1 Tesalonicenses 3:3 - Emberá Chamí

³ maud̶e machi ãrea biꞌiwãe panuud̶e, mau ãrea kʉ̃risiarãad̶amera. Machiba kuitaa panuu Cristod̶e ijãa panuu baita dachi ãrea nebʉrad̶e panad̶ai panuu.

1 Tesalonicenses 3:3 ပူးပေါင်းရင်းမြစ်များ

Lucas 21:12

»Maamina joma makai naed̶e machi wãraad̶ai biꞌiwãe paneebiad̶ai baita. Chi nuree jidaud̶aped̶a judiorã araa ãbua imibadau ded̶e adoed̶ai. Maabae machi nebʉra ichiad̶aped̶a chi jʉ̃abadau ded̶e jʉ̃akuad̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai.

Juan 16:2

Judiorãba machi ãchi judiorã araa ãbua imibadau ded̶ebena duabʉikad̶ai. Mau awara machi bead̶ai ewari neei. Machi beaduud̶e ãchiba kʉ̃risiad̶ai “Dachi Akõreba kʉ̃ria b̶uu wau panuu”.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 2:25

»Davidba ichi ʉ̃rʉbena naka jarasii: “Mʉʉba unusii Dachi Mechiu ewaricha mʉ ome b̶uu. Ichi mʉ jua biare b̶uud̶eeba wapeawẽa b̶uu.

Hechos 21:11

Dai ichiad̶e neesiid̶e Pablo kʉrrd̶e jʉ̃barii adausii. Mauba ara ichi jʉ̃rʉ maud̶e jua jʉ̃ped̶a naka jarasii: —Dachi Akõre Jauriba naka jara b̶uu: nau kʉrrd̶e jʉ̃barii chibari judiorãba Jerusalend̶e naka jʉ̃d̶ai. Maabae judiowãerãmaa jidau dead̶ai.

Hechos 21:13

Maamina Pabloba jarasii: —¿Sakãe jẽa panuma? ¿Sakãe mʉ jãka kĩra nomaabi panuma? Ab̶aburu mʉ jʉ̃d̶ai baita b̶uwãema, maumaarã mʉ Mechiu Jesús kakua Jerusalend̶e biui baita b̶uu.

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

Romanos 5:3

Mau awara dachi ãrea biꞌiwãe panuud̶e kĩrajʉʉ panabadau, kuitaa panuud̶eeba mauba dauchia jãaduad̶ai kuitaad̶ai.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

1 Corintios 4:9

Maamina mʉʉba kʉ̃risia b̶uu dai chi Jesucristoba bʉid̶arã Dachi Akõreba jomaurã audeara kaebeu b̶usii. Dai chi juezba jomaurã daad̶e beabíbad̶e a b̶uu kĩra panuu. Ẽbẽrarãba maud̶e angelerãba, jomaurãba ichia panuu biud̶ai kuitaad̶ai baita.

Efesios 3:13

Maud̶eeba mʉʉba machimaa naka chi chuburia id̶iiruu: mʉ machi kakua nama naka biꞌiwãe b̶umina ãrea jirukaraarã́sturu. Maka ãrea biꞌiwãe b̶uu machi Dachi Akõre ome biꞌia nuread̶amera.

Filipenses 1:28

Machi kĩramaabadau ab̶a bid̶a wapearã́sturu. Mauba kuitaabii Dachi Akõreba ãchi baribai, maamina machi karibai. Mau Dachi Akõreba joma wau b̶uu.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

1 Tesalonicenses 5:9

Dachi Akõreba dachi iubasii kastikai baita, maumaarã iusii Dachi Mechiu Jesucristod̶eeba karibad̶amera.

2 Tesalonicenses 1:4

Mau baita daiba ẽbẽrarã Dachi Akõred̶erã panuucha machi ʉ̃rʉbena kĩrajʉʉ nebʉrʉbadau. Daiba jarabadau ẽbẽrarãba kachirua waud̶ai baita wãraa panumina machiba Cristod̶e wabid̶a ijãa panuu maud̶e ãrea biꞌiwãe panumina joma dauchia jãadua panuu.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

1 Pedro 2:21

Cristo machi kakua ãrea biꞌiwãe b̶uasiid̶eeba Dachi Akõreba machi iusii ãrea biꞌiwãe panad̶amera. Cristo ãrea biꞌiwãe b̶uasiid̶e unubiasii machi nebʉrad̶e panuud̶e saka nibad̶ai panuu.

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.

Apocalipsis 2:13

»Machiba wau panuu mʉʉba kuitaa b̶uu. Maud̶e kuitaa b̶uu machi panabadaumare Satanás chi rey ãkaud̶e akʉ b̶uu. Maamina machi wabid̶a mʉ baara nibabadau. Chi Satanasd̶erãba chi ãba Antipas beasid̶aud̶e mʉ kakua biawãra berreasiid̶eeba, machi mʉʉd̶e ijãad̶ai ida b̶ud̶aabasii.