1 Timoteo 3:8 - Emberá Chamí

⁸ Ara mau kĩra ijãabadaurã aid̶abadaurã jipa nibad̶ai panuu ẽbẽrarãba wapead̶amera. Ãchiba setaa berread̶aabai panuu, itua biu nibad̶aabai panuu, maud̶e chi nejarra kʉ̃ria panad̶aabai panuu.

1 Timoteo 3:8 ပူးပေါင်းရင်းမြစ်များ

Romanos 3:13

Ãchiba kachirua berreabadau ẽbẽra biud̶a jau b̶ubadau ewa nub̶uu kĩra b̶uu. Ãchi iiba setaa jarabadau. Ãchiba jara panuud̶eeba waabenarã kachirua waubadau damaba kaaruu kĩra.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

1 Timoteo 3:12

Ãbarã aid̶abariiba wẽra ab̶a uru b̶uai b̶uu. Ichi warrarã maud̶e ichi ded̶ebenarã ãrea nu kuitaa b̶uai b̶uu.

1 Timoteo 3:2

Maud̶eeba chi ijãabadaurã nubarii nebʉra barau nii ad̶ayuswãe b̶uu, wẽra ab̶aburu uru b̶uai b̶uu, kauwa nibai baita b̶uu, kʉ̃risia biad̶eeba b̶uai b̶uu, kĩra jipa b̶uai b̶uu, ichi ded̶e needuurã biꞌia irsibii b̶uu maud̶e jaradea kuitaa b̶uai b̶uu.

1 Timoteo 3:3

Itua biu nibaabai b̶uu. Kĩrubi id̶aa nibaabai b̶uu, maumaarã kĩrabia b̶uai b̶uu. Jomaurã ome jirukaraayuwãe b̶uai b̶uu. Chi nejarra kʉ̃ria nibaiswãe b̶uai b̶uu.

1 Timoteo 5:23

Bichi barikia kakua kachirua b̶uabariid̶eeba baníaturu dorã́se. Maumaarã uva b̶aa sid̶a bichi b̶i baita b̶istĩika dose.

Tito 1:7

Ijãabadaurã nubariiba Dachi Akõre traju waubariid̶eeba, nebʉra barau nii ad̶ayuswãe b̶uu. Ichi nejuakaya nibaabai b̶uu, bari au kĩru nibaabai b̶uu, itua biu nibaabai b̶uu, kĩrubi id̶aa nibaabai b̶uu maud̶e chi nejarra kʉ̃ria nibaabai b̶uu.

Tito 2:3

Maud̶e chõodraarãmaa jaradease Dachi Akõre daad̶e jipa nuread̶amera, waabenarã ʉ̃rʉbena setaa jararãad̶amera maud̶e itua biu nibarãad̶amera. Maumaarã ne joma biꞌia jaradead̶ai panuu.

Santiago 3:10

Ara maud̶ebena okarrba bed̶ea bia maud̶e bed̶ea kachirua berreabarii. Ãbarã, mau makad̶aabai b̶uu.

1 Pedro 5:2

Dachi Akõreba ãbarã machi juad̶e b̶ud̶a ãrea nústuru. Maka waurã́sturu waabenarãba maka waubi panuud̶eeba. Maumaarã nu kʉ̃ria panuud̶eeba maka wáusturu. Chi nejarra kʉ̃ria panuud̶eeba nurã́sturu, maumaarã sõd̶eeba nu kʉ̃ria panuud̶eeba maka wáusturu.