1 Pedro 5:8 - Emberá Chamí

⁸ Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

1 Pedro 5:8 ပူးပေါင်းရင်းမြစ်များ

Mateo 13:39

Chi kĩramaamaarã, mau sirua kachirua uud̶a jʉbawãe niibʉ. Chi ne uu nub̶uu chaud̶ai ewari jara b̶uu chi baribai ewari. Chi ne uu nub̶uu junabadaurã Dachi Akõre angelerãbʉ.

Mateo 24:42

»Maud̶eeba dau kuitaa nureásturu. Machi Mechiu sakaed̶e neei adua panuu.

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 4:1

Maad̶akare Dachi Akõre Jauriba Jesús drua sirua wãꞌãe b̶uud̶aa adoesii. Jʉbawãe niiba b̶aebii chaa b̶uasii ichi kachiruad̶e b̶aemera.

Mateo 4:11

Maabae chi jʉbawãe nii Jesús jãkaabena wãsii. Maud̶e Dachi Akõre ángel bajãad̶ebenarã Jesusmaa need̶aped̶a ichi kobisid̶au.

Marcos 4:15

Netaa od̶e b̶aed̶a chi Dachi Akõre bed̶ea ũribadaurã kĩra nuree. Mau bed̶ea ũri panuu, maamina ara makʉd̶e Satanás mau bed̶ea ãchi sõd̶e need̶a wãꞌãebibarii.

Lucas 21:34

»Kauwa panásturu Dachi Akõred̶e dauchia jãadua panad̶amera. Itua do nibarã́sturu, ne kʉ̃risiawẽa panásturu maud̶e nau kakuaba wau kʉ̃ria b̶uu waurã́sturu. Kauwa nibad̶awẽebʉrã, mau ewari machi ʉ̃rʉ neei, enabe chi ãnimara ʉ̃rʉ b̶aebarii kĩra. Mau ewari jomaurã ʉ̃rʉ maka neei.

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

Lucas 22:31

Mau awara Dachi Mechiuba jarasii: «Simón, Simón, Satanasba Dachi Akõremaa id̶isii machi biꞌiwãe b̶uabiai baita mʉʉd̶e ijãa panuu ida b̶ud̶amera.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

2 Corintios 2:11

Mʉʉba mau perdonasii Satanasba dachi setaa kũruarãamera. Ichiba saka waubarii dachiba ãrea kuitaa panuu.

Efesios 4:27

Jʉbawãe niimaa ida setaa kũruabiarã́sturu.

Efesios 6:11

Chi kokoroaba ichi ʉ̃rʉ chaarea b̶uu jʉ̃barii Dachi Akõreba machimaa dead̶a jʉ̃́sturu, machi chaarea nuread̶ai baita, jʉbawãe niiba setaa kũruarãamera.

1 Timoteo 2:15

Maamina wẽrarãba warr adaubadaud̶eeba maarã karibai, Cristod̶e ijãa paneeduubʉrã, biawãra waabenarã kʉ̃ria uru paneeduubʉrã maud̶e Dachi Akõre baita biꞌia paneeduubʉrã. Joma mau kĩra jipa nuread̶ai panuu.

1 Timoteo 2:9

Mʉʉba kʉ̃ria b̶uu wẽrarãba paru arakʉd̶e jʉ̃d̶amera, wẽrarã jipa nureeba jʉ̃badau kĩra. Ãchi bud̶a ãrea kapipia meraa irud̶awẽa panad̶ai panuu. Nee maebʉrã perla jʉ̃d̶awẽa panad̶ai panuu. Maud̶e paru chi nejarr ãrea id̶ibadau jʉ̃d̶awẽa panad̶ai panuu.

1 Timoteo 3:11

Ara mau kĩra wẽrarã sid̶a jipa nibad̶ai panuu ẽbẽrarãba wapead̶amera. Waabenarã ʉ̃rʉbena ãrea kachirua berread̶aabai panuu. Kauwa nibad̶ai baita panuu maud̶e jomad̶e jipa nuread̶ai panuu.

1 Timoteo 3:2

Maud̶eeba chi ijãabadaurã nubarii nebʉra barau nii ad̶ayuswãe b̶uu, wẽra ab̶aburu uru b̶uai b̶uu, kauwa nibai baita b̶uu, kʉ̃risia biad̶eeba b̶uai b̶uu, kĩra jipa b̶uai b̶uu, ichi ded̶e needuurã biꞌia irsibii b̶uu maud̶e jaradea kuitaa b̶uai b̶uu.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

Tito 1:8

Maumaarã ichi ded̶e needuu sõbiad̶eeba urúbad̶e ad̶ai b̶uu, ne joma biꞌia wau kʉ̃ria nibai b̶uu, kʉ̃risia sõbiad̶eeba b̶uai b̶uu, jipa b̶uai b̶uu, Dachi Akõre baita b̶uai b̶uu, maud̶e ara ichi kakua jipa uru b̶uai b̶uu.

Tito 2:12

Mauba dachimaa kuitaabia b̶uu ne joma kachirua maud̶e nau iujãad̶ebenarãba kʉ̃riabadau ida b̶ud̶ai panuu. Maud̶e kuitaabia b̶uu dachi nau iujãad̶e panuud̶e kʉ̃risia sõbiad̶eeba dachi kakua kĩra jipa nibad̶ai panuu Dachi Akõreba kʉ̃ria b̶uu kĩra.

Tito 2:2

Chõrarãmaa jaradease ãchi kakua jipa uru nuread̶amera, kĩra jipa nuread̶amera, kʉ̃risia biad̶eeba nibad̶amera, Cristod̶e ãrea ijãad̶amera, biawãra kʉ̃riad̶eeba nuread̶amera, maud̶e joma jãaduad̶amera.

Tito 2:4

Ãchiba awẽrarãmaa jaradead̶ai panuu ãchi kima, ãchi warrarã sid̶a kʉ̃riad̶amera, kʉ̃risia biad̶eeba jipa nibad̶amera, wẽra bia nuread̶amera, ãchi de biꞌia nud̶amera, sõbia nuread̶amera, maud̶e ãchi kimaba jaraaruu waud̶amera. Maka ab̶au bid̶a Dachi Akõre bed̶ea kachirua jarad̶aabai.

Tito 2:6

Kũudrãarãmaa jaradease kʉ̃risia biad̶eeba jipa nibad̶amera.

Santiago 4:7

Maud̶eeba Dachi Akõre juad̶e panásturu. Jʉbawãe nii ijãarã́sturu. Maka ichi machid̶ebena ãyaa wãi.

1 Pedro 1:13

Maud̶eeba kʉ̃risia kuitaad̶eeba panásturu biꞌia waud̶ai baita. Kĩra jipa panásturu. Kakua ãkaad̶awẽa esed̶au panásturu Jesucristo unuuduu ewarid̶e Dachi Akõreba ichi sõbiad̶eeba machimaa ne bia deamera.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

Apocalipsis 12:10

Maabae mʉʉba ab̶a bajãad̶e jĩkua berrearuu ũrisii. Naka jarasii: «Id̶i Dachi Akõreba ichi ẽbẽrarã karibamaa b̶uu. Id̶i ichi poyaabariiba jomaurã ichi juad̶e ua b̶uu. Cristo chi karibabarii deai jarad̶aba joma poyaai. Bajãad̶ebena iujãad̶aa chi dachi ãbarã jideabarii jiratasii. Mauba ẽsabud̶e maud̶e ãyadaa Dachi Akõre daad̶e makabachii.

Apocalipsis 12:12

¡Maud̶eeba joma chi bajãad̶e panuurã kĩrajʉ́sturu! Maamina chi nau iujãad̶e maud̶e mard̶e panuurã sid̶a miichuburi panad̶ai, jʉbawãe nii machimaa neesiid̶eeba. Mau miusia ãrea b̶uu, ãrea b̶uabai b̶uu kuitaa b̶uud̶eeba».

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 20:10

Mau maad̶akare Dachi Akõreba jʉbawãe nii ẽbẽrarã setaa kũrua uru b̶uad̶a chob̶ea mar kĩra azufre bara aoko nub̶uud̶e jiratai. Naed̶e Dachi Akõreba ãnimara kachirua b̶uu, Dachi Akõre baita berreabarii chi biawãrawãe sid̶a mau tʉbʉ aokod̶e jiratasii. Chi maarã maud̶e jʉbawãe nii sid̶a ewaricha ãyadaa maud̶e ẽsabud̶e ãrea biꞌiwãe panad̶ai.

Apocalipsis 20:2

Chi dragón jidadauped̶a 1.000 años jʉ̃ kub̶usii. Mau dragón nabẽraed̶ebena damabʉ. Jʉbawãe nii maud̶e Satanás abadau.