «Bichi judiomina judio kĩra nibakau. Maumaarã judiowãe kĩra nibabarii. Mau ¿sakãe bichiba ãbarã judiowãerãmaa judiorãba waubadau waubia b̶uma?»

Gálatas 6:2

Nebʉrad̶e panuud̶e chiya aid̶ásturu. Maka Cristoba waubi b̶uu machiba joma waud̶ai.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.