1 Tesalonicenses 3:10 - Emberá Chamí

¹⁰ Ãsaed̶e, ẽsabud̶aa bid̶a daiba Dachi Akõremaa ʉtaa id̶ibadau machi ichiad̶e wãd̶ai baita. Maka machiba Cristo ʉ̃rʉbena wabid̶a adua panuu daiba poyaa jaradead̶ai joma aude ijãad̶amera.

1 Tesalonicenses 3:10 ပူးပေါင်းရင်းမြစ်များ

Lucas 2:37

Ichi pẽdrãa b̶eed̶a 84 año ba b̶uasii. Ewaricha ãyadaa maud̶e ẽsabud̶e bid̶a Dachi Akõre de mechiud̶aa wãbachii Dachi Akõremaa chi bia jarai baita, Dachi Akõre baara b̶uayua chiko kod̶akau ewari waui baita maud̶e Dachi Akõremaa ʉtaa id̶ii baita.

Hechos 26:7

Biawãra joma Israel 12 warrarãd̶ebena neeped̶aad̶arãba ijãa panuu Dachi Akõreba dachi chokae jiradubii. Maud̶eeba dachiba ãyadaa maud̶e ẽsabud̶e Dachi Akõremaa biꞌia berreabadau. Mʉ rey Agripa, mau ijãa b̶uu kakua waabena judiorãba mʉ jidea panuu. Maud̶e Pabloba chi judiorã aria nureerãmaa jarasii: —Dachi Akõreba dachi chokae jiradubii ijãa panuubʉrã ¿sakãe ijãad̶awẽa panuma ichiba biu b̶uad̶a ab̶a chokae jiradubid̶a?

2 Corintios 1:15

Machi biawãra kĩrajʉʉd̶ai mʉ kakua mʉʉba kʉ̃risia b̶uud̶eeba, naa mʉʉba kʉ̃risia b̶uasii b̶es ome machi ichiad̶e wãi ãrea aid̶ai baita.

2 Corintios 1:24

Daiba jara panuu kĩra waubiad̶aabai machiba Cristod̶e ãrea ijãa panuud̶eeba. Bari machi aid̶a kʉ̃ria panuu kĩrajʉʉ panad̶amera.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

2 Corintios 13:9

Machiba ãrea ijãa panuubʉrã dai meserãaswãe panumina kĩrajʉʉ panuu. Mau awara daiba Dachi Akõremaa ʉtaa id̶i panuu machiba jipa wau panad̶amera.

Filipenses 1:25

Maud̶eeba kuitaa b̶uu machi aid̶ai baita mʉ wabid̶a chokae b̶uai maud̶e waya machi ome ãbua b̶uai. Maka machiba Cristod̶e biꞌia ijãa panuud̶eeba kĩrajʉʉ panad̶ai.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

1 Tesalonicenses 3:11

Daiba Dachi Bajãad̶ebena Akõremaa maud̶e Dachi Mechiu Jesusmaa ʉtaa id̶i panuu machimaa waya wãbiad̶amera.

2 Tesalonicenses 1:11

Maud̶eeba daiba ewaricha Dachi Akõremaa ʉtaa id̶ibadau ichiba machi biꞌia unumera. Ichiba machi mau kakua iusii. Daiba ʉtaa id̶i panuu Dachi Akõreba ichi poyaabariid̶eeba machi ne jomad̶e aid̶amera. Maka ichid̶e ijãa panuud̶eeba biꞌia wau kʉ̃ria panuu joma waud̶ai.

2 Timoteo 1:3

Ãyadaa maud̶e ẽsabud̶e mʉʉba Dachi Akõremaa ʉtaa id̶iiruud̶e bichi baita ichíturu kid̶ibai abarii. Dachi Akõreba jara b̶uu mʉʉba waubarii, mʉ kʉ̃risiad̶e nebʉraswãe b̶uud̶eeba, mʉ nabẽrarãba maka wauped̶aad̶a kĩra.

Filemón 1:22

Mau awara mʉʉba kʉ̃risia b̶uu machiba Dachi Akõremaa ʉtaa id̶i panuud̶eeba mʉ wãi. Maka mʉ machimaa poyaa wãi. Maud̶eeba mʉ kãi b̶eei baita bid̶a uru b̶uase.

Apocalipsis 4:8

Maarã chokae nuree ab̶aab̶aa ikia 6 uru nureasii. Ãchi kakuad̶e dau ãrea bara nureasii. Maud̶e ãchi ikia ekare bid̶a dau ãrea basii. Ãyadaa, maud̶e ẽsabud̶e maarãba ida b̶ud̶ayuwãe nau jarabachid̶au: «Ãrea biꞌia nii, ãrea biꞌia nii, ãrea biꞌia nii Dachi Mechiu, Dachi Akõre, chi Joma Poyaabarii. Mau chi nibad̶abʉ, chi niibʉ maud̶e chi neei baita b̶uubʉ».

Apocalipsis 7:15

Maud̶eeba maarã Dachi Akõre rey ãkau jãkaa duanuu. Ichi ded̶e ãyadaa maud̶e ẽsabud̶e ichi baita ne wau panuu. Maud̶e chi ãkaud̶e akʉ b̶uu maarã baara b̶uai.