2 Corintios 1:17 - Emberá Chamí

¹⁷ Maamina mʉʉba kʉ̃risia b̶uad̶a kĩra waubasiid̶eeba ¿machimaarã mʉʉba ãyaa jaraska? ¿Machimaarã mʉʉba waui ad̶a waya wauwẽ abarika mʉʉba wau kʉ̃ria b̶uu kĩra waui baita?

2 Corintios 1:17 ပူးပေါင်းရင်းမြစ်များ

Mateo 1:19

Chi kima José mukĩra jipa nibasiid̶eeba, María chũpea b̶ʉi basii jomaurã daad̶e kachirua berread̶amaaba.

Mateo 5:37

Machiba ne waud̶ai aaduubʉrã, wáusturu. Maud̶e waud̶aabai aaduubʉrã, waurã́sturu. Mau barikiu trʉ̃d̶eeba biawãra ne waui jaraaruu kachiruad̶ebena nee b̶uu.

Juan 8:15

Machiba nau iujãad̶ebena kʉ̃risiad̶eeba mʉ ichia panuu. Mʉʉba ab̶aumaa bid̶a maka ichiakau.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 11:18

Ãreaba ara ãchi ʉ̃rʉbena ãrea berreabadau nau iujãad̶ebenarãba waubadau kĩra. Maud̶eeba mʉa bid̶a ara mʉ ʉ̃rʉbena biꞌia berreai.

Gálatas 1:16

ichi Warr mʉʉmaa kuitaabisii judiowãerãmaa mau ʉ̃rʉbena jaramera. Maud̶e mʉʉba ab̶aumaa bid̶a id̶iibasii saka waui b̶uu kuitaai baita.

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

Santiago 5:12

Mau awara ãbarã, ab̶au trʉ̃d̶e biawãra ne waud̶ai arã́sturu. Bajãa trʉ̃d̶eeba, nau iujãa trʉ̃d̶eeba maebʉrã barikiad̶e biawãra waud̶ai arã́sturu. Waud̶ai aaduubʉrã, biawãra wáusturu. Maud̶e waud̶awẽe aaduubʉrã, biawãra waurã́sturu. Maka Dachi Akõreba machi nebʉra ichiabai.