1 Pedro 4:6 - Emberá Chamí

⁶ Maud̶eeba biud̶arãba chi bed̶ea bia Cristo ʉ̃rʉbena ũrisid̶au ãchi jauri chokae nuread̶amera, Dachi Akõre chokae b̶uu kĩra. Maamina ãchi chi kakua biusid̶au, Dachi Akõreba joma biud̶ai panuu asiid̶eeba.

1 Pedro 4:6 ပူးပေါင်းရင်းမြစ်များ

Mateo 24:9

»Mau ewarid̶e ẽbẽrarãba machi jidau dead̶ai, kachirua waud̶aped̶a bead̶amera. Mʉʉd̶e ijãa panuu kakua jomaurãba machi kĩramaad̶ai.

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

Gálatas 2:19

Naed̶e mʉ Moisesba b̶ʉd̶ad̶eeba nibasii. Maamina mau Moisesba b̶ʉd̶ad̶ebena wãsii. Maka mʉ Dachi Akõre baita chokae b̶eesii.

Gálatas 5:25

Dachi Akõre Jaurid̶eeba chokae panuud̶eeba ichid̶eeba nibad̶ai panuu.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Pedro 3:19

Maud̶e Dachi Akõre Jaurid̶eeba chi jauri jʉ̃a duanuumaa wãsii. Wãped̶a chi kachirua joma poyaasii, asii.

Apocalipsis 14:18

Maabae chi Dachi Akõre baita bajãad̶e kera baa deabadaumarebena june ab̶a ángel awara neesii. Maud̶eeba chi tʉbʉchia aoko uru b̶uabarii chi kera baai baita. Naka jĩwa jarasii chi neko peed̶ea jũria uru b̶uumaa: «Chi iujãad̶ebena uva waraa kub̶uud̶eeba, bichi neko jũria b̶uuba joma tuukuase».