1 Tesalonicenses 5:19 - Emberá Chamí

¹⁹ Dachi Akõre Jauriba wau b̶uu ida b̶urã́sturu.

1 Tesalonicenses 5:19 ပူးပေါင်းရင်းမြစ်များ

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

1 Corintios 14:30

Ãba ab̶a berrea b̶uud̶e Dachi Akõreba chi ũri panuud̶ebena ab̶aumaa ne unubiiruubʉrã, chi berrea b̶uuba mau ãba ida berreabi b̶uu.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

Efesios 6:16

Mau awara ne jomad̶e Cristod̶e ijãa panásturu, kokoroaba ichi juad̶e adaubarii ad̶u mirubarii kĩra. Jʉbawãe niiba kachiruad̶e b̶aebii chaaruud̶e, enadrʉma aoko b̶uuba drʉʉruu kĩra b̶uu. Maamina machiba Cristod̶e ijãa panuubʉrã, dauchia jãadua panad̶ai chi juad̶e adaubarii ad̶u mirubariiba chi enadrʉma kid̶a aoko b̶uu kiibibarii kĩra.

1 Tesalonicenses 5:20

Dachi Akõre baita berreabariiba jara b̶uu ida b̶urã́sturu.

1 Timoteo 4:14

Dachi Akõreba bichimaa waubi b̶uu dead̶a wãꞌãebirã́se. Ãbarã nubadaurãba ãchi jua bichi ʉ̃rʉ kub̶usid̶aud̶e Dachi Akõred̶eeba jarasid̶au ichiba mau dearuu.

2 Timoteo 1:6

Mʉ jua bichi ʉ̃rʉ kub̶usiid̶e Dachi Akõreba bichimaa deasii ichi baita ne waumera. Mau baita mʉʉba jaraaruu: Dachi Akõreba dead̶a biꞌia wau b̶uase, etabarrd̶e tʉbʉchia jãripuabarii kĩra.