1 Pedro 4:17 - Emberá Chamí

¹⁷ Jãabae Dachi Akõreba ichid̶irã nebʉra ichiai. Dachi Akõreba dachi naa ichiaruubʉrã, ¿chi bed̶ea bia Dachi Akõre ʉ̃rʉbena ijãawẽa nuree saka panad̶aima?

1 Pedro 4:17 ပူးပေါင်းရင်းမြစ်များ

Lucas 23:31

Ẽbẽrarãba mʉ, bakuru õto kĩra nii beaduubʉrã, chi bakuru põasãa kĩra duanuu ome ¿sãad̶aima?

Romanos 1:1

Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

Romanos 2:9

Ichiba ichiaruud̶e joma kachirua wau nuree ãrea biꞌiwãe nuread̶ai maud̶e jirukaraa nuread̶ai. Naa judiorã maud̶e judiowãerã sid̶a maka nuread̶ai.

Gálatas 3:1

Ãbarã Galacia druad̶ebenarã, ¡machi kʉ̃risiaswãe nureerã! ¿Kaiba machi setaa kũruasii chi biawãra bed̶ea ida b̶ud̶amera? Daiba machimaa joma chi Jesucristo cruzd̶e biu b̶uad̶a ʉ̃rʉbena jaradeabachid̶au.

Gálatas 5:7

Machiba biawãra chi bed̶ea bia ijãa panasid̶au. ¿Kaiba waa joesma machiba mau bed̶ea ida b̶ud̶amera?

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

1 Timoteo 3:15

Maamina kãꞌãaruubʉrã mʉʉba kʉ̃ria b̶uu Dachi Akõre chokae nii ẽbẽrarã saka ãbua panad̶ai panuu bichiba kuitaamera. Dachiba Dachi Akõre chi biawãra bed̶ea jaradeabadau de wãto kĩra b̶uu maud̶e de jʉ̃rʉ kĩra b̶uu.

Hebreos 11:8

Dachi Akõreba Abrahammaa jarasii ichiba deai jarad̶a druad̶aa wãmera. Abrahamba Dachi Akõred̶e ijãasiid̶eeba samaa wãaruu adua b̶umina ichi drua b̶ʉiped̶a wãsii.

Hebreos 2:2

Dachi Akõreba naed̶e waubi b̶uad̶a bed̶ea angelerãd̶eeba deasii. Mau bed̶ea ẽbẽrarãba joma ũribaba waud̶ai panasii. Joma chi mau bed̶ea waud̶aka bad̶a, maud̶e kʉ̃riad̶aa bad̶a sid̶a Dachi Akõreba kastikakuabachii ara chi kachirua wauped̶aad̶a kĩra.

Hebreos 2:4

Mau awara Dachi Akõreba ẽbẽrarãba ne poyaa waud̶akau mechiu aꞌawaraa waubiasii. Ichiba kʉ̃ria b̶uad̶a kĩra ichi Jauriba waubi b̶uu ichid̶irãcha dead̶akasii. Joma maud̶eeba kuitaabiasii mau bed̶ea biawãrabʉ.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.

1 Pedro 2:8

Maud̶e naka b̶ʉ kub̶uu: «Ẽbẽrarã mau moomaa drʉd̶aped̶a b̶aed̶ai». Ãchiba Dachi Akõre bed̶ea ijãad̶awẽa panuud̶eeba moomaa drʉʉduu kĩra nuree. Dachi Akõreba maarã b̶usii maka nuread̶amera.