1 Tesalonicenses 5:21 - Emberá Chamí

²¹ Joma mau kauwa ũrísturu, maamina ab̶a chi biáturu ijã́sturu.

1 Tesalonicenses 5:21 ပူးပေါင်းရင်းမြစ်များ

Lucas 12:57

»Machiba ¿sakãe poyaa kuitaad̶akau kãare jipa b̶uma?

Juan 15:4

Mʉ baara nureásturu mʉ machi baara nii kĩra. Bakuru jua chi karr jidauwẽa b̶uubʉrã ara istu poyaa chaukau. Ara mau kĩra machi mʉ baara nureewãebʉrã Dachi Akõreba kʉ̃ria b̶uu poyaa waud̶aabai.

Juan 8:31

Maabae Jesusba judiorã ichid̶e ijãaduurãmaa jarasii: —Machiba mʉ bed̶ea ijãa panuubʉrã, biawãra mʉ baara nibabadaurã nuread̶ai.

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 17:11

Berea puurud̶ebena judiorã Tesalónica puurud̶ebenarã kĩra panad̶aabasii. Maumaarã Jesús ʉ̃rʉbena ũri kʉ̃ria panasid̶au. Ewaricha Dachi Akõre bed̶ea ãrea kauwa ichiabachid̶au chi ãchiba jara panuu biawãra kuitaad̶ai baita.

Romanos 12:2

Nau iujãad̶ebenarãba waubadau kĩra nibarã́sturu, maumaarã kʉ̃risia wid̶i Dachi Akõreba dea b̶uu kakua jipa nibásturu. Maka machiba kuitaad̶ai chi Dachi Akõreba kʉ̃ria b̶uu. Joma ichiba kʉ̃ria b̶uu biꞌia b̶uu, jipa b̶uu maud̶e ichiba biꞌia unu b̶uu.

Romanos 12:9

Sõd̶eeba chiya kʉ̃ria panásturu. Joma kachirua ida b̶ústuru. Chi bia ãrea wau panásturu.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

1 Corintios 2:11

¿Ẽbẽra kʉ̃risia kaiba kuitaa b̶uma? Ara ichi du ab̶aburu kuitaa nii. Ara mau kĩra ab̶au bid̶a Dachi Akõre kʉ̃risia poyaa kuitaad̶aabasii. Ab̶a Dachi Akõre Jauríburu mau kuitaa nii.

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Efesios 5:10

Dachi Mechiuba biꞌia unu b̶uu kuitaad̶ai baita jʉrʉ́sturu.

Filipenses 1:10

Maka machiba ãrea kuitaad̶ai kãare biꞌia b̶uu maud̶e Cristo neeruud̶e ichi daad̶e kachiruaswãe nuread̶ai maud̶e machi ʉ̃rʉbena kachirua jarad̶ayuswãe nuread̶ai.

Filipenses 3:16

Maamina dachiba kuitaaped̶aad̶a joma waud̶ai panuu.

Filipenses 4:8

Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

1 Tesalonicenses 5:15

¡Ũrísturu! Ab̶auba machi kachirua wauruubʉrã mau arab̶au kachirua waurã́sturu. Mau kãyabãra ewaricha machi chiya biꞌia wáusturu. Jomaurã ome biꞌia wáusturu.

1 Tesalonicenses 5:22

Kachirua ab̶a bid̶a waurã́sturu.

2 Tesalonicenses 2:15

Maud̶eeba ãbarã, dauchia jãadua panásturu. Daiba jaradeaped̶aad̶a maud̶e kartad̶e b̶ʉped̶aad̶a kĩrabarã́sturu.

2 Timoteo 1:15

Bichiba kuitaa b̶uu joma ãbarã Asia druad̶ebenarãba mʉ istu b̶ʉisid̶au. Maarãd̶ebena ãba Figeloba maud̶e Hermogenesba maka wausid̶au.

2 Timoteo 3:6

Mau ẽbẽrarã decha wãbadau wẽrarã kʉ̃risiaswãe nuree maud̶e kachiruaba boro wãyaa nuree setaa kũruad̶ai baita. Mau wẽrarãba joma kachirua wau kʉ̃riabadaud̶eeba barikia ijãabadau.

2 Timoteo 4:14

Jiorrd̶eeba ne waubarii Alejandroba mʉ kachirua wausiid̶eeba Dachi Mechiuba kastikai.

Hebreos 10:23

Dachi Akõreba ichiba jarad̶a kĩra waubariid̶eeba dachiba kʉ̃risiabadau maud̶e jomaurãmaa jarabadau mau ab̶a bid̶a ida b̶ud̶aabai panuu.

1 Juan 4:1

Ãbarã, barikiurãba Dachi Akõre Jaurid̶eeba berrea panuu abadaurã ijãarã́sturu, maumaarã kauwa ichiásturu ãchiba biawãra Dachi Akõre Jaurid̶eeba maebʉrã waabenarãd̶eeba berrea panuu kuitaad̶ai baita. Mau makásturu ãreaba nau iujãad̶e setad̶eeba ãchiba Dachi Akõre Jaurid̶eeba berrea panuu abadaud̶eeba.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

Apocalipsis 2:25

bari dauchia jãadua panuud̶e, mʉʉd̶e ijãa panad̶ai mʉ neeruud̶aa.

Apocalipsis 3:11

Mʉ kãꞌãabariwãed̶e neei. Maud̶eeba machiba id̶ibae ijãabadau kĩra dauchia jãadua panásturu. Maka ab̶au bid̶a machi boro jũra jʉ̃barii ẽe adaud̶aabai.

Apocalipsis 3:3

Chi biawãra bed̶ea machiba ũriped̶aad̶a kĩrabásturu. Mau ãrea ijã́sturu. Kachirua ida b̶ud̶aped̶a Dachi Akõremaa waya nésturu. Machi kauwa nibabadauwãebʉrã mʉ kãꞌãabariwãed̶e neei machi kastikai baita nechiru kãꞌãabariwãed̶e neebarii kĩra.