1 Timoteo 5:8 - Emberá Chamí

⁸ Ab̶aba ara ichi ded̶ebenarã aid̶akaubʉrã, Dachi Akõre bed̶ea ida b̶u b̶uu. Mau Cristod̶e ijãad̶akaurã audeara kachirua wau b̶uu.

1 Timoteo 5:8 ပူးပေါင်းရင်းမြစ်များ

Mateo 18:17

Wabid̶a ãchiba jaraaduu ichiba ũri kʉ̃riawẽebʉrã, Dachi Akõred̶e ijãabadaurãmaa joma ãbua iuped̶a ãchimaa mau ʉ̃rʉbena jarase. Maamina Dachi Akõred̶e ijãabadaurãba jaraaduu ũrii kʉ̃riawẽebʉrã, ichi Dachi Akõred̶e ijãakau kĩra maebʉrã Romad̶ebena baita chi nejarra pebarii kĩra ida b̶ústuru.

Mateo 7:11

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ne kaebea bia deabai b̶uka?

Juan 15:22

»Mʉʉba ãchimaa jarad̶e need̶awãe basirã ãchi kachirua wauped̶aad̶a kakua nebʉrad̶e nuread̶aabai basii. Maamina mʉ bed̶ea ũrisid̶aud̶eeba, ãchiba kachirua wau panuu kakua mau adua panasii ad̶ai.

1 Corintios 6:6

Mau ãyaa ãba waabena ãba ome kĩru berread̶aped̶a nau iujãad̶ebena juezrãmaa wãbadau. Biawãra maka waud̶aabai panuu chi Dachi Akõred̶e ijãad̶akaurã daad̶e kĩru berreabadaud̶eeba.

2 Corintios 12:14

Mʉ machimaa wãi baita b̶uu. Nauba b̶es õbea bai wãaruu. Maamina mʉʉba id̶iwẽma machiba aid̶ad̶amera. Machiba uru b̶ee jʉrʉ b̶uuwãe, maumaarã machi kʉ̃ria b̶uu. Warrarãba chi nejarra jaatʉd̶akau ãchi akõrerãmaa dead̶ai baita, maumaarã chi akõrerãba chi nejarra jaatʉbadau ãchi warrarãmaa dead̶ai baita.

2 Corintios 6:15

¿Cristo saka jʉbawãe nii ome biꞌia b̶uaima? ¿Cristod̶e ijãa b̶uu saka Cristod̶e ijãawẽa b̶uu ome biꞌia nibaima?

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

2 Timoteo 2:12

Dachi ãrea biꞌiwãe panuu dauchia jãadua panuubʉrã, ichi ome chi karrarã kĩra nuread̶ai. Dachiba Cristo adua panuu aaduubʉrã, ichia bid̶a dachi adua b̶uu ai.

2 Timoteo 3:5

Dachi Akõred̶e ijãabadaurã kĩra nuread̶ai maamina ida b̶ud̶aabai Dachi Akõreba ichi poyaabariiba ãchi jipa nureabiamera. Makʉrã ome ãbua b̶uarã́se.

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

2 Pedro 2:1

Israel puurud̶ebenarã tãed̶e Dachi Akõre baita berreabadaurã setaa jaradeabadaurã basii. Machi tãed̶e bid̶a setaa jaradeabadaurã baraai. Setad̶eeba ãchiba dachi o ãyaa wãbiabarii kʉ̃risia, Dachi Akõre bed̶ea kĩra jaradead̶ai. Dachi Mechiu Jesusba ãchi kariba b̶uad̶a unud̶akau ad̶ai. Maud̶eeba Dachi Akõreba isa kastikai.

Judas 1:4

Maka b̶ʉ b̶uu june ãbarã kĩra nuree machi tãed̶e duanuud̶eeba. Maarã ẽbẽrarãba setaa jaradeabadau Dachi Akõreba ichi sõbiad̶eeba dachi karibakuasiid̶eeba dachi kakuaba kachirua wau kʉ̃ria b̶uu poyaa waud̶ai panuu. Maarãba Dachi Mechiu ab̶a nii Jesucristo ida b̶ubadau. Eskareed̶eed̶e b̶ʉ kub̶uu Dachi Akõreba ãchi kastikai ʉ̃rʉbena.

Apocalipsis 2:13

»Machiba wau panuu mʉʉba kuitaa b̶uu. Maud̶e kuitaa b̶uu machi panabadaumare Satanás chi rey ãkaud̶e akʉ b̶uu. Maamina machi wabid̶a mʉ baara nibabadau. Chi Satanasd̶erãba chi ãba Antipas beasid̶aud̶e mʉ kakua biawãra berreasiid̶eeba, machi mʉʉd̶e ijãad̶ai ida b̶ud̶aabasii.

Apocalipsis 3:8

Naka jara b̶uu: »Machiba wau panuu mʉʉba kuitaa b̶uu. ¡Ũrísturu! Mʉʉba poraa ab̶a machi daad̶e ewasii. Mau ab̶au bid̶a poyaa jʉ̃abai. Machi meserãa ãreawãe nuremina, mʉ bed̶ea ãrea ijãabadau. Mʉ istu b̶ud̶awẽa panuu.