1 Tesalonicenses 5:15 - Emberá Chamí

¹⁵ ¡Ũrísturu! Ab̶auba machi kachirua wauruubʉrã mau arab̶au kachirua waurã́sturu. Mau kãyabãra ewaricha machi chiya biꞌia wáusturu. Jomaurã ome biꞌia wáusturu.

1 Tesalonicenses 5:15 ပူးပေါင်းရင်းမြစ်များ

Mateo 5:39

Maamina mʉʉba jaraaruu: bichi kachirua wauruud̶e chũpea dauchia jãadua b̶uase. Barikiuba bichi kĩedarr jua biarebena sĩiruubʉrã, chi osob̶arebena sid̶a ʉmʉase sĩmera.

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Hechos 16:28

Maamina Pabloba jĩwa jarasii: —Bichi du ab̶a biurã́se. Dai joma nama panuu.

Romanos 12:9

Sõd̶eeba chiya kʉ̃ria panásturu. Joma kachirua ida b̶ústuru. Chi bia ãrea wau panásturu.

Romanos 14:19

Maud̶eeba jʉrʉd̶ai panuu ãbarã ome jirukaraayuwãe nuread̶ai baita. Maka chiya aid̶a panad̶ai biꞌia ijãad̶ai baita.

1 Corintios 14:1

Waabenarã biꞌia kʉ̃ria panásturu. Maud̶e Dachi Akõre Jauriba waubi b̶uu joma wau kʉ̃riásturu. Dachi Akõre baita berread̶ai aude kʉ̃riásturu.

1 Corintios 16:10

Ãba Timoteo machimaa neeruubʉrã, ichi machi tãed̶e biꞌia irsibísturu wapearãamera. Dachi Mechiuba kʉ̃ria b̶uu ichiba biꞌia wau b̶uu mʉʉba wau b̶uu kĩra.

1 Corintios 6:7

Biawãra waabenarã machid̶ebena nebʉra uru panabadaud̶eeba unubi panuu jipa nibad̶akau. ¿Bibuara b̶uuwãeka chi bichimaa kachirua waud̶a jãaduai, chi nebʉra ichiabadaumaa wãi bad̶amaarã? ¿Bibuara b̶uuwãeka bichiba uru b̶uu ida chiruabii, bichi ãba chi nebʉra ichiabadaumaa adooi bad̶amaarã?

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Efesios 5:15

Maud̶eeba kauwa nibásturu. Adua nuree kĩra nibarã́sturu, maumaarã kʉ̃risia kuitaad̶eeba nibásturu.

Efesios 5:33

Mau ʉ̃rʉbena kuitaabi b̶umina machicha machi kima kʉ̃ria nuread̶ai panuu ara machi kʉ̃ria panuu kĩra. Maud̶e wẽraba ichi kima wapeadee b̶uai b̶uu.

1 Tesalonicenses 2:12

Daiba biꞌia jarasid̶au machi Dachi Akõreba kʉ̃ria b̶uu kĩra nibad̶amera. Ichiba machi iusii, ichi juad̶e ua b̶uai baita maud̶e ichi biad̶ebena uru panad̶amera.

1 Tesalonicenses 5:21

Joma mau kauwa ũrísturu, maamina ab̶a chi biáturu ijã́sturu.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

2 Timoteo 2:24

Chi Dachi Mechiu baita bari trajabarii oa kachirua berrea b̶uabai b̶uu, maumaarã jomaurã ome sõbia b̶uai b̶uu. Jaradea kuitaa b̶uai b̶uu. Jomaurã ome jãadua b̶uai b̶uu.

Tito 3:2

Ãbarãmaa jarase: ab̶au ʉ̃rʉbena kachirua berread̶awẽa panad̶ai panuu maud̶e oa kachirua berread̶awẽa panad̶ai panuu, maumaarã jomaurã ome sõbia nuread̶ai panuu, maarã audeara kʉ̃risiad̶awẽa.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 2:17

Jomaurã wapeásturu. Ãbarã ãrea kʉ̃riásturu. Dachi Akõre wapeásturu. Nau iujãad̶ebena karr chi mechiu sid̶a wapeásturu.

1 Pedro 3:9

Ab̶auba machi kachirua wauruubʉrã ara mau kĩra waurã́sturu. Kachirua jaraaruubʉrã ara mau kĩra kachirua jararã́sturu. Maumaarã ʉtaa id̶ísturu Dachi Akõreba mau aid̶amera. Kuitaa panuu Dachi Akõreba machi adausii maka nuread̶amera. Maka nureebʉrã, Dachi Akõreba machi sid̶a aid̶ai.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.

Apocalipsis 22:9

Maamina ichiba jarasii: «Jãka waurã́se, maumaarã Dachi Akõremáturu biꞌia berreáse. Mʉ arab̶aud̶e bichi kĩra Dachi Akõre baita bari trajabariibʉ, ãbarã Dachi Akõre baita berreabadaurã kĩra, maud̶e joma nau kartad̶e jara b̶uu ijãabadaurã kĩra».