1 Pedro 4:5 - Emberá Chamí

⁵ Maamina Dachi Akõreba ãchi nebʉra ichiaruud̶e ãchiba wauped̶aad̶a ichimaa joma jarad̶ai. Ichiba chi chokae nuree maud̶e biud̶arã nebʉra ichiai baita b̶uu.

1 Pedro 4:5 ပူးပေါင်းရင်းမြစ်များ

Mateo 12:36

Bichiba ne bia jaraaruubʉrã Dachi Akõreba bichi biꞌia nibabii. Maamina ne kachirua jaraaruubʉrã ichiba kastikai. Mʉʉba machimaa jaraaruu: Dachi Akõreba kastikai ewarid̶e jomaurãba ichimaa jarad̶ai ãchiba bed̶ea kachirua barikia jaraped̶aad̶a».

Lucas 16:2

Maud̶eeba chi chibariba ichi iuped̶a naka iadaasii: “Bichiba mʉ chi nejarra biꞌia nuwẽa b̶uu mʉʉba ũrisii. Bichiba waud̶a kartad̶e b̶ʉped̶a unubise, jãabae mʉ chi nejarra nubarii baabaid̶eeba”.

Hechos 10:42

Jesusba dai bʉisii joma ẽbẽrarãmaa naka jarad̶amera: Dachi Akõreba ichi b̶usii chi chokae nuree maud̶e biuped̶aad̶a ãchi juez b̶uamera.

Hechos 17:31

Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.

Romanos 14:9

Cristo biusii, biud̶arã Mechiu bai baita. Maud̶e chokae jiradusii, chi chokae nuree Mechiu bai baita.

2 Timoteo 4:1

Jesucristo neei ichid̶irã ichi juad̶e ua b̶uai baita. Maud̶e ẽbẽrarã chokae nuree maud̶e biuped̶aad̶a nebʉra ichiai. Maud̶eeba Jesucristo daad̶e maud̶e Dachi Akõre daad̶e mʉʉba nau bed̶ea jaraaruu bichiba waumera:

Santiago 5:9

Ãbarã, waabena ʉ̃rʉbena kachirua jararã́sturu, Jesucristoba machi ichiarãamera. Jesucristo dachi nebʉra ichiabarii kãꞌãabariwãed̶e neei.