2 Corintios 10:5 - Emberá Chamí

⁵ Joma kʉ̃risia biꞌiwãe b̶ee maud̶e dachi nejuakayad̶eeba Dachi Akõre ʉ̃rʉbena ida kuitaabiad̶akau, daiba chi seta kuitaabiabadau. Jʉ̃a uru paneeduu kĩra daiba chi maka kʉ̃risia nuree jipa kʉ̃risiabiabadau Cristod̶e ijãad̶amera.

2 Corintios 10:5 ပူးပေါင်းရင်းမြစ်များ

Mateo 15:19

Ẽbẽra sõd̶ebena nakʉ kʉ̃risia kachirua awara wãbarii: mia beayu; ab̶a miakãid̶a junebena ome kãi nub̶eeyu; waabenarã ome ne kachirua wauyu; chiruayu; setaa jarayu; ab̶au ʉ̃rʉbena miadaa berreayu; makʉ kʉ̃risia.

Lucas 1:51

Dachi Akõreba ichi poyaad̶eeba ne waib̶ʉa waukuasii. Ara ãchi du ab̶a chi mechiu kʉ̃risia b̶eerã ichiba jĩichoabiasii.

Romanos 1:21

Maarãba Dachi Akõre kuitaa panasid̶amina ichimaa biꞌia berread̶aabai maud̶e ichíturu kid̶ibai ad̶aabasii. Maumaarã kʉ̃risiaswãe nuree kĩra paneesid̶au. Maka paneed̶aped̶a pãriud̶e paneesid̶au.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

Romanos 7:23

Maamina june kʉ̃risia sid̶a mʉ sõd̶e b̶uu. Mauba mʉ jʉ̃a uru b̶uu kĩra mʉʉmaa kachirua waubibarii. Chi mʉʉba biꞌia wau kʉ̃ria b̶uu mau kʉ̃risiaba ida waubi kʉ̃riakau, ne bia waui kʉ̃risia ome chĩo b̶uu kĩra.

1 Corintios 1:19

Dachi Akõre bed̶ead̶e naka b̶ʉ kub̶uu: «Chi ãrea kuitaa nuree kʉ̃risia kuitaa, mʉʉba biꞌiwãe b̶uu unubiai. Chi kʉ̃risia kuitaa nureerãba waud̶ai kʉ̃risia panuu ida kabiabai».

1 Corintios 3:19

Dachi Akõremaarã, nau iujãad̶ebena kʉ̃risia kuitaa biꞌiwãe b̶uu. Dachi Akõre bed̶ead̶e naka b̶ʉ kub̶uu: «Dachi Akõreba chi nau iujãad̶e ne kuitaa nuree ara ãchi kʉ̃risia kuitaad̶eeba unubibarii ne kuitaa panuuwãe».

2 Corintios 11:20

Machi ãchi baita bari trajabadaurã kĩra paneebiaduud̶e, machi kod̶ai bad̶a kooduud̶e, machid̶e juakaa adauduud̶e, maarãba machi aude bibuara nuree kʉ̃risiaduud̶e maebʉrã machi kĩedarr sĩiduud̶e machiba ida kabibadau.

2 Corintios 9:13

Machiba maka aid̶a panuuba, maka unubi panuu chi bed̶ea bia Cristo ʉ̃rʉbena biawãra ijãa panuu. Sõbiad̶eeba chi ãbarãmaa dea panuu maud̶e jomaurã aid̶a panuu. Maud̶eeba Dachi Akõremaa biꞌia berread̶ai.

Filipenses 4:7

Mauba Dachi Akõreba machi sõ maud̶e machi kʉ̃risia jirukaraayuwãe duanubiai Jesucristo ome panuud̶eeba. Mau jirukaraayuwãe panad̶ai ẽbẽrarãba ãchi du ab̶a poyaa kauwa kuitaad̶aabai.

2 Tesalonicenses 2:4

Ichiba Dachi Akõre maud̶e joma ẽbẽrarãba dachi akõre abadau kʉ̃riakau b̶uai. Ichiba joma mau audeara chi mechiu nii ai. Maud̶eeba Dachi Akõre de mechiud̶e akʉ b̶eeped̶a, ichíturu Dachi Akõre ai.

2 Tesalonicenses 2:8

Maabáeburu chi kachiruad̶ebena ẽbẽra neei. Maamina Dachi Mechiu Jesús kĩrawãrea ted̶echoa neeruud̶e ara berrearuuba mau ẽbẽra beai.

Hebreos 4:12

Biawãra Dachi Akõre bed̶ea chokae nii maud̶e poyaabarii nii. Ichi bed̶ea espada muriacha peed̶ea kĩra b̶uu. Ichi bed̶eaba dachi kʉ̃risia maud̶e dachi sõba wau kʉ̃ria b̶uu joma arakʉd̶e kuitaabiabarii dachi kʉ̃risia, dachi jauri maud̶e dachi sõ id̶u tõoruu kĩra.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

1 Pedro 1:2

Dachi Bajãad̶ebena Akõreba machi adausii ichiba naed̶e makai kʉ̃risia b̶uad̶a kĩra. Dachi Akõre Jauriba machi ichi baita b̶usii Jesucristod̶e ijãad̶amera maud̶e ichi oad̶eeba Dachi Akõre daad̶e kachiruaswãe nuread̶amera. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uamera maud̶e jirukaraayuwãe b̶uabiamera.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.