1 Tesalonicenses 2:15 - Emberá Chamí

¹⁵ Ara maarãba Dachi Mechiu Jesús maud̶e Dachi Akõre baita berreabadaurã sid̶a beasid̶au. Mau awara dai ãyaa bʉisid̶au. Maarã Dachi Akõreba biꞌia unukau. Maarãba jomaurã kĩramaabadau.

1 Tesalonicenses 2:15 ပူးပေါင်းရင်းမြစ်များ

Mateo 23:37

»¡Jerusalén, Jerusalén, machiba Dachi Akõre baita berreabadaurã beabadau! ¡Dachi Akõreba bʉid̶arã sid̶a mooba b̶ata beabadau! Mʉʉba b̶es ãrea machi ãbua jʉrʉ adau kʉ̃ria b̶uasii eterr wẽraba ichi warrarã ikia ekare adaubarii kĩra. Maamina machiba kʉ̃riad̶aabasii.

Mateo 27:25

Maabae jomaurãba panausid̶au: —¡Maka b̶uubʉrã dai, dai warrarã sid̶a nebʉra waud̶ai ichi beaduu kakua!

Mateo 5:12

Ãrea kĩrajʉʉ panésturu, machiba ne bia ãrea bajãad̶e uru panad̶aid̶eeba. Ara mau kĩra nabẽraed̶e ewarid̶e bid̶a Dachi Akõre baita berreabadaurã ara mau kĩra wãraasid̶au biꞌiwãe paneebiad̶ai baita.

Lucas 24:20

Maamina puuru karrarãba maud̶e paare mechiurãba ichi Romad̶ebena jaradea ua b̶uabadaurã juad̶e jidau deasid̶au, maarãba bead̶amera. Maabae cruzd̶e jirab̶u beabisid̶au.

Hechos 12:3

Herodesba unusii judiorã mau kakua kĩrajʉʉsid̶au. Maud̶eeba Pedro sid̶a jidaubisii. Maka wausii pan ẽesãabibariiwãe kobadau ewarid̶e.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

Hechos 4:10

Maka b̶uubʉrã daiba machi daad̶e jaraaduu machi joma israeld̶ebenarãba kuitaad̶amera. Nau ẽbẽra machi daad̶e ʉkʉ nub̶uu Jesucristo Nazaretd̶ebena poyaad̶eeba aribiabisii. Mau Jesucristo machiba cruzd̶e jirab̶u beasid̶au, maamina Dachi Akõreba ichi chokae jiradubisii.

Hechos 5:30

Dachi nabẽraed̶ebena Akõreba Jesús chokae jiradubisii. Maamina machiba mau cruzd̶e jirab̶u beabisid̶au.

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.

1 Corintios 10:5

Maamina Dachi Akõreba ãchid̶ebena ãrea biꞌiwãe unusii, ichi ome kachirua wausid̶aud̶eeba. Maud̶eeba drua sirua wãꞌãe b̶uud̶e kinisid̶au.

2 Corintios 11:26

Mʉ od̶e wãaruud̶e, do che nub̶uud̶e nibabachii, maud̶e nechiruabadau baraumare nibabachii. Ara mʉ ẽbẽrarã judiorã tãed̶e maud̶e judiowãerã tãed̶e mʉ kachiruad̶e b̶uasii. Puurud̶e maud̶e puuru awara mʉ kachiruad̶e b̶uasii. Mard̶e bid̶a kachiruad̶e b̶uasii. Biawãra ãbarãwãe kakua mʉ kachiruad̶e b̶uasii.