1 Pedro 5:5 - Emberá Chamí

⁵ Kũudrãarã, chõrarãba jaraaduu ijã́sturu. Jomaurã chiya aid̶a nuread̶ai panuu waabena audeara chi mechiu nii kʉ̃risiad̶awẽa. Dachi Akõre bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabiakau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».

1 Pedro 5:5 ပူးပေါင်းရင်းမြစ်များ

Romanos 12:10

Biawãra kʉ̃riad̶eeba chiya kʉ̃ria panásturu. Kʉ̃risia sõbiad̶eeba chiya wapeadee panásturu maud̶e waabenarã ʉ̃rʉbena biꞌia kʉ̃risiásturu.

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Efesios 5:21

Cristo wapea panuud̶eeba arab̶aud̶e chiya ijã́sturu.

Filipenses 2:3

Waabenarã audeara biꞌia nuree kʉ̃risia panuud̶eeba ne ab̶a bid̶a waurã́sturu. Maud̶e waurã́sturu machi báitaburu biꞌia nuread̶ai baita. Maumaarã kʉ̃risiásturu waabenarã machi audeara biꞌia nuree.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

1 Timoteo 5:1

Chõrarã iadaarã́se, maumaarã bichi akõre ome berreabarii kĩra maarã ome sõbiad̶eeba berreáse ũrid̶amera. Kũudrãarãmaa berreáse bichi ãbarã ome berreabarii kĩra.

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

Santiago 4:6

Maamina Dachi Akõreba ichi sõbiad̶eeba dachi ãrea aid̶a b̶uu. Maud̶eeba Ichi Bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabikau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.

1 Pedro 4:1

Cristo nau kakuad̶e ãrea biꞌiwãe b̶uasiid̶eeba machia bid̶a arab̶aud̶e kʉ̃risia uru panásturu. Chi nau kakuad̶e ãrea biꞌiwãe b̶uuba kachirua ida b̶usii.

1 Pedro 4:5

Maamina Dachi Akõreba ãchi nebʉra ichiaruud̶e ãchiba wauped̶aad̶a ichimaa joma jarad̶ai. Ichiba chi chokae nuree maud̶e biud̶arã nebʉra ichiai baita b̶uu.