2 Corintios 10:8 - Emberá Chamí

⁸ Dachi Akõreba daimaa waubi b̶uu ʉ̃rʉbena mʉʉba ãrea berrea b̶umina mau kakua kĩra nejasia b̶uuwãe. Dachi Mechiuba daimaa maka waubi b̶uu machiba biꞌia ijãad̶amera. Ichiba dai b̶uubasii machiba ijãa panuu ida b̶ud̶amera.

2 Corintios 10:8 ပူးပေါင်းရင်းမြစ်များ

2 Corintios 1:24

Daiba jara panuu kĩra waubiad̶aabai machiba Cristod̶e ãrea ijãa panuud̶eeba. Bari machi aid̶a kʉ̃ria panuu kĩrajʉʉ panad̶amera.

2 Corintios 10:4

Daiba chĩod̶ai baita uru panuu nau iujãad̶ebenawãema, maumaarã Dachi Akõre poyaabariid̶eeba joma nau iujãad̶ebena kʉ̃risiabadau daiba poyaabadau.

2 Corintios 10:9

Mʉʉba kʉ̃riawẽe machiba kʉ̃risiad̶ai mʉ kartad̶eeba machi perabiai kʉ̃ria b̶uu.

2 Corintios 12:19

¿Machimaarã daiba maka jara panuka dai ʉ̃rʉbena kachirua kʉ̃risiarãad̶amera? Makawãema. Ãbarã, dai Cristod̶erãd̶eeba Dachi Akõre daad̶e joma mau jara panuu machiba biꞌia ijãad̶amera.

2 Corintios 12:6

Biawãra ara mʉ ʉ̃rʉbena biꞌia berrea kʉ̃ria basirã mʉ kʉ̃risiaswãe nii kĩra berreabasii, biawãra bed̶ea berreai basiid̶eeba. Maamina mʉ maka berreawẽma ab̶au bid̶a mʉ biꞌia b̶uu kʉ̃risiarãad̶amera. Maumaarã mʉʉba kʉ̃ria b̶uu machiba mʉ ʉ̃rʉbena arakʉd̶e kʉ̃risiad̶ai mʉʉba wau b̶uu unu panuud̶eeba maud̶e mʉʉba jaradea b̶uu ũri panuud̶eeba.

2 Corintios 13:10

Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Corintios 13:8

Daiba chi biawãra bed̶ea poyaa kĩra awara waud̶aabai, maumaarã chi biawãra bed̶ea joma waud̶ai panuu.

2 Corintios 7:14

Tito machimaa wãi naed̶e mʉʉba machi ʉ̃rʉbena ichimaa biꞌia jarasii. Mʉʉba jarad̶a kĩra Titoba unud̶e wãsiid̶eeba mʉ machi kakua kĩra nejasiawẽa b̶uu. Joma daiba machimaa jaradeaped̶aad̶a biawãra basii. Ara mau kĩra joma daiba Titomaa machi ʉ̃rʉbena biꞌia jaraped̶aad̶a biawãra basii.

2 Corintios 7:4

Mʉʉba machimaa biawãra berrea b̶uu maud̶e machi kakua mʉ kĩrajʉʉ b̶uu. Dai ãrea biꞌiwãe panuud̶e mʉ machi kakua sõbiad̶eeba b̶uabarii maud̶e ãrea kĩrajʉʉ b̶uabarii.

Gálatas 1:1

Mʉ Pablobʉ, Jesucristoba bʉid̶abʉ. Ẽbẽrarãba mʉ jʉrʉ adaud̶aabasii Jesucristoba bʉid̶a b̶uamera. Maumaarã Jesucristoba maud̶e ichi Akõreba, ichi biu b̶uad̶a chokae jiradubid̶aba mʉ maka b̶usid̶au.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.