1 Tesalonicenses 2:3 - Emberá Chamí

³ Daiba machimaa biawãrawãe jaradeabadau ijãarãad̶amera id̶id̶aabasii. Maud̶e machi tãed̶e setad̶eeba panuuwãe basii, machi setaa kũruad̶ai baita.

1 Tesalonicenses 2:3 ပူးပေါင်းရင်းမြစ်များ

Hechos 13:15

Maabae chi mechiurãba chi Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a jĩwa ed̶a jarasid̶au. Maabae Pablo maud̶e Bernabé akʉ panuumaa naka jarad̶e wãbiasid̶au: —Ãbarã, machiba dai aid̶ad̶ai baita bed̶ea jarad̶ai uru panuubʉrã, jarásturu.

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).

2 Corintios 11:13

Ãchi Cristoba bʉid̶arãwãema, maumaarã waabenarã setaa kũruabadaurãbʉ. Setad̶eeba kʉ̃risiabiabadau ãchi Cristoba bʉid̶arã.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

2 Corintios 6:8

B̶esed̶e waabenarãba dai ʉ̃rʉbena biꞌia jarabadau. B̶esed̶e kachirua jarabadau. B̶esed̶e dai ʉ̃rʉbena kachirua trʉ̃ poabadau. B̶esed̶e biꞌia trʉ̃ poabadau. Daiba chi biawãra bed̶ea jara panumina waabenarãba jara panuu dai setaa jarabadau abadau.

2 Corintios 7:2

Sõd̶eeba dai kʉ̃riásturu. Daiba ab̶aumaa bid̶a kachirua waud̶awẽa panuu, kachirua kʉ̃risiabiad̶awẽa panuu maud̶e setaa kũruad̶awẽa panuu.

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

1 Tesalonicenses 4:7

Dachi Akõreba dachi jʉrʉ adaubasii kachiruad̶e panad̶amera, maumaarã jʉrʉ adausii ichi baita jipa panad̶amera.

2 Tesalonicenses 2:11

Maud̶eeba Dachi Akõreba ida setaa ijãabiai. Maka ara ãchi du ab̶a ãrea setaa kũrua nuread̶ai.

2 Pedro 1:16

Dachi Mechiu Jesucristo poyaabarii ʉ̃rʉbena maud̶e ichi waya neei ʉ̃rʉbena daiba machimaa jaradeasid̶aud̶e ara dai kʉ̃risiad̶eeba jaraped̶aad̶a jaradead̶aabasii. Maumaarã Dachi Mechiu Jesús kĩrawãrea ted̶echoa unuped̶aad̶ad̶eeba maka jaradeasid̶au.