1 Pedro 4:13 - Emberá Chamí

¹³ Maumaarã Cristo biꞌiwãe b̶uasii kĩra ãrea biꞌiwãe panuud̶eeba kĩrajʉʉ panásturu. Maka Dachi Akõreba Cristo chi mechiu nii unubiaruud̶e machi ãrea kĩrajʉʉd̶ai.

1 Pedro 4:13 ပူးပေါင်းရင်းမြစ်များ

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 25:21

Chi chibariba jarasii: “Biꞌia b̶uu, trajabarii bia nii, bichiba jipa waubarii. Mʉʉba b̶aꞌãra dead̶aba bichiba biꞌia wausiid̶eeba mʉʉba maucha aude deai. Ed̶a neese mʉ ome kĩrajʉʉ b̶uai baita”.

Mateo 25:23

Chi chibariba jarasii: “Biꞌia b̶uu, trajabarii bia nii, bichiba jipa waubarii. Mʉʉba b̶aꞌãra dead̶aba bichiba biꞌia wausiid̶eeba mʉʉba bichimaa maucha ãrea dearuu. Ed̶a neese mʉ ome kĩrajʉʉ b̶uai baita”.

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Mateo 5:12

Ãrea kĩrajʉʉ panésturu, machiba ne bia ãrea bajãad̶e uru panad̶aid̶eeba. Ara mau kĩra nabẽraed̶e ewarid̶e bid̶a Dachi Akõre baita berreabadaurã ara mau kĩra wãraasid̶au biꞌiwãe paneebiad̶ai baita.

Marcos 8:38

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ Chachaba mʉʉmaa poyaabarii dead̶ad̶eeba neei, chi ichi angelerã biꞌia nuree baara».

Lucas 17:30

»Mʉ, chi Ẽbẽra Ba B̶uad̶a neei ewarid̶e ara mau kĩra makai.

Hechos 16:25

Ẽsabud̶e ẽsa baaruud̶e Pabloba maud̶e Silasba Dachi Akõremaa ʉtaa id̶i panasid̶au maud̶e ichimaa kari panasid̶au. Mau waabena jʉ̃a duanuurãba ũri panasid̶au.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

Romanos 5:3

Mau awara dachi ãrea biꞌiwãe panuud̶e kĩrajʉʉ panabadau, kuitaa panuud̶eeba mauba dauchia jãaduad̶ai kuitaad̶ai.

Romanos 8:17

Ichi warrarãd̶eeba dachirã maud̶e Cristo baarauba ichiba uru b̶uud̶ebena adaud̶ai. Biawãra Cristo biꞌiwãe uru panad̶a kĩra dachi ãrea biꞌiwãe panuubʉrã, Dachi Akõreba Cristo baara ãbua ãrea biꞌia duanui.

Romanos 8:18

Mʉʉmaarã, chi nau id̶ibaebena dachi ãrea biꞌiwãe panuu b̶aꞌãra b̶uu, chi kaad̶ebena ewarid̶e Dachi Akõreba dachi biꞌia duanui audeara.

2 Corintios 1:5

Biawãra Cristo baita dai ãrea biꞌiwãe duanubadamina ichid̶eeba ne jomad̶e kĩrajʉʉbadau.

2 Corintios 1:7

Daiba kuitaa panuu machiba Dachi Akõre biawãra ãrea ijãa panuu. Kuitaa panuu machi dai kĩra ãrea biꞌiwãe paneebadamina Dachi Akõreba machi dai kĩra sõ kĩrajʉʉbiabarii.

2 Corintios 4:10

Dai wãaduucha ẽbẽrarãba dai bead̶ai kʉ̃ria panuu Jesús beaped̶aad̶a kĩra. Maamina Jesusba dai kariba b̶uud̶eeba ãchiba daid̶eeba Jesús chokae b̶uu unubadau.

2 Corintios 4:17

Dai ʉ̃raud̶e ãrea biꞌiwãe paneebadamina, mauba dai aid̶a b̶uu, maad̶akare chi Dachi Akõre kĩrawãread̶e ewaricha panad̶ai baita. Mau kĩrawãrea aude bibuara b̶uai chi id̶ibae b̶aꞌãra biꞌiwãe paneebadau audeara.

Filipenses 3:10

Mʉʉba Cristo ãrea unui kʉ̃ria b̶uu. Ichi Dachi Akõre poyaabariid̶eeba chokae jiradusii. Mʉ ara mau poyaabariid̶eeba ichi baara nibai kʉ̃ria b̶uu. Maud̶eeba ichi ãrea biꞌiwãe b̶uad̶a kĩra mʉ sid̶a biꞌiwãe b̶uai kʉ̃ria b̶uu, maud̶e ichi biud̶a kĩra biui kʉ̃ria b̶uu.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

2 Timoteo 2:12

Dachi ãrea biꞌiwãe panuu dauchia jãadua panuubʉrã, ichi ome chi karrarã kĩra nuread̶ai. Dachiba Cristo adua panuu aaduubʉrã, ichia bid̶a dachi adua b̶uu ai.

1 Pedro 1:13

Maud̶eeba kʉ̃risia kuitaad̶eeba panásturu biꞌia waud̶ai baita. Kĩra jipa panásturu. Kakua ãkaad̶awẽa esed̶au panásturu Jesucristo unuuduu ewarid̶e Dachi Akõreba ichi sõbiad̶eeba machimaa ne bia deamera.

1 Pedro 2:21

Cristo machi kakua ãrea biꞌiwãe b̶uasiid̶eeba Dachi Akõreba machi iusii ãrea biꞌiwãe panad̶amera. Cristo ãrea biꞌiwãe b̶uasiid̶e unubiasii machi nebʉrad̶e panuud̶e saka nibad̶ai panuu.

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

Judas 1:24

Dachi Akõreba machi poyaa nu ua b̶uai b̶uu kachiruad̶e b̶aerãad̶amera. Ichi kĩrawãrea daad̶e kachiruaswãe poyaa biꞌia b̶ui. Aria machi kĩrajʉʉ panad̶ai.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.