1 Timoteo 6:4 - Emberá Chamí

⁴ joma kuitaa b̶uu kʉ̃risia b̶umina biawãra adua nii. Kĩrajʉʉwãe b̶uud̶eeba oa kachirua berrea b̶uabarii. Barikia berreaduud̶eeba oa kachirua b̶eebarii. Maud̶eeba naarã neebadau: ãibenaba ne kaebea uru b̶uu kakua kĩra kachirua b̶uai, ãibena ome kĩrubi id̶aa b̶uai, ãibena ʉ̃rʉbena kachirua berrea b̶uai, maud̶e ãibena ʉ̃rʉbena kachirua kʉ̃risia b̶uai.

1 Timoteo 6:4 ပူးပေါင်းရင်းမြစ်များ

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 18:15

Maamina machiba ab̶aburu bed̶ea ʉ̃rʉbena, machi Dachi Akõre trʉ̃ ʉ̃rʉbena maud̶e machi Moisesba b̶ʉd̶a ʉ̃rʉbena berrea panuu. Maud̶eeba ara machi du ab̶a ichiásturu. Mʉʉba mau ʉ̃rʉbena nebʉra kastikai baita b̶uwãema.

Hechos 8:9

Jaibana Simón abadau aria b̶uasii. Ara ichi chi mechiu nii kʉ̃risiasiid̶eeba maud̶e ãrea chokae b̶uasiid̶eeba, Samariad̶ebenarã setaa kũrua uru b̶uasii.

Romanos 12:16

Jomaurã ome biꞌia panásturu. Waabenarã audeara biꞌia nuree kʉ̃risiarã́sturu, maumaarã chi miichuburi nuree ome biꞌia panásturu. Kʉ̃risiarã́sturu machiba waabenarã audeara biꞌia kuitaa panuu.

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

Romanos 14:1

Ab̶a ãbaba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa b̶uubʉrã, ichi biꞌia irsibísturu. Maamina ichiba adua b̶uu ʉ̃rʉbena ichi ome oa kachirua berrearã́sturu.

Romanos 2:8

Maamina chi nureerãba waabenarã audeara biꞌia panad̶ai baita jʉrʉbadau. Maud̶eeba chi biawãra bed̶ea ijãad̶ai kʉ̃riad̶akau kachiruad̶e panad̶ayua. Mau ẽbẽrarã Dachi Akõreba ichi kĩru kub̶uuba ãrea kastikai.

1 Corintios 11:16

Ab̶auba mau kakua oa kachirua berrea b̶eeruubʉrã, mʉʉba nau ichimaa jaraaruu: daiba maud̶e ẽbẽrarã Dachi Akõred̶erã awara waud̶akau.

1 Corintios 11:18

Naa jaraaruu mʉʉba ũri b̶uu machi araa ãbua imiiduud̶e kʉ̃risia aꞌawaraa duanabarii. Mʉʉba kʉ̃risia b̶uu chi mʉʉmaa nebʉrʉped̶aad̶a chi b̶ee biawãra b̶uu.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

1 Corintios 3:3

Machi wabid̶a nau kakuaba wau kʉ̃ria b̶uu kĩra nibabadau: waabenarãba uru panuu kakua, kachirua kʉ̃risiabadau maud̶e oa kachirua berreabadau. Maka nureed̶eeba ¿nau kakuaba wau kʉ̃ria b̶uu kĩra nureewãeka?

2 Corintios 11:20

Machi ãchi baita bari trajabadaurã kĩra paneebiaduud̶e, machi kod̶ai bad̶a kooduud̶e, machid̶e juakaa adauduud̶e, maarãba machi aude bibuara nuree kʉ̃risiaduud̶e maebʉrã machi kĩedarr sĩiduud̶e machiba ida kabibadau.

Gálatas 5:15

Kauwa panásturu. Oa kachirua berrea duaneeduubʉrã, chĩo duaneeduubʉrã, ara machi du ab̶a joma baribad̶ai.

Gálatas 5:26

Waabenarã audeara biꞌia nuree kʉ̃risiad̶aabai panuu, oa kachirua berrea duanad̶aabai panuu maud̶e ab̶auba uru b̶uu kakua kachirua kʉ̃risiad̶aabai panuu.

Gálatas 6:3

Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.

Filipenses 1:15

Biawãra chi nuree mʉ ome kĩra kachirua panuud̶eeba, maarãba jarabadau Cristo ʉ̃rʉbena mʉ audeara kuitaa panuu ad̶ai baita. Maamina waabenarãba kʉ̃risia biad̶eeba jarabadau.

Filipenses 2:14

Waabenarã ʉ̃rʉbena kachirua berread̶awẽa maud̶e oa kachirua berread̶awẽa joma wáusturu.

Filipenses 2:3

Waabenarã audeara biꞌia nuree kʉ̃risia panuud̶eeba ne ab̶a bid̶a waurã́sturu. Maud̶e waurã́sturu machi báitaburu biꞌia nuread̶ai baita. Maumaarã kʉ̃risiásturu waabenarã machi audeara biꞌia nuree.

Colosenses 2:18

Mau baita ab̶auba machiba ne bia bajãad̶e adaud̶aabai aaduubʉrã, ijãarã́sturu. Maarã berreabadaurã setaa maka nibabadau waabenarã chi aude kaebeu nibabadau kĩra. Maarãba angelerã ãrea kʉ̃riabadau. Chi maarã daumaa unubiaped̶aad̶a ãrea jaradeabadau. Dachi juaba biꞌiwãe waui kʉ̃ria b̶uud̶eeba ẽbẽra jaradea ua b̶uabadaurã mechiurã kĩra ãyaa kʉ̃risiabadau.

2 Tesalonicenses 2:4

Ichiba Dachi Akõre maud̶e joma ẽbẽrarãba dachi akõre abadau kʉ̃riakau b̶uai. Ichiba joma mau audeara chi mechiu nii ai. Maud̶eeba Dachi Akõre de mechiud̶e akʉ b̶eeped̶a, ichíturu Dachi Akõre ai.

1 Timoteo 1:4

Ãchimaa jarase nabẽraed̶ebena nebʉrʉ maud̶e dachi nabẽraed̶ebenarã trʉ̃ ãrea jaradeabadau ʉ̃rʉbena ãrea kʉ̃risiarãad̶amera. Maud̶eeba oa kachirua berrea duaneebiabarii. Mauba dachi aid̶akau Dachi Akõreba waubi b̶uu waud̶amera. Ab̶a ichi bed̶ea ijãa panuud̶eeburu poyaa waud̶ai.

1 Timoteo 1:7

Ãchiba Moisesba b̶ʉd̶a jaradeabadaurã ba kʉ̃ria panuu, maamina ãrea kuitaa panuu kĩra jaradeabadamina adua panuu kãare jaradea panuu.

1 Timoteo 3:6

Dachi Akõre bed̶ea ea ijãad̶a nii ijãabadaurã nubarii b̶uabai b̶uu chi mechiu kʉ̃risiarãamera. Maka kʉ̃risiaruubʉrã Dachi Akõreba ichi kastikai jʉbawãe nii kastikad̶a kĩra.

2 Timoteo 2:14

Joma mau ãbarãmaa kĩrababia b̶uase. Dachi Akõre daad̶e jarase maarã barikia bed̶ea kakua kĩru id̶aa berrea panarãad̶amera. Mau kĩru id̶aa berreaba dachi aid̶akau, maumaarã chi ũri nureerãmaa kʉ̃risia kachirua kʉ̃risiabiabarii.

2 Timoteo 2:23

Oa kachirua berrearã́se chi arakʉd̶e kʉ̃risiad̶akau nuree ome, kuitaa b̶uud̶eeba mauba dachi oa kachirua berreabiabarii.

2 Timoteo 3:4

Ãchi kõpaero ichi kĩramaabarii juad̶e b̶ud̶ai kachirua waumera. Ãrea kʉ̃risiaswãe barikia wau panad̶ai. Jomaurã audeara chi kuitaa ãrea nuree ad̶ai. Dachi Akõre audeara ara ãchíturu kĩrajʉʉ biꞌia kʉ̃ria nuread̶ai.

Tito 3:9

Maamina barikia bed̶ea biawãe b̶uu kakau oa kachirua berrearã́se. Maud̶e Moisesba b̶ʉd̶a ʉ̃rʉbena oa kachirua berrearã́se. Maud̶e dachi nabẽraed̶ebenarã trʉ̃ jaradeabadau ida b̶use. Joma mau biꞌiwãe b̶uu maud̶e ab̶a bid̶a karibakau.

Santiago 1:19

Ãbarã mʉa kʉ̃riakuabarii, nau kʉ̃risia panásturu: Jomaurãba biꞌia ũrid̶ai baita nuread̶ai panuu, biꞌia nuread̶ai panuu, maud̶e barikia isa kĩrud̶aabai panuu.

2 Pedro 2:12

Maamina setaa jaradeabadaurãba ãchiba adua panuud̶ebena kachirua berreabadau. Ãnimara kĩra kʉ̃risiaswãe nuree. Ab̶a ãchi kakuaba kʉ̃ria b̶uu waubadau. Ãnimara tobadau ẽbẽrarãba jidaud̶aped̶a bead̶amera. Ara mau kĩra setaa jaradeabadaurã joma biud̶ai.

2 Pedro 2:18

Ãchiba mipitaa berreaduuba jaradeabadau. Maamina mauba aid̶akau. Ãchiba jaradeabadau nau kakuaba kachirua wau kʉ̃ria b̶uu waud̶ai panuu. Maka chi ara ea kachiruad̶ebena wãped̶aad̶a nuree ãchiba setaa kũruabadau waya kachirua waud̶amera.

Judas 1:10

Maamina chi maarã ẽbẽrarã machi tãed̶e neeped̶aad̶aba, ãchiba adua panuu ʉ̃rʉbena kachirua berreabadau. Ãnimararãba kʉ̃risiabadau kĩra kʉ̃risiabadau maud̶e chi kakuaba waubi kʉ̃ria b̶uu kĩráburu waubadau. Maud̶eeba Dachi Akõreba kastikakuai.

Judas 1:16

Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.

Apocalipsis 3:17

Machiba chi nejarr barau nuree a panuu, ne joma uru panuu a duanuu, maud̶e ne ab̶a bid̶a wãꞌãe nistad̶ai baita a duanuu. Maamina adua panuu machi miichuburi duanuu, kachirua duanuu, ne ab̶a bid̶a uru panuuwãe, dau pãriu duanuu maud̶e ãkad̶aa duanuu.