1 Pedro 3:14 - Emberá Chamí

¹⁴ Maamina biꞌia wau panuud̶eeba ãrea biꞌiwãe duanuubʉrã, Dachi Akõre daad̶e ãrea biꞌia nuread̶ai. Maud̶eeba chi machi kachirua wauduu wapearã́sturu. Ãrea jirukaraarã́sturu.

1 Pedro 3:14 ပူးပေါင်းရင်းမြစ်များ

Mateo 10:28

Nau chi kakua beabadaurã wapearã́sturu, jãarãba beaped̶aad̶akare waa poyaa waud̶aabaid̶eeba. Maamina dachi jauri poyaa bead̶aabai. Maumaarã chi kakua maud̶e dachi jauri tʉbʉchia aoko kub̶uu kiikaud̶e baai b̶uu wapeásturu.

Mateo 10:31

Dachi Akõre baita machi ibana ãrea audeara biꞌia nureed̶eeba wapead̶awẽa panásturu.

Mateo 10:39

Ab̶a nau iujãad̶e ara ichi biꞌia b̶uai kʉ̃risia b̶uubʉrã, mau poyaabai. Maamina ab̶a mʉ kakua biuruubʉrã mau Dachi Akõre ome ewaricha chokae nibai.

Mateo 16:25

Ab̶a ara ichi karibai kʉ̃riaruubʉrã, mau poyaabai. Maamina ab̶a mʉ kakua biuruubʉrã, Dachi Akõre ome ewaricha chokae b̶uai.

Mateo 19:29

Mʉ kakua ab̶auba ichi de, ãbarã, neekaurã, akõre, nawe, kima, warrarã maud̶e chi drua b̶ʉiruubʉrã, ichiba b̶ʉid̶a audeara 100 adaui maud̶e Dachi Akõre ome ewaricha chokae b̶uai.

Marcos 10:29

Jesusba jarasii: —Mʉʉba biawãra jaraaruu: mʉ kakua maud̶e chi bed̶ea bia mʉ ʉ̃rʉbena kakua ichi de, ãbarã, neekaurã, akõre, nawe, kima, warrarã maud̶e chi drua b̶ʉiruubʉrã,

Marcos 8:35

Ab̶a ara ichi karibai kʉ̃riaruubʉrã, mau poyaabai. Maamina ab̶a mʉ kakua biuruubʉrã maebʉrã chi bed̶ea bia mʉ ʉ̃rʉbena jara b̶uu kakua biuruubʉrã, Dachi Akõre ome ewaricha chokae nibai.

Juan 14:1

»Jirukaraa nurearã́sturu. Chi Dachi Akõreba wauruud̶e maud̶e chi mʉʉba wauruud̶e ijã́sturu.

Juan 14:27

»Mʉʉba machi sõd̶e jirukaraayuwãe duanubiai. Maamina mʉʉba makaabai, chi nau iujãad̶ebenarãba makabadau kĩra. Maud̶eeba ãrea jirukaraarã́sturu. Wapearã́sturu.

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

2 Corintios 12:10

Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

Filipenses 1:29

Ichi biad̶eeba machi iubasii ab̶aburu Cristod̶e ijãa panad̶amera, maumaarã iusii Cristo kakua ãrea biꞌiwãe panad̶amera.

Santiago 1:12

Ab̶a kachirua waui kʉ̃risia dauchia jãadua b̶uubʉrã, Dachi Akõre daad̶e ãrea biꞌia b̶uu. Joma dauchia jãaduaruud̶e Dachi Akõreba boro jũra dearuu kĩra ichi ewaricha chokae b̶uabii. Dachi Akõreba joma ichi kʉ̃ria nureerã biawãrad̶eeba maka chokae b̶uabiai.

Santiago 5:11

Dachimaarã, chi ãrea biꞌiwãe panuud̶e dauchia jãadua nuree ãrea biꞌia nuree. Machiba ũribadau Job ichi ewarid̶e ãrea biꞌiwãe b̶uad̶a joma dauchia jãaduasii. Mau ewari ãrea nebʉrad̶e b̶uaped̶a, kuitaa panuu Dachi Mechiuba ichi biꞌia b̶usii. Mauba kĩra chuburia b̶uu maud̶e kʉ̃riad̶eeba aid̶ai b̶uu.

1 Pedro 3:6

Saraba Abraham bed̶ea ijãabachii maud̶e «mʉ mechiu» abachii. Ne wapeawẽa machiba ne joma biꞌia wau panuubʉrã, Sara kau nuread̶ai.