1 Timoteo 1:17 - Emberá Chamí

¹⁷ Dachi Akõre ewaricha jomaurã Reybʉ. Mau chi dachiba unud̶akau biukau. Ichíturu ab̶aburu nii. Ichíturu dachiba ewaricha biꞌia berread̶ai panuu maud̶e wapead̶ai panuu. Maka biꞌia b̶uase.

1 Timoteo 1:17 ပူးပေါင်းရင်းမြစ်များ

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

Juan 5:44

¿Saka mʉʉd̶e ijãad̶aima? Ab̶aburu kʉ̃ria panuu waabenarãba machi biꞌia unud̶ai. Maamina machiba jʉrʉd̶awẽe Dachi Akõre ab̶a niiba machi biꞌia unui.

Romanos 1:20

Nau iujãa wausiid̶eed̶ebena, maarãba chi ichiba waud̶a unu panuud̶eeba kuitaa panuu ichi ewaricha ne joma poyaa waubarii maud̶e ichi Dachi Akõre. Mau joma waud̶a unu panuud̶eeba ẽbẽrarã chi Dachi Akõre ʉ̃rʉbena unud̶akau mau biꞌia unubadau. Maud̶eeba kachirua waubadaurãba adua panuu poyaa jarad̶aabai panuu.

Romanos 1:23

Chi Dachi Akõre biukaraa nii maud̶e biꞌia nii ida b̶usid̶au. Maabae chi ẽbẽra biud̶a kĩra juaba ne kaped̶aad̶amaa ʉtaa id̶i kopaneesid̶au. Ibanarã, ãnimara jʉ̃rʉ kimare nuree maud̶e ãnimara iorod̶e ursu nuree kĩra juaba kaped̶aad̶amaa ʉtaa id̶i kopaneesid̶au.

Romanos 11:36

Dachi Akõréburu ne joma wausii. Ne joma ichid̶eeba b̶uu maud̶e ichi baita b̶uu. Dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Romanos 16:27

Ichi ab̶aburu nii. Ne joma kuitaa nii. Jesucristod̶eeba dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Romanos 2:10

Maamina joma biꞌia wau nuree Dachi Akõreba biꞌia unui, biꞌia jarai maud̶e jirukaraayuwãe b̶uabiai. Naa judiorã maud̶e judiowãerã sid̶a maka waui.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Colosenses 1:15

Chi Dachi Akõre dachiba unud̶akau, mau Jesucristod̶eeba unubadau. Ichi Dachi Akõre Nabena Warrd̶eeba joma Dachi Akõreba waud̶a chi Mechiu.

Hebreos 11:27

Moisesba Dachi Akõred̶e ijãa b̶uasiid̶eeba faraón kĩrubi wapeawẽa Egiptod̶ebena wãsii. Chi Dachi Akõre dachiba unud̶akau unu b̶uu kĩra ichiba ijãa b̶uu ida b̶uubasii.

Hebreos 2:7

Bichiba chi mau angelerã audeara kaebeu b̶usii. Nau iujãad̶e mau biꞌia b̶usii maud̶e chi mechiu b̶usii».

1 Pedro 5:11

Biꞌia b̶uu ewaricha ne joma ichi juad̶e uru b̶uai. Biꞌia b̶uu maka b̶uai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.

1 Juan 4:12

Ab̶au bid̶a Dachi Akõre dauba unukau. Maamina dachi chiya kʉ̃ria panuubʉrã, Dachi Akõre dachi ome b̶uu maud̶e ichi kʉ̃riad̶eeba dachiba biawãra joma kʉ̃ria panuu.

Judas 1:25

Dachi Akõre ab̶aburu nii. Ichi dachi karibabariibʉ. Ichi chi aude Mechiu nii, maud̶e joma poyaa waui b̶uu. Jomaurã chibaribʉ. Nabẽraed̶eed̶ebena maka nii. Id̶ibae bid̶a maka nii, maud̶e maka b̶uai. Dachi Akõremaa biꞌia berread̶ai panuu Dachi Mechiu Jesucristod̶eeba. ¡Biꞌia b̶uu maka b̶uai!

Apocalipsis 15:3

Chi arpa chaamaa panuud̶e Moisés chi Dachi Akõre baita bari trajabarii kari, maud̶e chi Oeja Kaebe Nii kari karimaa panasii. Naka karisid̶au: «Dachi Mechiu, Dachi Akõre, chi Joma Poyaabarii, bichiba wau b̶uu ãrea bibuara b̶uu. Bichiba wau b̶uu ʉ̃rʉbena ẽbẽrarãba kuitaa kʉ̃risiad̶akau. Jomaurã Mechiu, bichiba wau b̶uu jipa b̶uu maud̶e bichi bed̶ea ab̶a b̶uu biawãrabʉ.

Apocalipsis 17:14

Maabae chi maarã Oeja Kaebe Nii ome chĩod̶ai. Maamina chi Oeja Kaebe Niiba chi maarã poyaakuai, ichi Jomaurã Reyrã Audeara Chi Aude Mechiu Nii maud̶e Joma Chi Mechiurã Audeara Chi Aude Mechiu Niid̶eeba. Poyaakuad̶akare chi ichid̶e ãrea ijãabadaurã ichi baara paneed̶ai. Ichiba chi maarã iukuaped̶a jʉrʉ adaukuasii».

Apocalipsis 19:1

Mau maad̶akare mʉʉba bajãad̶e ãrea naka berrea duanuu kĩra ũrisii: «¡Dachi Akõremaa biꞌia jaráduru! Ichiaburu ẽbẽrarã karibabarii. Ichi chi aude mechiu nii maud̶e poyaabarii.

Apocalipsis 19:16

Ichiba paru jʉ̃ b̶uumaa b̶akara ʉ̃rʉ nau trʉ̃ b̶ʉ inii: «Jomaurã Reyrã Audeara Chi Aude Mechiu Nii» maud̶e «Joma Chi Mechiurã Audeara Chi Aude Mechiu Nii».

Apocalipsis 19:6

Maabae mʉʉba ãrearã jĩwa berrea duanuu ũrisii. Mau do ʉrʉrʉa kĩra maud̶e bã ãrea b̶aemaa b̶uu kĩra b̶uasii. Naka jara duanasid̶au: «¡Dachi Mechiumaa biꞌia jaráduru, Dachi Akõre Joma Poyaabariiba jomaurã ichi juad̶e ua b̶uud̶eeba!

Apocalipsis 7:12

Naka jarasid̶au: «¡Machiba jara panuu biawãrabʉ! Ewaricha jomaurãba Dachi Akõremaa biꞌia berread̶ai panuu, ichi chi aude mechiu niid̶eeba, chi aude kuitaa niid̶eeba, ne jomad̶e poyaabariid̶eeba maud̶e meserãa ãrea niid̶eeba. Ichimaa ichíturu kid̶ibai ad̶ai panuu maud̶e chi biawãra b̶uu ad̶ai panuu. ¡Biawãra biꞌia b̶uu maka b̶uai!»