1 Tesalonicenses 2:7 - Emberá Chamí

⁷ Maumaarã daiba kʉ̃ria panuud̶eeba machi kariba panasid̶au chi naweba chi warrarã nubarii kĩra.

1 Tesalonicenses 2:7 ပူးပေါင်းရင်းမြစ်များ

Hechos 13:18

Mau maad̶akare ãchi drua sirua wãꞌãe b̶uud̶e Dachi Akõreba ãchi 40 años dauchia jãadua b̶uasii.

1 Corintios 2:3

Maud̶e mʉ meserãaswãe b̶uu kʉ̃risiasii. Maud̶e poyaa biꞌia jaradeawẽe kʉ̃risia b̶uasiid̶eeba wapeaba chi kakua uri b̶uabachii.

1 Corintios 9:22

Chi ãbarã chi biawãra bed̶ea ãrea adua nuree tãed̶e b̶uud̶e ãchi kĩra b̶uabarii mʉʉd̶eeba Jesucristo ʉ̃rʉbena biꞌia kuitaad̶amera. Mʉ wãaruucha ẽbẽrarã tãed̶e b̶uud̶e maarã kĩra b̶uabarii mʉʉd̶eeba waabenarãba Cristod̶e ijãad̶aped̶a mʉʉba maarã kachiruad̶ebena karibamera.

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 13:4

Ichi meserãaswãe nii kĩra cruzd̶e jirab̶usid̶amina Dachi Akõre poyaabariid̶eeba chokae nii. Dai sid̶a meserãaswãe panuu ichi meserãaswãe b̶uad̶a kĩra, maamina machimaa unubiad̶ai ichi ome dai Dachi Akõre poyaabariid̶eeba panad̶ai.

Gálatas 4:19

Ãbarã, machi mʉ warrarã kĩra nuree. Mʉ waya machi baita ãrea biꞌiwãe b̶uu wẽra warr adauruud̶e puꞌuabarii kĩra. Mʉ maka ãrea biꞌiwãe b̶uai ab̶a machi Cristo kĩra paneeduud̶aa.

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.