2 Corintios 11:12 - Emberá Chamí

¹² Ara mʉʉba waubarii kĩra wau b̶eei. Chi dai kĩra wau panuu abadaurãba maka berreabadau waabenarã audeara nuree a kʉ̃risia panuud̶eeba. Maamina ab̶au bid̶a poyaa jarad̶aabai dai kĩra wau panuu.

2 Corintios 11:12 ပူးပေါင်းရင်းမြစ်များ

Mateo 26:16

Makaed̶eed̶e Judasba kʉ̃risia kob̶eesii Jesús saka jidaubii.

1 Corintios 5:6

Ara machi waabenarã audeara biꞌia nuree ad̶aabai panuu. ¿Machiba adua panuka masa ẽesãabibarii b̶aꞌãra b̶uuba harina joma ẽesãabibarii? Ara mau kĩra chi kachirua b̶aꞌãra wauruuba waabenarã ãbarã joma kachiruabiabarii.

1 Corintios 9:12

Waabenarãba machid̶ebena ne adaud̶ai panuubʉrã, daiba ãchi audeara biꞌia ne adaud̶ai panuu. Maamina ne id̶id̶akau. Maumaarã joma jãadua panuu ẽbẽrarãba chi bed̶ea bia Cristo ʉ̃rʉbena kachirua kʉ̃risiarãad̶amera.

2 Corintios 1:17

Maamina mʉʉba kʉ̃risia b̶uad̶a kĩra waubasiid̶eeba ¿machimaarã mʉʉba ãyaa jaraska? ¿Machimaarã mʉʉba waui ad̶a waya wauwẽ abarika mʉʉba wau kʉ̃ria b̶uu kĩra waui baita?

2 Corintios 10:17

Dachi Akõre bed̶ead̶e b̶ʉ kub̶uu: «Ab̶auba biꞌia berrearuubʉrã, Dachi Mechiu ʉ̃rʉbena biꞌia berreai b̶uu».

2 Corintios 11:18

Ãreaba ara ãchi ʉ̃rʉbena ãrea berreabadau nau iujãad̶ebenarãba waubadau kĩra. Maud̶eeba mʉa bid̶a ara mʉ ʉ̃rʉbena biꞌia berreai.

2 Corintios 11:9

Mʉ machimare b̶uasiid̶e ne joma uru b̶uabasmina machimaa ne id̶iibasii. Maumaarã mʉʉba wãꞌãe b̶uad̶a ãbarã Macedoniad̶ebena neeped̶aad̶aba joma mʉʉmaa deasid̶au. Mʉʉba ne ab̶a bid̶a machimaa id̶iibasii maud̶e id̶iwẽa b̶uai.

2 Corintios 5:12

Waya ara dai ʉ̃rʉbena machimaa biꞌia berrea panuuwãe, maumaarã kʉ̃ria panuu machiba dai ʉ̃rʉbena poyaa biꞌia kʉ̃risiad̶ai. Maka waabenarãba dai ʉ̃rʉbena kachirua jaraaduud̶e machiba dai ʉ̃rʉbena poyaa biꞌia jarad̶ai. Ãchi dauba biꞌia unu b̶uu biꞌia b̶uu kʉ̃risiabadau. Maamina chi sõd̶e b̶uu kʉ̃risiad̶akau.

Gálatas 1:7

Biawãra, chi bed̶ea bia june wãꞌãe. Maamina chi nureerãba machimaa biꞌiwãe kʉ̃risiabiabadau, chi bed̶ea bia Cristo ʉ̃rʉbena ãyaa jaradea panuud̶eeba.

1 Timoteo 5:14

Maud̶eeba mʉʉba kʉ̃ria b̶uu pẽdrãa wabid̶a chõodraawãe nuree miakãid̶ai, warr adaud̶ai, maud̶e ãchi de sid̶a biꞌia nud̶ai. Maka dachi kĩramaabadauba poyaa kachirua berread̶aabai.