1 Tesalonicenses 4:17 - Emberá Chamí

¹⁷ Ara makʉd̶e dachi, chi chokae nuree, maarã ome ãbua ʉtaa wãd̶ai Dachi Mechiu baara jʉ̃rʉarad̶e unud̶ai baita. Maka Dachi Mechiu ome ewaricha duanad̶ai.

1 Tesalonicenses 4:17 ပူးပေါင်းရင်းမြစ်များ

Mateo 26:64

Jesusba panausii: —Maerã, bichiba jarasii. Mau awara mʉʉba jarakuai: id̶iiba ʉtaa machiba mʉ, chi Ẽbẽra Ba B̶uad̶a unud̶ai Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Marcos 14:62

Jesusba panausii: —Mʉʉbʉ. Machiba mʉ, chi Ẽbẽra Ba B̶uad̶a unud̶ai, Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 14:3

Mʉ mau biꞌia waud̶e wãaruubʉrã, waya neei machi uad̶oi baita mʉ ome nuread̶amera.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

Hechos 1:9

Jesusba maka jarasiid̶e Dachi Akõreba ʉtaa adoesii. Ãchiba ichia panuud̶e mau jʉ̃rʉara tãed̶e wãsii maabae makaa unud̶aabasii.

Hechos 8:39

Baniad̶ebena awara wãsid̶aud̶e, Dachi Mechiu Jauriba Felipe ãyaa adoesii. Chi trajabarii mechiuba ichi waa unuubasii, maamina od̶e kĩrajʉʉ wãsii.

1 Corintios 15:52

Maka b̶uud̶e, ara makʉd̶e, kaad̶ebena kachu jĩwaaruud̶e maka kĩra awara paneed̶ai. Biawãra Dachi Akõre kachu jĩwai. Maud̶e biuped̶aad̶a chi kakua b̶eraad̶akaud̶e chokae jiradud̶ai. Maud̶e dachi wabid̶a chokae nuree dachi kakua kĩra awara paneed̶ai.

2 Corintios 5:8

Maka dachi jirukaraayuwãe maud̶e wapead̶awẽa panuu. Dachi nau kakuad̶ebena wã kʉ̃ria panuu Dachi Mechiu baara nuread̶ai baita.

Filipenses 1:23

Chaarea b̶uu jarai baita mau omed̶ebena sãu aude biꞌia b̶uu. Mʉʉmaarã biꞌia b̶uu biui, Cristo ome b̶uai baita.

1 Tesalonicenses 3:13

Maud̶e ʉtaa id̶i panuu Cristoba machi kariba b̶uai sõd̶eeba ãrea ijãad̶amera. Maka Dachi Mechiu Jesús joma ichid̶irã baara neeruud̶e machi Dachi Bajãad̶ebena Akõre daad̶e kachiruaswãe nuread̶ai.

1 Tesalonicenses 4:15

Mau baita Dachi Mechiuba jarad̶a daiba machimaa jaraaduu: Dachi Mechiu neeruud̶e dachi, chi wabid̶a chokae nuree chi biuped̶aad̶a naa ichimaa wãd̶aabai.

1 Tesalonicenses 4:18

Mau bed̶eaba machi chiya kĩrajʉ́sturu.

1 Tesalonicenses 5:10

Ichi dachi kakua biusii. Maud̶eeba dachi chokae panuubʉrã maebʉrã biuped̶aad̶abʉrã, ichi neeruud̶e ichi ome ãbua chokae panad̶ai.

2 Pedro 3:13

Maamina Dachi Akõreba bajãa wid̶i maud̶e iujãa wid̶i waui asii. Mau dachiba esed̶au panuu. Mama jomaurãba jipa wau nuread̶ai.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Apocalipsis 11:12

Maabae chi Dachi Akõre baita berreabadaurãba bajãad̶e mimi jĩkua ũrisid̶au. Naka jarasii: «Namaa ʉtaa urústuru». Ara makʉd̶e chi kĩramaabadaurãba ichiamaa panuud̶e, ʉtaa jʉ̃rʉara tãed̶e bajãad̶aa wãsid̶au.

Apocalipsis 12:5

Ara maud̶e chi wẽraba warr adausii. (Mau warrba kĩra chuburiayuwãe joma nau iujãad̶ebenarãmaa ichid̶e ijãabia b̶uai). Maamina mau dragonba mii naed̶e Dachi Akõreba mau warr ʉtaa adoesii ichi ãkaud̶e akʉ b̶uumaa.