1 Tesalonicenses 2:13 - Emberá Chamí

¹³ Daiba ewaricha machi baita Dachi Akõremaa ichíturu kid̶ibai abadau. Machiba Dachi Akõre bed̶ea daid̶eeba ũrisid̶aud̶e ẽbẽra kʉ̃risia kĩra ijãad̶aabasii. Maumaarã mau bed̶ea biawãra chi Dachi Akõre bed̶ea kuitaaped̶aad̶ad̶eeba ijãasid̶au. Ara mau bed̶eaba machi chi Cristod̶e ijãabadaurãmaa biꞌia waubia b̶uu.

1 Tesalonicenses 2:13 ပူးပေါင်းရင်းမြစ်များ

Mateo 10:20

Ara machi kʉ̃risiad̶eeba berread̶aabai, maumaarã machi kakua Dachi Akõre Jauri berreai.

Mateo 10:40

»Chi machi biꞌia irsibiiduurã, mʉ irsibibadau. Maud̶e mʉ irsibiiduu chi mʉ bʉid̶a irsibibadau.

Lucas 11:28

Maamina Jesusba jarasii: —Mau kãyabãra Dachi Akõre bed̶ea ũrid̶aped̶a ijãa waubadaurã biꞌia nuree.

Lucas 5:1

Earab̶a Jesús mar Genesaret abadau iikaa b̶uasii. Maud̶e ẽbẽrarã ãrea ichimaa araa imisid̶au Dachi Akõre bed̶ea ũrid̶ai baita.

Lucas 8:11

Mʉʉba nebʉrʉd̶a naka jara b̶uu: chi netaa Dachi Akõre bed̶eabʉ.

Lucas 8:21

Jesusba jarasii: —Dachi Akõre bed̶ea ũribadaurã maud̶e ijãa waubadaurã mʉ nawebʉ maud̶e mʉ ãbarãbʉ.

Juan 15:3

Mʉ bed̶ea ijãabadaud̶eeba machi chi bakuru jua kauwa tarikuad̶a kĩra nuree.

Juan 17:17

Bichi bed̶eaba bichi biawãra saka nii kuitaabia b̶uu. Maud̶eeba maarã bichi baita duanuse.

Juan 17:19

Maarã kakua mʉ bichimaa dearuu. Machi baita makaaruu, maarãba ara ãchi chi biawãra bichimaa dead̶amera.

Hechos 10:33

Ara makʉd̶e mʉʉba bichi jʉrʉbisii. Maud̶e bichi sõbia niid̶eeba, neesii. Jãabae joma dai nama Dachi Akõre daad̶e panuu Dachi Mechiuba bichimaa jarabi b̶uu ũrid̶ai baita.

Hechos 13:48

Judiowãerãba mau ũrisid̶aud̶e kĩrajʉʉsid̶au. Ara makʉd̶e chi Dachi Mechiu bed̶ea biꞌia b̶uu asid̶au. Chi Dachi Akõreba ewaricha ichi baara chokae nuread̶ai duanud̶aba ijãasid̶au.

Hechos 16:14

Mau wẽrarãd̶ebena ab̶a Lidia abachid̶au. Mau Tiatira puurud̶ebena basii. Paru pupuchia b̶ee nedobʉibachii. Mau judiowãe wẽraba Dachi Akõre wapeadee b̶uasii. Dachi Mechiuba ichi sõ wausiid̶eeba Pabloba berrea b̶uu Lidiaba kauwa ũriped̶a ijãasii.

Hechos 17:11

Berea puurud̶ebena judiorã Tesalónica puurud̶ebenarã kĩra panad̶aabasii. Maumaarã Jesús ʉ̃rʉbena ũri kʉ̃ria panasid̶au. Ewaricha Dachi Akõre bed̶ea ãrea kauwa ichiabachid̶au chi ãchiba jara panuu biawãra kuitaad̶ai baita.

Hechos 17:32

Mau biu b̶uad̶a chokae jiradubid̶a ʉ̃rʉbena ũrisid̶aud̶e chi nureerãba ʉisid̶au. Maamina waabenarãba jarasid̶au: —Jãad̶akare bichiba mau ʉ̃rʉbena berrea b̶uu waya ũrid̶ai.

Hechos 2:41

Ãrea ẽbẽrarãba ichi bed̶ea ijãad̶aped̶a boro easid̶au. Mau ewarid̶e chi Jesusd̶e ijãaped̶aad̶a 3.000 panasid̶au.

Hechos 8:14

Maud̶e chi Jesusba bʉid̶arã Jerusalend̶e nureeba ũrisid̶au Samariad̶ebenarãba Dachi Akõre bed̶ea ijãasid̶au. Maud̶eeba Pedro maud̶e Juan ãchimaa bʉisid̶au.

Romanos 10:17

Biawãra ẽbẽrarãba Cristo ʉ̃rʉbena naa ũrid̶ai panuu, poyaa ijãad̶ai baita.

2 Corintios 3:18

Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

Gálatas 4:14

Ẽpermo b̶uasmina machiba mʉ ida b̶ud̶aabasii maud̶e duabʉid̶aabasii. Maumaarã biꞌia irsibisid̶au Dachi Akõred̶e ángel irsibiiduu kĩra, Jesucristo irsibiiduu kĩra.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

Hebreos 4:12

Biawãra Dachi Akõre bed̶ea chokae nii maud̶e poyaabarii nii. Ichi bed̶ea espada muriacha peed̶ea kĩra b̶uu. Ichi bed̶eaba dachi kʉ̃risia maud̶e dachi sõba wau kʉ̃ria b̶uu joma arakʉd̶e kuitaabiabarii dachi kʉ̃risia, dachi jauri maud̶e dachi sõ id̶u tõoruu kĩra.

Hebreos 4:2

Chi bed̶ea bia Dachi Akõreba kʉrrjĩrubiai ʉ̃rʉbena dachiba ũrisid̶au nabẽraed̶ebenarãba ũriped̶aad̶a kĩra. Dachiba sõd̶eeba ijãa panuud̶eeba Dachi Akõreba kʉrrjĩrubiaimaa wãd̶ai. Maamina nabẽraed̶ebenarãba ũrid̶aped̶a ijãad̶aabasiid̶eeba mau bed̶eaba karibaabasii. Ãchi ʉ̃rʉbena Dachi Akõreba naka jarasii: «Kĩru b̶uud̶e mʉʉba biawãrad̶eeba naka jarasii: “Mʉʉba kʉrrjĩrubiaimaa jãarã wãd̶aabai”». Maka jarasii nau iujãa waud̶ad̶eed̶ebena ichiba waui b̶uad̶a joma uru b̶umina.

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

1 Pedro 1:23

Nau kakua biui b̶uud̶eeba machi chiwid̶i naweba waya adaud̶aabasii, maumaarã Dachi Akõre biukau niid̶eeba chiwid̶i adausid̶au. Dachi Akõre bed̶ea wãꞌãekauba chokae b̶uai deabarii. Mau bed̶ead̶eeba machi chiwid̶i wãwa kĩra adausid̶au.

1 Pedro 1:25

Maamina Dachi Mechiu bed̶ea wãꞌãekau». Mau wãꞌãekau bed̶ea bia Cristod̶ebenabʉ. Mau ãbarãba machimaa jarasid̶au.

1 Pedro 2:2

Dachi Mechiuba sõbiad̶eeba machi karibabarii kuitaasid̶au. Maud̶eeba warr ea adaud̶aba ju do kʉ̃ria b̶uabarii kĩra Dachi Akõre bed̶ea biꞌia kuitaa kʉ̃riásturu. Ichi bed̶ea chi biawãra ju b̶aara kĩra nii. Ichi bed̶ea kuitaaduubʉrã, warid̶ai ab̶a ichiba machi karibaaruud̶aa.

2 Pedro 3:2

Mʉʉba kʉ̃ria b̶uu Dachi Akõre baita berreabadaurãba naa jaraped̶aad̶a machiba kĩrabad̶ayu. Maud̶e kʉ̃ria b̶uu Jesucristo Dachi Mechiu, Dachi Karibabariiba jarad̶a kĩrabad̶ayu. Mau ichiba bʉid̶arãba machimaa jaradeasid̶au.

1 Juan 3:3

Chi Cristo kĩra b̶uai baita esed̶au b̶uu kachiruaswãe b̶uai baita nu b̶uabarii, Cristo kachiruaswãe nii kĩra.