1 Timoteo 4:7 - Emberá Chamí

⁷ Nabẽraed̶ebena nebʉrʉbadau kachirua b̶ee ida b̶use. Dachi Akõreba kʉ̃ria b̶uu kĩra nibai baita jʉrʉse.

1 Timoteo 4:7 ပူးပေါင်းရင်းမြစ်များ

Hechos 24:16

Maud̶eeba mʉʉba ne joma waubarii Dachi Akõre daad̶e maud̶e ẽbẽrarã daad̶e jipa nibai baita.

1 Timoteo 1:4

Ãchimaa jarase nabẽraed̶ebena nebʉrʉ maud̶e dachi nabẽraed̶ebenarã trʉ̃ ãrea jaradeabadau ʉ̃rʉbena ãrea kʉ̃risiarãad̶amera. Maud̶eeba oa kachirua berrea duaneebiabarii. Mauba dachi aid̶akau Dachi Akõreba waubi b̶uu waud̶amera. Ab̶a ichi bed̶ea ijãa panuud̶eeburu poyaa waud̶ai.

1 Timoteo 1:9

Nau kuitaad̶ai panuu: Dachi Akõreba mau Moisesba b̶ʉd̶a deabasii chi jipa nuree baita, maumaarã deasii chi Dachi Akõreba jara b̶uu kĩra waud̶akaurã baita, ũribabaswãe nuree baita, Dachi Akõreswãe nuree baita, kachirua wau nuree baita, Dachi Akõre wapead̶akau baita, chi nau iujãad̶ebenarã kĩra panabadaurã baita, ãchi akõrerã beabadau baita, mia beabadau baita,

1 Timoteo 2:10

Maumaarã Dachi Akõre wapea panuud̶eeba, wẽrarãba biꞌia wau panuud̶eeba ãrea biꞌia kapipia jʉ̃badau kĩra panad̶ai panuu.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

1 Timoteo 6:20

Timoteo, joma Dachi Akõreba jarad̶a ãrea nuse. Chi Dachi Akõre baita biꞌiwãe b̶uu ʉ̃rʉbena berreabadau ida b̶use. Maud̶e joma kʉ̃risia Dachi Akõre bed̶ea ome kĩra ãyaa nuree ida b̶use. Waabenarã baita, mau kʉ̃risia b̶ee biꞌia b̶uu. Maamina biꞌiwãe b̶uu.

1 Timoteo 6:3

Ab̶auba ãyaa jaradearuubʉrã, Dachi Mechiu Jesucristoba jipa jaradead̶a makawãema aaruubʉrã, maud̶e dachi jipa nibad̶ai ʉ̃rʉbena sid̶a ãyaa jaradearuubʉrã,

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

2 Timoteo 2:16

Dachi Akõre daad̶e kachirua nureerãba nebʉrʉbadau ida b̶use. Chi maka nureerã Dachi Akõred̶ebena aude kaitawẽ wãbadau.

2 Timoteo 2:23

Oa kachirua berrearã́se chi arakʉd̶e kʉ̃risiad̶akau nuree ome, kuitaa b̶uud̶eeba mauba dachi oa kachirua berreabiabarii.

2 Timoteo 3:12

Biawãra joma Jesucristod̶e ijãabadaurã, Dachi Akõre daad̶e biꞌia nibad̶ai kʉ̃riabadaurã, ẽbẽrarãba wãraad̶ai kachirua waud̶ai baita.

2 Timoteo 3:5

Dachi Akõred̶e ijãabadaurã kĩra nuread̶ai maamina ida b̶ud̶aabai Dachi Akõreba ichi poyaabariiba ãchi jipa nureabiamera. Makʉrã ome ãbua b̶uarã́se.

2 Timoteo 4:4

Chi biawãra bed̶ea ũrid̶ai ida b̶u panad̶ai, maud̶e nabẽraed̶ebena nebʉrʉbadau ijãad̶ai.

Tito 2:12

Mauba dachimaa kuitaabia b̶uu ne joma kachirua maud̶e nau iujãad̶ebenarãba kʉ̃riabadau ida b̶ud̶ai panuu. Maud̶e kuitaabia b̶uu dachi nau iujãad̶e panuud̶e kʉ̃risia sõbiad̶eeba dachi kakua kĩra jipa nibad̶ai panuu Dachi Akõreba kʉ̃ria b̶uu kĩra.

Tito 3:9

Maamina barikia bed̶ea biawãe b̶uu kakau oa kachirua berrearã́se. Maud̶e Moisesba b̶ʉd̶a ʉ̃rʉbena oa kachirua berrearã́se. Maud̶e dachi nabẽraed̶ebenarã trʉ̃ jaradeabadau ida b̶use. Joma mau biꞌiwãe b̶uu maud̶e ab̶a bid̶a karibakau.

Hebreos 5:14

Maamina chiko chaarea b̶uu chõrarã baita b̶uu. Ãchiba Dachi Akõre bed̶ea kauwa kʉ̃risia panuud̶eeba kuitaa panuu kãare chi bia maud̶e kãare kachirua b̶uu.