1 Tesalonicenses 5:18 - Emberá Chamí

¹⁸ Jomad̶e Dachi Akõremaa ichíturu kid̶ibai a panásturu. Mau Dachi Akõreba kʉ̃ria b̶uu, machi Jesucristod̶e ijãabadaud̶eeba.

1 Tesalonicenses 5:18 ပူးပေါင်းရင်းမြစ်များ

Efesios 5:20

Dachi Mechiu Jesucristo trʉ̃d̶eeba ewaricha dachi Bajãad̶ebena Akõremaa ne joma baita ichíturu kid̶ibai ásturu.

Filipenses 4:6

Barikia kakua ãrea jirukaraarã́sturu, maumaarã Dachi Akõremaa ʉtaa id̶ísturu, ichimaa chi chuburia id̶ísturu, maud̶e ne joma ʉ̃rʉbena ichíturu kid̶ibai ásturu.

Colosenses 3:17

Machi berreaduud̶e maud̶e ne wauduud̶e joma wáusturu Dachi Mechiu Jesusba kʉ̃ria b̶uu kĩra. Ichid̶eeba Dachi Bajãad̶ebena Akõremaa ichíturu kid̶ibai ásturu.

1 Tesalonicenses 4:3

Dachi Akõreba kʉ̃ria b̶uu machi ichi baita biꞌia nuread̶amera. Maud̶eeba machi kakuaba barikiu kachirua waurã́sturu.

Hebreos 13:15

Maud̶eeba Jesucristod̶eeba dachiba, chi Dachi Akõred̶e ijãa panuu a panuuba, ewaricha ichimaa biꞌia berread̶ai panuu, ãnimara baa deaduu kĩra.

1 Pedro 2:15

Dachi Akõreba kʉ̃ria b̶uu machiba biꞌia wau panad̶ai. Maka machiba chi kʉ̃risiaswãe nuree chũpeabid̶ai, adua panuud̶ebena machi ʉ̃rʉbena kachirua jarabadaud̶eeba.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.

1 Juan 2:17

Nau iujãa kachirua maud̶e joma chi kachirua ẽbẽrarãba wau kʉ̃ria panuu wãꞌãe bai. Maamina chi Dachi Akõreba jara b̶uu bed̶ea wau b̶uu ewaricha ichi ome chokae b̶uai.