1 Tesalonicenses 4:9 - Emberá Chamí

⁹ Mau awara machi saka ãbarã ome chiya kʉ̃riad̶ai panuu ʉ̃rʉbena, mʉʉba nau kartad̶e ¿kãare b̶ʉima? Ara Dachi Akõréburu machimaa mau jaradeasii.

1 Tesalonicenses 4:9 ပူးပေါင်းရင်းမြစ်များ

Mateo 22:39

Maud̶e mawãare b̶uu ara mau kĩra b̶uu. Mauba naka jara b̶uu: “Waabenarã kʉ̃riáse ara bichi kʉ̃ria b̶uu kĩra”.

Juan 14:26

Maamina mʉ Chacha mʉ trʉ̃d̶eeba ichi Jauri bʉi machi Aid̶abarii b̶uamera. Dachi Akõre Jauriba ne joma machimaa jaradeai. Ichiba mʉʉba jarad̶a machimaa joma kĩrababiai.

Hechos 4:32

Mau ewarid̶e chi Jesusd̶e ijãabadaurã arab̶au kʉ̃risiad̶eeba, arab̶au sõd̶eeba ãbua biꞌia duanabachid̶au. Ab̶au bid̶a ãchi ne kaebea uru panuu ãchi báitaburu b̶uu ad̶aka basii, maumaarã bari jomaurã báitaburu basii.

Romanos 12:10

Biawãra kʉ̃riad̶eeba chiya kʉ̃ria panásturu. Kʉ̃risia sõbiad̶eeba chiya wapeadee panásturu maud̶e waabenarã ʉ̃rʉbena biꞌia kʉ̃risiásturu.

2 Corintios 9:1

Machiba ãbarã Jerusalend̶ebena baita chi nejarra pe panuu ʉ̃rʉbena mʉʉba nau kartad̶e waa b̶ʉʉbai b̶uu,

Filipenses 3:15

Joma dachi Cristo ãrea kuitaa nureerãba ara mau kĩra kʉ̃risiad̶ai panuu. Machiba ãyaa kʉ̃risia panuubʉrã, Dachi Akõreba saka kʉ̃risiad̶ai panuu arakʉd̶e kuitaabiai.

1 Tesalonicenses 5:1

Ãbarã, mʉʉba nau kartad̶e b̶ʉwẽma sakaed̶aa mau ewari neei,

Hebreos 10:16

«Dachi Mechiuba naka jara b̶uu: Kaad̶ebena ewarid̶e mʉʉba bed̶ea chiwid̶i israeld̶ebenarãmaa deai: Mʉʉba chi Moisesba b̶ʉd̶a ãchi kʉ̃risiad̶e maud̶e ãchi sõd̶e b̶ui».

Hebreos 13:1

Machi ãbarã baerã chiya kʉ̃ria panásturu.

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.

1 Pedro 4:8

Ãrea chiya kʉ̃ria panásturu. Mau jomad̶ebena audeara bibuara b̶uu. Chi waabenarã kʉ̃ria uru b̶uuba ãchi kachirua ãrea kʉde uru b̶uad̶a ida b̶ubarii.

2 Pedro 1:7

Dachi Akõreba kʉ̃ria b̶uu kĩra panuud̶e jʉrʉ́sturu ãbarã kʉ̃riad̶ai baita; ãbarã kʉ̃ria panuud̶e jʉrʉ́sturu jomaurã kʉ̃riad̶ai baita.

1 Juan 2:10

Chi ichi ãba kʉ̃riabarii ʉ̃d̶aad̶e b̶uu maud̶e ichi sõd̶e wãꞌãe kachiruad̶e b̶aebii baita.

1 Juan 3:11

Chi machiba ijãasid̶aud̶eed̶ebena ũri panuu bed̶ea naubʉ: dachi chiya kʉ̃ria nuread̶ai panuu.

1 Juan 3:23

Mau waubi b̶uu bed̶ea naubʉ: ichi Warr Jesucristod̶e ijãad̶ai maud̶e chiya kʉ̃ria nuread̶ai ichiba dachimaa jarad̶a kĩra.

1 Juan 4:21

Jesucristoba dachimaa waubi b̶uu bed̶ea naubʉ: chi Dachi Akõre kʉ̃ria b̶uuba ichi ãba kʉ̃ria b̶uai b̶uu.