1 Pedro 3:11 - Emberá Chamí

¹¹ Jãuba ne joma kachirua ida b̶uped̶a biꞌia wau b̶uai b̶uu. Waabenarã ome jirukaraayuwãe b̶uai baita jʉrʉped̶a maka b̶uai b̶uu.

1 Pedro 3:11 ပူးပေါင်းရင်းမြစ်များ

Mateo 5:45

Maka wauduubʉrã, machi bajãad̶ebena Akõre Mechiu warrarã panad̶ai. Mauba ʉmada koabibarii jomaurã ʉ̃rʉ; biꞌia nureerã ʉ̃rʉ maud̶e kachirua nureerã ʉ̃rʉ. Maud̶e ichiba kui chebibarii ichi bed̶ead̶e jara b̶uu kĩra waubadaurã ʉ̃rʉ, maud̶e ichi bed̶ead̶e jara b̶uu kĩra waud̶ai kʉ̃riad̶akau ʉ̃rʉ bid̶a.

Mateo 5:9

Biꞌia panuu jomaurã ome biꞌia kʉ̃riabadau maud̶e mau baita waubadau, Dachi Akõre warrarã ad̶aid̶eeba.

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Marcos 14:7

Chi nejarr barauwãe kid̶uree ewaricha machi tãed̶e panad̶ai; machiba kʉ̃riaduubʉrã ãchi poyaa aid̶ad̶ai panuu. Maamina mʉ machi baara ewaricha b̶uabai.

Lucas 1:79

Mauba chi pãriud̶e nureerãmaa, chi biud̶ai wapea nureerãmaa bid̶a Dachi Akõreba ichi ʉ̃d̶aa kuitaabiai. Maud̶e dachimaa kuitaabiai saka ichi od̶e jirukaraayuwãe nibad̶ayu».

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Lucas 6:9

Maabae Jesusba ãchimaa jarasii: —Mʉʉba machimaa id̶iiruu: bari panabadau ewarid̶e ¿kãare waud̶ai panuma? ¿Chi bia maebʉrã chi kachirua? ¿Waabenarã karibai maebʉrã ida biubiaika?

Juan 17:15

Mʉʉba bichimaa id̶iwẽa b̶uu maarã nau iujãad̶ebena ãyaa adoemera, maumaarã id̶i b̶uu kachiruad̶ebena nu b̶uamera.

Romanos 12:18

Machiba jʉrʉ́sturu jomaurã ome jirukaraayuwãe panad̶ai baita.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

Romanos 14:19

Maud̶eeba jʉrʉd̶ai panuu ãbarã ome jirukaraayuwãe nuread̶ai baita. Maka chiya aid̶a panad̶ai biꞌia ijãad̶ai baita.

Romanos 5:1

Dachi Mechiu Jesucristod̶e ijãa panuud̶eeba Dachi Akõreba dachi chi ichid̶irã jipa nuree baara duanubarii. Maud̶eeba Cristod̶eeba Dachi Akõre ome sõbia panuu.

Romanos 7:19

Biawãra mʉʉba biꞌia wau kʉ̃ria b̶uu mau waukau, maumaarã kachirua wau kʉ̃riawẽa b̶uu mau waubarii.

Romanos 7:21

Maud̶eeba nau kuitaa b̶uu: mʉʉba biꞌia wau kʉ̃ria b̶umina kachirua mʉ sõd̶e b̶uuba kachirua waubibarii.

Romanos 8:6

Ab̶auba chi nau kakuaba wau kʉ̃ria b̶uu kʉ̃risia b̶uaruubʉrã biui. Maamina chi Dachi Akõre Jauriba kʉ̃ria b̶uu kʉ̃risia b̶uaruubʉrã jirukaraayuwãe b̶uai maud̶e Dachi Akõre ome chokae b̶uai.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Colosenses 3:15

Dachi Akõreba machi iusii machi kakua ara ab̶a nii kĩra panad̶amera. Cristoba machi sõd̶e apii b̶uai dea b̶uu. Mauba kuitaabii kãare waud̶ai panuu. Maka panásturu. Maud̶e Dachi Akõremaa ichíturu kid̶ibai ásturu.

1 Timoteo 6:18

Chi barau nureerãmaa jarase jomaurã ome biꞌia waud̶amera. Maud̶e jarase ãchiba uru panuud̶ebena sõbiad̶eeba waabenarãmaa dead̶ai baita panad̶ai panuu.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

Hebreos 13:16

Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

Santiago 4:17

Chi biꞌia waui kuitaa b̶uuba maka wauwẽebʉrã, kachirua wau b̶uu.

1 Pedro 3:12

Dachi Mechiuba ẽbẽra jipa nuree nu b̶uu. Ãchiba ʉtaa id̶iiduu biꞌia ũri b̶uu. Maamina chi kachirua waubadaurã kũriakau».

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.