1 Timoteo 3:11 - Emberá Chamí

¹¹ Ara mau kĩra wẽrarã sid̶a jipa nibad̶ai panuu ẽbẽrarãba wapead̶amera. Waabenarã ʉ̃rʉbena ãrea kachirua berread̶aabai panuu. Kauwa nibad̶ai baita panuu maud̶e jomad̶e jipa nuread̶ai panuu.

1 Timoteo 3:11 ပူးပေါင်းရင်းမြစ်များ

Mateo 4:1

Maad̶akare Dachi Akõre Jauriba Jesús drua sirua wãꞌãe b̶uud̶aa adoesii. Jʉbawãe niiba b̶aebii chaa b̶uasii ichi kachiruad̶e b̶aemera.

Juan 6:70

Jesusba jarasii: —Machi 12 panuu mʉʉba jʉrʉ adausii mʉ baara nibad̶amera. Maamina machid̶ebena ab̶a jʉbawãe niid̶ebʉ.

Romanos 1:29

Ne joma kachirua waubadau. Mia pera b̶uu waubadau, ne joma uru panad̶ai kʉ̃riabadau, waabenamaa kachirua waubadau, waabenarãba uru panuu kakua kachirua kʉ̃risiabadau, mia beabadau, berreayaa panabadau, waabenarã setaa kũruabadau maud̶e waabenarã ʉ̃rʉbena kachirua kʉ̃risiabadau.

1 Timoteo 1:12

Dachi Mechiu Jesucristoba mʉʉmaa poyaabarii deasii ichi bed̶ea jaradea b̶uamera. Kuitaasii mʉʉba ne joma jipa waui ichi baita. Maud̶eeba mʉ iusii ichiba kʉ̃ria b̶uu wau b̶uamera. Mau baita mʉʉba ichíturu kid̶ibai b̶uu ai.

1 Timoteo 3:2

Maud̶eeba chi ijãabadaurã nubarii nebʉra barau nii ad̶ayuswãe b̶uu, wẽra ab̶aburu uru b̶uai b̶uu, kauwa nibai baita b̶uu, kʉ̃risia biad̶eeba b̶uai b̶uu, kĩra jipa b̶uai b̶uu, ichi ded̶e needuurã biꞌia irsibii b̶uu maud̶e jaradea kuitaa b̶uai b̶uu.

1 Timoteo 6:2

Ãchi chibari bid̶a Cristod̶e ijãa b̶uubʉrã, kʉ̃risiad̶aabai panuu ãbad̶eeba wapead̶aabai panuu. Maumaarã ichi baita bibuara trajad̶ai panuu. Ãchi trajud̶eeba Cristod̶e ijãa b̶uuba chi nejarra adaubariid̶eeba, kʉ̃riad̶eeba ichi baita trajad̶ai panuu. Mau jaradea b̶uase. Maud̶e ãchimaa jarase maka waud̶amera.

2 Timoteo 3:3

Waabenarã kʉ̃riad̶akau panad̶ai, kĩra chuburiad̶akau panad̶ai, waabenarã ʉ̃rʉbena bed̶ea kachirua jara panad̶ai, kachirua waud̶ai baita poyaa ida b̶ud̶akau panad̶ai, chĩo ãrea panad̶ai maud̶e biꞌia b̶ee joma ida b̶u panad̶ai.

2 Timoteo 4:5

Maamina bichi jomad̶e kĩra jipa b̶uase. Joma nebʉrad̶e b̶uud̶e jãadua b̶uase. Bed̶ea biꞌia Cristo ʉ̃rʉbena jaradea b̶uase. Joma bichiba Dachi Akõre baita waui b̶uu jipa wau b̶uase.

Tito 2:3

Maud̶e chõodraarãmaa jaradease Dachi Akõre daad̶e jipa nuread̶amera, waabenarã ʉ̃rʉbena setaa jararãad̶amera maud̶e itua biu nibarãad̶amera. Maumaarã ne joma biꞌia jaradead̶ai panuu.

Tito 3:2

Ãbarãmaa jarase: ab̶au ʉ̃rʉbena kachirua berread̶awẽa panad̶ai panuu maud̶e oa kachirua berread̶awẽa panad̶ai panuu, maumaarã jomaurã ome sõbia nuread̶ai panuu, maarã audeara kʉ̃risiad̶awẽa.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.