2 Corintios 11:1 - Emberá Chamí

¹ Mʉ kʉ̃risiaswãe nii kĩra berrea b̶umina kʉ̃ria b̶uu machiba dauchia jãadua panad̶ai. Mʉ chi chuburia id̶iiruu mʉʉba jaraaruu ũrísturu.

2 Corintios 11:1 ပူးပေါင်းရင်းမြစ်များ

Mateo 17:17

Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.

Hechos 18:14

Pablo berrearuu basiid̶e, Galionba judiorãmaa jarasii: —Nau ẽbẽraba kachirua waud̶a basirã maebʉrã kachirua mechiu waud̶a basirã mʉʉba machi bed̶ea ũrikausii.

Hechos 26:29

Pabloba jarasii: —Mʉʉba Dachi Akõremaa ʉtaa id̶i b̶uu kãꞌãabariwãed̶e maebʉrã ewari ãread̶e bichi maud̶e joma chi mʉ bed̶ea ũri panuu, mʉ kĩra panad̶amera, maamina nau kaenawãe.

1 Corintios 1:21

Dachi Akõreba ichi kʉ̃risia kuitaad̶eeba waud̶aba, ara ichi unubia b̶uu. Maamina nau iujãad̶ebenarãba ara ãchi kʉ̃risia kuitaad̶eeba ichi unud̶akau. Chi daiba jaradea panuu kĩra kawawẽa b̶uu kĩra b̶umina Dachi Akõremaarã bibuara b̶uu maud̶eeba joma chi ichid̶e ijãaduu karibai.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

1 Corintios 4:8

Dachi Akõred̶eeba adau kʉ̃ria panad̶a machiba joma uru panuu abadau. Dachi Akõreba dea b̶uu ãrea uru panuu abadau. Dai ida b̶ud̶aped̶a machi du ab̶a chi mechiurã paneed̶ai a kʉ̃risia panuu. Maamina makawãema. Machi biawãra chi mechiurã paneed̶a basirã biꞌia b̶uai basii. Makara dai sid̶a machi ome ãbua chi mechiurã paneed̶ai basii.

2 Corintios 11:19

Machi kʉ̃riskawa nureed̶eeba nau kʉ̃risiaswãe niiba jaradea b̶uu machiba dauchia jãadua panabadau.

2 Corintios 11:21

Mʉʉba jaraaruu: mʉ machi tãed̶e b̶uasiid̶e, jãarã kĩra b̶uabasii. Machimaarã, mʉ maka chi poyaabariiswãe b̶uad̶a kakua, ¿nejasia b̶uai b̶uka? Ab̶auba ara ichi ʉ̃rʉbena poyaa biꞌia berrearuubʉrã, mʉa bid̶a ara mʉ ʉ̃rʉbena poyaa biꞌia kʉ̃riai. Maamina maka berrearuud̶e kʉ̃risiaswãe nii kĩra berreai b̶uu.

2 Corintios 11:4

Dai diware nuree need̶aba Jesús ʉ̃rʉbena daiba jaradeaped̶aad̶a awara jaradearuud̶e maebʉrã chi Dachi Akõre Jauri machiba adauped̶aad̶a ʉ̃rʉbena awara jaradearuud̶e machiba kauwa ũribadau. Maud̶e chi bed̶ea bia machiba ijãaped̶aad̶a awara jaradearuud̶e kauwa ũribadau.

2 Corintios 12:11

Mʉ kʉ̃risiaswãe nii kĩra ara mʉ ʉ̃rʉbena biꞌia berrea b̶uu, maamina machiaburu mʉ maka berreabisid̶au. Machiba mʉ ʉ̃rʉbena biꞌia berread̶ai panumina biꞌia berread̶awẽa panuu. Maud̶e kʉ̃risia panuu jãarã Jesucristoba bʉid̶arã abadaurã chi mechiu nuree. Mʉ chi mechiuwãemina ãchi audeara kaebeu b̶uuwãe.

2 Corintios 5:13

Waabenarãba jara panuu dai kĩranema nuree. Dai kĩranema panuubʉrã, Dachi Akõreba jara b̶uu waud̶ai baita maka panuu. Dai kĩrabia panuubʉrã, machi aid̶ad̶ai baita maka panuu.

Hebreos 5:2

Ẽbẽrarãba adua panuud̶eeba kachirua wauped̶aad̶a paare mechiuba poyaa kuitaa b̶uu kĩra chuburiai baita, ichia bid̶a arab̶aud̶e waubariid̶eeba.