1 Tesalonicenses 5:3 - Emberá Chamí

³ Ẽbẽrarãba naka jara panad̶ai: «Joma jirukaraayuwãe panuu, perad̶awẽa panuu». Maka panuud̶e maarã joma baribai ewari neei wẽra warr bara nii barikiu ewarid̶e pirabari kĩra. Maud̶e maarã mirud̶aabai.

1 Tesalonicenses 5:3 ပူးပေါင်းရင်းမြစ်များ

Mateo 23:33

»¡Machi dama kachirua kĩra nuree! ¿Dachi Akõreba machi nebʉra baraa panuu aped̶a, tʉbʉchia aoko kub̶uu kiikaud̶e bʉibai b̶uu a kʉ̃risia panuu kĩra?

Juan 16:21

Biawãra wẽraba warr adauruud̶e b̶i pirabarii ichi ewari neesiid̶eeba. Maamina warr adaud̶akare mau puaba waa kĩrabakau ichi warr kakua kĩrajʉʉ b̶uud̶eeba.

Hechos 13:41

“Machiba, chi Dachi Akõreba jara b̶uu ida b̶ubadaurã, ¡ichiásturu! ¡Perásturu! ¡Biústuru! Mʉʉba machi ewarid̶e ne kachirua waui. Mau ab̶auba machimaa jaraaruu sid̶a ijãad̶aabai”».

2 Tesalonicenses 1:9

Ãchi tʉbʉ aokod̶e ewaricha ãrea biꞌiwãe panabiai. Dachi Mechiu daad̶ebena maud̶e ichi poyaabarii mechiud̶ebena kaitawẽ panad̶ai.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

Hebreos 2:3

Ara mau kĩra Dachi Akõreba karibai ʉ̃rʉbena bed̶ea dachiba ida b̶uuduubʉrã, ¿Dachi Akõreba kastikaid̶ebena dachirã saka karibad̶aima? Mau bed̶ea ãrea biꞌia b̶uu Dachi Mechiu Jesusba naed̶e jaradeasii. Chi ũriped̶aad̶aba dachimaa mau bed̶ea biawãra abachid̶au.

2 Pedro 2:4

Angelerãba kachirua wausid̶aud̶e Dachi Akõreba kĩra chuburiabasii. Maumaarã chob̶ea pãriu b̶uud̶e jirakuasii. Mama kaenaba jʉ̃ panuu ab̶a Dachi Akõreba ãchi nebʉra ichiai ewarid̶aa.