1 Timoteo 5:17 - Emberá Chamí

¹⁷ Chi ijãabadaurã nubadaurãba biꞌia wau panuud̶eeba ãbarãba kʉ̃risia biad̶eeba maarã aid̶ad̶ai panuu, ne uru panad̶amera. Maarãd̶ebena chi Dachi Akõre bed̶ea jaradeabadaurã maud̶e dachi saka nibai ʉ̃rʉbena jaradeabadaurã, aude aid̶ad̶ai panuu.

1 Timoteo 5:17 ပူးပေါင်းရင်းမြစ်များ

Mateo 24:25

Mau joma mʉʉba machimaa jarasii makai naed̶e.

Lucas 10:7

Machi apii jirukaraayuwãe irsibiiduubʉrã, mau ded̶e panésturu. Decha kãirã́sturu. Maarãba deaduu kósturu maud̶e dósturu, chi trajabariiba chi deai b̶uu chi nejarra adaui b̶uud̶eeba.

Lucas 12:42

Jesusba panausii: —Chibari baita bari trajabariiba kʉ̃risia kuitaa b̶uud̶eeba jipa wau b̶uubʉrã, chi de chibariba chi waabenarã chibari baita bari trajabadaurã mau chibari baita bari trajabarii juad̶e b̶ui chi kod̶ai baaruud̶e kobia b̶uamera.

Juan 4:38

Ara mau kĩra mʉʉba machi bʉikasii waabenarãba uuped̶aad̶a junad̶amera. Maarãba ãrea uuped̶aad̶a machiba bari au juna panuu.

Hechos 11:30

Mau chi nejarr peped̶aad̶akare, Bernabé maud̶e Saulomaa urubʉisid̶au chi Judead̶ebena ijãabadaurã nubadaurã baita.

Hechos 20:35

Joma mʉʉba wausiid̶eeba machimaa kuitaabiasii ãrea traja panuud̶eeba chi nejarr barauwãe ked̶ee aid̶ad̶ai panuu. Kĩrabad̶ai panuu Dachi Mechiu Jesusba naka jarasii: “Bibuara b̶uu ab̶aumaa deai, chi mau adaui bad̶amaarã”».

Hechos 28:10

Mau ẽbẽrarãba dai chi mechiurã kĩra biꞌia wausid̶au. Waya jãbad̶e atausid̶aud̶e dai wãꞌãe panad̶a ãchiba joma deasid̶au.

Romanos 12:8

Chi nureerãmaa deasii ãbarã aid̶a panuud̶eeba biꞌia ijãad̶amera. Maka dead̶akasiibʉrã, ãbarã aid̶ad̶ai panuu biꞌia ijãad̶amera. Chi nureerãmaa deasii ne kaebea dea panuud̶eeba waabenarã aid̶ad̶amera. Maka dead̶akasiibʉrã, sõbiad̶eeba dead̶ai panuu. Chi nureerãmaa deasii chi ijãabadaurã jaradea ua b̶uabarii nuread̶amera. Maka dead̶akasiibʉrã, jipa wau nuread̶ai panuu. Maud̶e chi nureerãmaa deasii waabenarã kĩra chuburiad̶amera. Maka dead̶akasiibʉrã, kĩrajʉʉd̶eeba kĩra chuburiad̶ai panuu.

Romanos 15:27

Mau ãbarã judiowãerãba kĩrajʉʉ mau chi nejarra ãbarã judiorã baita araa pesid̶au. Biawãra maka waud̶ai panasid̶au judiorãmaa dead̶ai baraa panasid̶aud̶eeba. Judiowãerãba ne joma biꞌia Dachi Akõre ʉ̃rʉbena judiorãd̶ebena adausid̶aud̶eeba, ãbarã judiorãmaa ne bia nau iujãad̶ebena dead̶ai panuu.

Romanos 16:12

Neekau Trifenamaa maud̶e Trifosamaa jarásturu mʉʉba kʉ̃ria b̶uu maarã biꞌia panad̶ai. Ãchiba Dachi Mechiu baita biꞌia wau panuu. Maud̶e neekau Persidamaa ara mau jarásturu. Mauba Dachi Mechiu baita biꞌia wau b̶uu.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

1 Corintios 16:16

Mʉʉba machimaa chi chuburia id̶iiruu ãchi maud̶e joma ãchi kĩra nuree ũrid̶amera. Joma Dachi Akõre traju waubadaurã maud̶e ãbarã aid̶abadaurã ũrísturu.

1 Corintios 3:9

Mʉʉba Apolos ome arab̶aud̶e Dachi Akõre traju wau panuu. Machi sid̶a Dachi Akõred̶e ne uu nub̶uu iujãabʉ. Mau awara machi Dachi Akõreba de wau b̶uu kĩra nuree.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

Gálatas 6:6

Chi bed̶ea ũri b̶uuba ichi ne bia uru b̶uud̶ebena deai b̶uu, chi Dachi Akõre bed̶ea jaradeabariimaa.

Filipenses 2:16

Chi dachi chokae b̶uabiabarii bed̶ea ʉ̃rʉbena ãchimaa arakʉd̶e kuitaabia panásturu. Maka Cristo neeruud̶e mʉ machi kakua kĩrajʉʉi. Maud̶e mʉʉba kuitaai mʉ bari ara jãka nibaabasii maud̶e bari trajaabasii.

Filipenses 2:29

Kĩrajʉʉ panuud̶eeba ichi biꞌia irsibísturu Dachi Mechiud̶ed̶eeba. Chi ichi kĩra nuree ʉ̃rʉbena biꞌia kʉ̃risiásturu.

Filipenses 4:3

Maud̶e bichi, chi mʉ ome Dachi Akõre traju waubarii, mʉʉba bichimaa id̶iiruu mau neekaurã aid̶amera. Ãchi Clemente baara maud̶e waabenarã sid̶a mʉ ome ãrea trajasid̶au chi bed̶ea bia Cristo ʉ̃rʉbena kuitaabiad̶ai baita. Joma ãchi trʉ̃ Dachi Akõreba chi ewaricha chokae duanabarii kartad̶e b̶ʉ uru b̶uu.

1 Timoteo 3:5

Ara ichi ded̶ebenarã nu adua b̶uubʉrã, ¿saka ẽbẽrarã Dachi Akõred̶erã biꞌia nuima?

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

1 Timoteo 4:14

Dachi Akõreba bichimaa waubi b̶uu dead̶a wãꞌãebirã́se. Ãbarã nubadaurãba ãchi jua bichi ʉ̃rʉ kub̶usid̶aud̶e Dachi Akõred̶eeba jarasid̶au ichiba mau dearuu.

1 Timoteo 4:16

Ara bichi ʉ̃rʉbena maud̶e bichiba jaradea b̶uu ʉ̃rʉbena kauwa b̶uase. Joma mau jipa wau nibase. Maka wau niibʉrã bichi karibai. Bichiba jaradea b̶uu ũri panuu sid̶a karibad̶ai.

1 Timoteo 4:6

Timoteo, bichiba joma mau ãbarãmaa jaradea b̶uaruubʉrã, Jesucristo baita bari trajabarii biꞌia b̶uai. Dachi Akõre chi biawãra bed̶ea dachiba ijãa panuu ijãa kãriid̶eeba bichi jauri chaarea wari b̶uai biꞌia ko b̶uu kĩra.

1 Timoteo 5:19

Ab̶auba ijãabadaurã nubarii jidearuubʉrã, maamina ẽbẽra omeeba maebʉrã õbeaba ara mau kĩra jarad̶awẽebʉrã, mau bed̶ea ijãarã́se.

1 Timoteo 5:3

Pẽdrãarã chi aid̶ad̶ayuswãe nuree aid̶ase.

2 Timoteo 2:6

Chi uubarii ãrea trajabariid̶eeba, ichiba chi uu nub̶uu chaud̶ad̶ebena naa adaui b̶uu.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

Hebreos 13:24

Ãbarã, machi karrarãmaa, maud̶e joma ẽbẽrarã Dachi Akõred̶erãmaa jarásturu mʉʉba kʉ̃ria b̶uu ãchi biꞌia duanad̶ai. Ãbarã Italia druad̶ebenarãba kʉ̃ria panuu machi biꞌia duanad̶ai.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.