1 Pedro 5:12 - Emberá Chamí

¹² Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.

1 Pedro 5:12 ပူးပေါင်းရင်းမြစ်များ

Juan 21:21

Pedroba mau ẽbẽra unusiid̶e Jesusmaa id̶isii: —Mʉ Mechiu, cha nii ¿sãaima?

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Hechos 15:22

Maka b̶uud̶e, chi Jesusba bʉid̶arã, ijãabadaurã nubadaurã maud̶e joma ãbarãba mau biꞌia ũrisid̶au. Maud̶eeba chi nureeba jʉrʉ adausid̶au Pablo, Bernabé ome Antioquiad̶aa wãd̶amera. Silas maud̶e Judas jʉrʉ adausid̶au. Judas ara mau Barsabás abachid̶au. Chi waabenarã ãbarãba ãchi biꞌia nuree unusid̶au.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

1 Corintios 15:1

Mau awara ãbarã, mʉʉba machimaa kĩrababiai chi bed̶ea bia Jesús ʉ̃rʉbena mʉʉba machimaa jaradead̶a. Mau bed̶ea machiba mʉʉd̶ebena kuitaasid̶au maud̶e ãrea ijãa panuu.

2 Corintios 1:19

Silvanoba, Timoteoba maud̶e mʉa bid̶a machimaa Dachi Akõre Warr Jesucristo ʉ̃rʉbena jaradea panasid̶au. Jesucristoba waui ad̶a waya wauwẽa akau. Ichiba waui ad̶a joma waubarii. Daiba «nau biawãra» ad̶aabasii, maad̶akare «seta» ad̶ai baita.

2 Corintios 1:24

Daiba jara panuu kĩra waubiad̶aabai machiba Cristod̶e ãrea ijãa panuud̶eeba. Bari machi aid̶a kʉ̃ria panuu kĩrajʉʉ panad̶amera.

Efesios 3:3

Ichiba naed̶e kuitaabiwẽa b̶uad̶a mʉʉmaa kuitaabisii. Mau ʉ̃rʉbena mʉʉba nau kartad̶e b̶aꞌãra b̶ʉsii.

Efesios 6:21

Dachiba kʉ̃ria panuu ãba Tiquicoba mʉ ʉ̃rʉbena machimaa joma nebʉrʉi kuitaad̶amera mʉ saka b̶uu maud̶e kãare wau b̶uu. Ichi Dachi Mechiu baita ichi kʉ̃ria trajabarii jipa nii, maud̶e ne jomad̶e biꞌia waubarii.

Colosenses 1:7

Mau bed̶ea dachi ãba Epafrasba machimaa kuitaabiasii. Ichi daiba biawãra kʉ̃ria panuu. Dai ome arab̶aud̶e wau b̶uu. Ichi Cristo baita bari trajabariibʉ. Machi aid̶ai baita ne jomad̶e jipa waubarii.

Colosenses 4:7

Mʉʉba dachi ãba Tíquico machimaa bʉiruu mʉ ʉ̃rʉbena jaramera. Daiba mau biꞌia kʉ̃ria panuu. Mauba mʉ ome ãbua Dachi Mechiu traju ne jomad̶e biꞌia wau b̶uu. Mauba dai ʉ̃rʉbena machimaa joma kuitaabiai, maud̶e kĩrajʉʉbiai.

Colosenses 4:9

Tíquico baara ãba Onésimo bʉiruu. Ichiba ne jomad̶e jipa wau b̶uu maud̶e daiba mau kʉ̃ria panuu. Tiquicoba maud̶e Onesimoba machimaa nebʉrʉd̶ai joma nama saka nub̶uu.

1 Tesalonicenses 1:1

Mʉ Pablobʉ. Nau karta b̶ʉmaa b̶uu chi ãbarã Tesalónica puurud̶ebenarã baita. Machi Dachi Bajãad̶ebena Akõred̶ebʉ maud̶e Dachi Mechiu Jesucristod̶ebʉ. Mʉ ãba Silvano maud̶e Timoteo mʉ baara panuu. Daiba kʉ̃ria panuu Dachi Akõreba maud̶e Dachi Mechiu Jesucristo bid̶a maarã sõbiad̶eeba machi kariba panad̶amera maud̶e jirukaraayuwãe panabiad̶amera.

2 Tesalonicenses 1:1

Mʉ Pablobʉ. Nau karta b̶ʉʉruu ãbarã Tesalónica puurud̶ebena baita. Machi, Dachi Bajãad̶ebena Akõred̶ebʉ maud̶e Dachi Mechiu Jesucristod̶ebʉ. Ãba Silvano maud̶e Timoteo mʉ ome panuu.

Hebreos 13:22

Ãbarã, mʉʉba nau karta b̶aꞌãra b̶ʉsii machiba biꞌia ijãad̶amera. Maud̶eeba mʉʉba machimaa chi chuburia id̶iiruu nau bed̶ea bia ũrid̶amera.

1 Pedro 1:13

Maud̶eeba kʉ̃risia kuitaad̶eeba panásturu biꞌia waud̶ai baita. Kĩra jipa panásturu. Kakua ãkaad̶awẽa esed̶au panásturu Jesucristo unuuduu ewarid̶e Dachi Akõreba ichi sõbiad̶eeba machimaa ne bia deamera.

1 Pedro 4:10

Dachi Akõreba ichi sõbiad̶eeba dachicha ichi Jauriba waubi b̶uu deasii, waabenarã aid̶ad̶amera. Dachi Akõre baita bari trajabadaurã biawãrad̶eeba ichiba machicha deasiid̶eeba waabena aid̶ásturu.

2 Pedro 1:12

Joma mau kuitaa panumina maud̶e chi biawãra bed̶ea ãrea ijãa panumina, mʉʉba joma mau machimaa kĩrababia b̶uai.

2 Pedro 2:15

Dachi Akõre o jipa b̶uu ida b̶ud̶aped̶a o ãyaa wãsid̶au. Beor warr Balán abadauba waud̶a kĩra waubadau. Balán chi nejarra kʉ̃ria b̶uasiid̶eeba chi nejarra baita kachirua waui kʉ̃risiasii.

3 Juan 1:12

Ãba Demetrio ʉ̃rʉbena jomaurãba biꞌia berrea panuu. Chi biawãra bed̶ea ijãa b̶uud̶eeba unubia b̶uu ichi jipa nii. Dai bid̶a ichi ʉ̃rʉbena biꞌia kʉ̃risia panuu. Machiba kuitaa panuu daiba jara panuu biawãrabʉ.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.