2 Corintios 11:18 - Emberá Chamí

¹⁸ Ãreaba ara ãchi ʉ̃rʉbena ãrea berreabadau nau iujãad̶ebenarãba waubadau kĩra. Maud̶eeba mʉa bid̶a ara mʉ ʉ̃rʉbena biꞌia berreai.

2 Corintios 11:18 ပူးပေါင်းရင်းမြစ်များ

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

2 Corintios 1:17

Maamina mʉʉba kʉ̃risia b̶uad̶a kĩra waubasiid̶eeba ¿machimaarã mʉʉba ãyaa jaraska? ¿Machimaarã mʉʉba waui ad̶a waya wauwẽ abarika mʉʉba wau kʉ̃ria b̶uu kĩra waui baita?

2 Corintios 11:12

Ara mʉʉba waubarii kĩra wau b̶eei. Chi dai kĩra wau panuu abadaurãba maka berreabadau waabenarã audeara nuree a kʉ̃risia panuud̶eeba. Maamina ab̶au bid̶a poyaa jarad̶aabai dai kĩra wau panuu.

2 Corintios 12:1

Waya ara mʉ ʉ̃rʉbena biꞌia berreai, mauba waabenarã aid̶akamina. Dachi Mechiuba mʉ daumaa unubid̶a maud̶e kuitaabid̶a mʉʉba jaraaruu.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

2 Corintios 5:16

Maud̶eeba nau iujãad̶ebenarãba waabenarã ichiabadau kĩra jãabae daiba maka ichiad̶akau. Naed̶e daiba Cristo ʉ̃rʉbena maka kʉ̃risia panasmina jãabae maka waud̶akau.

1 Pedro 1:24

Dachi Akõre bed̶ead̶e naka b̶ʉ kub̶uu: «Jomaurã sirua kĩra nureebʉ. Ãchi mipitaa nepono kĩra nuree. Sirua poaped̶a chi nepono b̶aebarii.