1 Pedro 3:18 - Emberá Chamí

¹⁸ Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

1 Pedro 3:18 ပူးပေါင်းရင်းမြစ်များ

Mateo 27:19

Pilato ẽbẽrarã jibarii ãkaud̶e akʉ b̶uud̶e chi wẽraba nau bed̶ea ichimaa jarabʉisii: «Jãu ẽbẽra jipa nii enata bʉise. Id̶i jãu ʉ̃rʉbena kamokaraasiid̶eeba mʉ ãrea wapea b̶uu».

Mateo 27:24

Maka panuud̶e Pilatoba kuitaasii ẽbẽrarãba ichi bed̶ea ijãad̶aabasii. Mau awara unusii ẽbẽrarã aude b̶iuka nub̶eeduu. Maabae baniaba ichi jua jomaurã daad̶e jeraaped̶a jarasii: —Nau ẽbẽra jipa b̶uu beaduu kakua mʉ nebʉra wauwẽa b̶uu. Mau biawãra machid̶e b̶uu.

Juan 16:10

Kuitaabiai mʉ jipa nii mʉ Chachamaa wãaruud̶eeba. Maud̶e machiba mʉ makaa unud̶aabai.

Hechos 22:14

Maabae Ananiasba jarasii: “Dachi Akõre dachi nabẽraed̶ebena ome b̶uad̶aba bichi adoesii ichiba kʉ̃ria b̶uu kuitaamera, chi Jipa nii unumera maud̶e ichi berrearuu ũrimera.

Hechos 3:14

Machiba Dachi Akõre baita bari trajabarii Jipa nii ida b̶ud̶aped̶a id̶i panasid̶au Pilatoba mia beabarii Barrabás ida bʉimera.

Romanos 4:25

Ichiba Jesús b̶usii dachi kachirua kakua biumera. Maabae biud̶ad̶ebena chokae jiradubisii dachi chi ichid̶irã jipa nuree baara duanui baita.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

Romanos 8:3

Moisesba b̶ʉd̶aba dachi kachiruad̶ebena poyaa enabiaibasii. Chi nau kakuaba wau kʉ̃ria b̶uud̶eeba nibabadaurãba mau Moisesba b̶ʉd̶a waud̶ai bad̶amaarã kachirua waubadau. Maamina Dachi Akõreba ichi Warr bʉisii dachi chi kachiruarã kĩra b̶uamera. Maud̶e dachiba kachirua wauped̶aad̶a kakua biusii. Maka chi dachi kakua kachirua wauped̶aad̶a Dachi Akõreba kastikasii.

2 Corintios 1:24

Daiba jara panuu kĩra waubiad̶aabai machiba Cristod̶e ãrea ijãa panuud̶eeba. Bari machi aid̶a kʉ̃ria panuu kĩrajʉʉ panad̶amera.

2 Corintios 13:4

Ichi meserãaswãe nii kĩra cruzd̶e jirab̶usid̶amina Dachi Akõre poyaabariid̶eeba chokae nii. Dai sid̶a meserãaswãe panuu ichi meserãaswãe b̶uad̶a kĩra, maamina machimaa unubiad̶ai ichi ome dai Dachi Akõre poyaabariid̶eeba panad̶ai.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Gálatas 1:4

Ara mau Jesucristoba ichi dachi kachirua kakua ida beabisii nau ewari kachiruad̶ebena karibai baita. Maka wausii Dachi Bajãad̶ebena Akõreba maka kʉ̃riasiid̶eeba.

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

Efesios 3:12

Dachiba ara mau Jesucristod̶e ijãa panuud̶eeba maud̶e ichi ome ãbua panuud̶eeba Dachi Akõremaa wapeawẽa ʉtaa id̶id̶ai panuu.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 10:10

Dachi Akõreba kʉ̃ria b̶uu Jesucristoba joma wausii. Ara ichi ida beabisii. B̶es ab̶a maka waud̶aba dachi ewaricha Dachi Akõre baita biꞌia b̶usii.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

Hebreos 9:26

Maka b̶uad̶a basirã nau iujãa wausiid̶eed̶ebena waitaa Cristo b̶es ãrea biui basii. Maamina nau kaad̶ebena ewarid̶e neeped̶a ichi ida beabisii. B̶es ab̶a maka waud̶aba dachiba kachirua wauped̶aad̶a joma awara b̶usii.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

Santiago 5:6

Machiba chi ẽbẽra jipa nii nebʉra barau ad̶aped̶a beasid̶au. Maud̶e mauba ne waubasii bearãad̶amera.

1 Pedro 3:19

Maud̶e Dachi Akõre Jaurid̶eeba chi jauri jʉ̃a duanuumaa wãsii. Wãped̶a chi kachirua joma poyaasii, asii.

1 Pedro 4:1

Cristo nau kakuad̶e ãrea biꞌiwãe b̶uasiid̶eeba machia bid̶a arab̶aud̶e kʉ̃risia uru panásturu. Chi nau kakuad̶e ãrea biꞌiwãe b̶uuba kachirua ida b̶usii.

1 Pedro 4:6

Maud̶eeba biud̶arãba chi bed̶ea bia Cristo ʉ̃rʉbena ũrisid̶au ãchi jauri chokae nuread̶amera, Dachi Akõre chokae b̶uu kĩra. Maamina ãchi chi kakua biusid̶au, Dachi Akõreba joma biud̶ai panuu asiid̶eeba.

1 Juan 1:9

Dachi Akõreba jara b̶uu kĩra ara ichiba waubariid̶eeba, maud̶e jipa waubariid̶eeba, dachiba kachirua wauped̶aad̶a ichimaa jaraaduubʉrã, mau kachirua perdonai. Joma kachirua wauped̶aad̶a jeraai.