1 Tesalonicenses 4:13 - Emberá Chamí

¹³ Ãbarã, daiba kʉ̃ria panuu machiba Jesusd̶e ijãabadaurã biuped̶aad̶a ʉ̃rʉbena kuitaad̶amera. Maka machi kĩra nomaad̶aabai Dachi Akõred̶e ijãad̶akaurã kĩra nomaabadau kĩra. Ãchi kĩra nomaabadau chi biuped̶aad̶a saka duanad̶ai kuitaad̶awẽed̶eeba.

1 Tesalonicenses 4:13 ပူးပေါင်းရင်းမြစ်များ

Mateo 27:52

Biud̶arã jau b̶ubadau ewakuasii. Maud̶e Dachi Akõred̶e ijãabadaurã biuped̶aad̶a ãrea chokae jiradukuasid̶au.

Juan 11:24

Maud̶e Martaba jarasii: —Maerã, mʉʉba kuitaa b̶uu mau kaad̶ebena ewarid̶e biud̶arã chokae jiraduuduud̶e, mau sid̶a chokae jiradui.

Hechos 13:36

»David chokae b̶uasiid̶e Dachi Akõreba ichid̶eeba wausii ichiba kʉ̃ria b̶uad̶a kĩra. Maabae David biud̶akare jau b̶usid̶au ichi nabẽraed̶ebenarã jau b̶uped̶aad̶amare. Maabae ichi b̶eraasii.

Hechos 7:60

Maabae õdarrd̶e kob̶eeped̶a jĩwa jarasii: «Mʉ Mechiu, naarã ẽbẽrarãba kachirua wau panuu kʉde uru b̶uarã́se». Maka jaraped̶a biusii.

Romanos 1:13

Ãbarã, mʉʉba kʉ̃ria b̶uu machiba kuitaad̶ai biawãra b̶es ãrea machimaa wãi kʉ̃risia b̶uabarii. Maamina wabid̶a poyaa wãwẽa b̶uu. Machimaa wã kʉ̃ria b̶uu mʉʉba jaradea b̶uud̶eeba arabenarãba Jesucristod̶e ijãad̶amera waabenarã druad̶ebenarãba ijãaped̶aad̶a kĩra.

1 Corintios 10:1

Ãbarã, mʉʉba kʉ̃ria b̶uu machiba Moisés ewarid̶e makad̶a kĩrabad̶awẽa panad̶ai. Mau ewarid̶e joma dachi nabẽraed̶ebenarã Moisés baara nibaped̶aad̶a Dachi Akõreba bʉid̶a jʉ̃rʉara ekare nibasid̶au maud̶e Mar Purrd̶e kĩaraa wãsid̶au.

1 Corintios 12:1

Ãbarã, mʉʉba kʉ̃ria b̶uu Dachi Akõre Jauriba waubi b̶uu ʉ̃rʉbena machiba ãrea kuitaad̶ayu.

1 Corintios 15:6

Mau maad̶akare ãbarã 500 araa ãbua panuumaa unubiasii. Ãchid̶ebena chi nuree biusid̶au maamina ãrea wabid̶a chokae panuu.

2 Corintios 1:8

Ãbarã, maud̶eeba daiba kʉ̃ria panuu dai Asia druad̶e biawãra ãrea biꞌiwãe panaped̶aad̶a machiba mau kuitaad̶ai. Dai ãrea nebʉrad̶e panasiid̶eeba waa poyaa dauchia jãaduad̶aabai kʉ̃risiasid̶au maud̶e poyaa chokae panad̶aabai kʉ̃risiasid̶au.

Efesios 2:12

Kĩrabásturu naed̶e machi Cristowãe nureasii maud̶e israeld̶ebenarãwãe basii. Dachi Akõre ãchi ome bed̶ea deasiid̶e ichiba machimaa ab̶a bid̶a deai bad̶a jaraabasii. Mau awara machi saka biꞌia nuread̶aiswãe panasid̶au maud̶e nau druad̶e Dachi Akõreswãe nureasii.

Efesios 2:3

Naed̶e joma dachi ãchi kĩra nibasid̶au nau kakuaba kachirua waubi b̶uu wau panasid̶aud̶eeba. Nau kakuaba kachirua waui kʉ̃ria b̶uu maud̶e dachiba kachirua waui kʉ̃risia b̶uu wau panasid̶au. Dachi kachiruad̶eeba Dachi Akõreba ichi kĩrubid̶eeba dachi kastikai b̶uasii joma kachirua waubadaurã kastikabarii kĩra.

1 Tesalonicenses 4:14

Maamina dachiba Jesús biu b̶uad̶ad̶ebena chokae jiradud̶a ijãa panuu. Maud̶eeba kuitaa panuu Jesusd̶e ijãabadaurã biuped̶aad̶a Dachi Akõreba joma chokae jiradubiaped̶a ichi baara uad̶oi.

1 Tesalonicenses 4:15

Mau baita Dachi Mechiuba jarad̶a daiba machimaa jaraaduu: Dachi Mechiu neeruud̶e dachi, chi wabid̶a chokae nuree chi biuped̶aad̶a naa ichimaa wãd̶aabai.

1 Tesalonicenses 5:10

Ichi dachi kakua biusii. Maud̶eeba dachi chokae panuubʉrã maebʉrã biuped̶aad̶abʉrã, ichi neeruud̶e ichi ome ãbua chokae panad̶ai.

1 Tesalonicenses 5:6

Maud̶eeba dachi kãi duanuuwãema waabenarã kãi duanuu kĩra, maumaarã dau ʉb̶ʉa panad̶ai panuu maud̶e kĩrabia panad̶ai panuu.

2 Pedro 3:4

Naka atua jarad̶ai: «Cristo neei jarad̶a ¿kãare sãasma? Dachi nabẽraed̶ebenarã joma biusid̶au. Maamina nau iujãa wausiid̶eed̶ebena joma ara maka b̶uu».

2 Pedro 3:8

Maamina ãbarã, nau kĩraba panad̶a ida b̶urã́sturu: Dachi Mechiumaarã ewari ab̶a 1.000 años kĩra b̶uu maud̶e 1.000 años ewari ab̶a kĩra b̶uu.