2 Corintios 10:15 - Emberá Chamí

¹⁵ Waabenarãba wauped̶aad̶a kakua ara dai ʉ̃rʉbena biꞌia berread̶akau ara daiba wauped̶aad̶a kĩra. Maumaarã daiba kʉ̃ria panuu machiba Cristod̶e biꞌia ijãad̶ai. Maka daiba machi druad̶e poyaa biꞌia jaradead̶ai ara Dachi Akõreba waubi b̶uu kĩra.

2 Corintios 10:15 ပူးပေါင်းရင်းမြစ်များ

Hechos 5:13

Chi waabenarã wapeaba maarã baara araa ãbua imid̶akabasii. Maamina jomaurãba maarã ʉ̃rʉbena biꞌia berreabachid̶au.

Romanos 15:20

Biawãra chi bed̶ea bia Cristo ʉ̃rʉbena mʉʉba jaradea kʉ̃ria b̶uu chi wabid̶a ũrid̶akaurãmaa. Ab̶auba jaradea b̶uumaa mʉ traja kʉ̃riawẽma.

2 Corintios 10:13

Ara dai ʉ̃rʉbena biꞌia berread̶aabai, maumaarã Dachi Akõreba daimaa waubi b̶uu ʉ̃rʉbena biꞌia berread̶ai. Ichiba waubi b̶uu wau panuud̶eeba dai machimaa neesid̶au.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.