2 Corintios 11:26 - Emberá Chamí

²⁶ Mʉ od̶e wãaruud̶e, do che nub̶uud̶e nibabachii, maud̶e nechiruabadau baraumare nibabachii. Ara mʉ ẽbẽrarã judiorã tãed̶e maud̶e judiowãerã tãed̶e mʉ kachiruad̶e b̶uasii. Puurud̶e maud̶e puuru awara mʉ kachiruad̶e b̶uasii. Mard̶e bid̶a kachiruad̶e b̶uasii. Biawãra ãbarãwãe kakua mʉ kachiruad̶e b̶uasii.

2 Corintios 11:26 ပူးပေါင်းရင်းမြစ်များ

Hechos 13:45

Maamina chi judiorã karrarãba ẽbẽrarã ãrea ãchi ded̶e unusid̶aud̶e Pablo kakua sõd̶e jiwaa duaneesid̶au. Pabloba jaradea b̶uud̶e ãchiba seta abachid̶au maud̶e Pablo ʉ̃rʉbena kachirua berreabachid̶au.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 14:19

Listrad̶e panuud̶e waabenarã judiorã Antioquía puurud̶ebena maud̶e Iconio puurud̶ebena neesid̶au. Ãchiba Listrad̶ebenarãmaa Pablo ʉ̃rʉbena kachirua kʉ̃risiabiasid̶au. Maud̶eeba jomaurãba Pablo mooba b̶atasid̶au. Ichi biusii kʉ̃risiasid̶aud̶eeba puuru awara erta adoesid̶au.

Hechos 14:5

Judiorã maud̶e judiowãerã chi puurud̶ebena karrarã ome bed̶ea deasid̶au Pablo maud̶e Bernabé puꞌuabiad̶aped̶a mooba b̶ata bead̶ai baita.

Hechos 15:40

Maud̶e Pabloba Silas jʉrʉ adausii ichi baara wãmera. Ãbarãba ãchi Dachi Mechiu juad̶e b̶usid̶au ichi sõbiad̶eeba aid̶amera.

Hechos 17:13

Maumisa judiorã Tesalónica puurud̶ebenarãba kuitaasid̶au Pabloba Dachi Akõre bed̶ea Berea puurud̶e jaradea b̶uu. Maud̶eeba araa wãsid̶aud̶e arabenarã kĩrubikabiasid̶au kachirua waud̶amera.

Hechos 17:5

Maamina judiorã Jesusd̶e ijãawẽa nuree sõd̶e kachirua duaneesid̶au. Maud̶eeba ẽbẽra kachiruarã ãrea jʉrʉd̶aped̶a puuru kĩrubikabiad̶e wãsid̶au. Ãchi kʉ̃ria, Jasón ded̶e ed̶a wãd̶aped̶a, Pablo maud̶e Silas jidausid̶au jomaurã daad̶e ãchi nebʉra ichiad̶ai baita.

Hechos 18:12

Galión abadau Acaya druad̶ebena chi karr b̶eesiid̶e chi judiorã chiya berread̶aped̶a Pablo jidaud̶aped̶a ichi mau Galión kĩraare adoesid̶au.

Hechos 19:1

Apolos Corintod̶e b̶uumisa Pablo drua ea id̶aa b̶uare wãsiid̶e Éfeso puurud̶e neesii. Aria chi nuree Cristod̶e ijãabadaurã unusii.

Hechos 19:23

Mau ewarid̶e Jesús Od̶e duanuu kakua ẽbẽrarã ãrea kĩrubikasid̶au.

Hechos 20:19

Mʉʉba chi Dachi Akõreba waubi b̶uu wau b̶uasiid̶e chi aude mechiu nibai kʉ̃riabasii. B̶esed̶e jẽa b̶uabachii, judiorãba mʉ kachirua wau kʉ̃ria panasiid̶eeba.

Hechos 20:3

Aria jed̶ako õbea b̶uasii. Pablo Siria druad̶aa jãbad̶e wãi baita kub̶ud̶e kuitaasii judiorãba ichi kachirua waud̶ai baita bed̶ea deasid̶au. Maud̶eeba Macedonia druad̶aa wãsii.

Hechos 23:10

Aude mia ũrimaa bara b̶eesiid̶e, kokoroarã mechiuba, Pablo poyaa pichipichia waud̶ai wapea kʉ̃risia b̶uud̶e, ichi kokoroarã iukuasii mia ũrimaa duanuumaabena awara adoed̶amera maud̶e ãchi deemaa adoed̶amera.

Hechos 25:3

Chi chuburia id̶isid̶au Pablo Jerusalend̶aa adoebimera. Maka jarasid̶au Pablo od̶e bead̶ai kʉ̃risia panuud̶eeba.

Hechos 27:42

Maud̶e kokoroarãba chi jʉ̃a duanuu kenad̶ai kʉ̃risiasid̶au ab̶au sid̶a ibud̶aa ũuduuba mirurãad̶amera.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Romanos 8:35

¿Kaiba dachi Cristoba kʉ̃ria b̶uud̶ebena poyaa ãyaa b̶uima? Ewari chaarea neeruud̶e, ãrea biꞌiwãe panuud̶e, ẽbẽrarãba dachi kachirua wauduud̶e, jarrbisia ewarid̶e, paruswãe panuud̶e, kachiruad̶e panuud̶e, ẽbẽrarãba bea kʉ̃ria panuud̶e ab̶au bid̶a dachi Cristoba kʉ̃riad̶ebena poyaa ãyaa duanud̶aabai.

1 Corintios 15:30

Maud̶e biuped̶aad̶a chokae jiradud̶awẽebʉrã, ¿dai sakãe Jesucristo bed̶ea baita ewaricha kachiruad̶e ãrea biꞌiwãe panuu?

1 Corintios 15:32

Éfeso puurud̶e Dachi Akõre bed̶ea jaradeai baita mʉ ãrea biꞌiwãe b̶uasii ãnimara kachirua nuree ome chĩo b̶uu kĩra. Biuped̶aad̶a chokae jiradud̶aabaibʉrã, ¿mʉ ãrea biꞌiwãe b̶uasiid̶eeba kãare biꞌia adausma? Biawãra dachi chokae jiradud̶aabaibʉrã, biꞌia b̶uu waud̶ai waabenarãba jarabadau kĩra: «Biꞌia kod̶ai, itua dod̶ai nu biud̶aid̶eeba».

2 Corintios 11:32

Damasco puurud̶e b̶uasiid̶e chi rey Aretasba ichi puuru nubariimaa mʉ jʉrʉbisii jidaumera.

Gálatas 2:4

Mau ʉ̃rʉbena berreasid̶au chi nuree biawãra ãbarãwãeba jarabachid̶aud̶eeba. Maarã ãbarã kĩra need̶aped̶a, unud̶ai kʉ̃riabachid̶au dachi Moisesba b̶ʉd̶ad̶ebena ãyaa wãsid̶au kuitaa. Jesucristod̶e ijãad̶ai bad̶amaarã, chi Moisesba b̶ʉd̶a waya waubi kʉ̃ria panasid̶au, chi mau b̶ʉd̶a baita bari trajabadaurã kĩra.