1 Pedro 2:23 - Emberá Chamí

²³ Ẽbẽrarãba ichi kachirua jarasid̶aud̶e ichiba ãchimaa kachirua jaraabasii. Ichi kachirua wausid̶aud̶e ichiba waya ãchi kachirua waui a jaraabasii. Maumaarã Dachi Akõreba nebʉra jipa ichiabariid̶eeba ichi kachirua wau panuu Dachi Akõre juad̶e b̶ubachii.

1 Pedro 2:23 ပူးပေါင်းရင်းမြစ်များ

Lucas 23:41

Dachi ome naka biud̶ai panuu, kachirua wausid̶aud̶eeba. Maamina nau ẽbẽraba ¿kãare kachirua wausma?

Lucas 23:46

Ara makʉd̶e Jesusba jĩwa jarasii: —Chacha, mʉ jauri bichi juad̶e b̶uuruu. Maka jaraped̶a biusii.

Lucas 23:9

Herodesba Jesusmaa ãrea id̶isii, maamina Jesusba ab̶a bid̶a panaubasii.

Hechos 17:31

Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.

Hechos 4:29

»Jãabae Dai Mechiu, ichiáse chi daimaa kachirua waud̶ai berrea panuurãmaa maud̶e bichi bed̶ea daimaa aude wapeawẽa jaradeabiáse.

Hechos 7:59

Mooba b̶atamaa panuud̶e Estebanba Dachi Akõremaa ʉtaa naka id̶isii: «Mʉ Mechiu Jesús, mʉ jauri adoese».

Hechos 9:1

Mau ewarid̶e Sauloba wabid̶a Dachi Mechiud̶e ijãa nuree kenai baita b̶uabachii. Paare mechiu b̶uumaa wãped̶a id̶isii karta b̶ʉkua deamera. Mau karta Damasco puurud̶e judiorã araa ãbua imibadau decha adooi kʉ̃risia b̶uasii. Kartad̶e b̶ʉ b̶uasii chi ãchi tãed̶e Jesús Od̶e nibad̶a mukĩrarã maud̶e wẽrarã sid̶a jidauped̶a Jerusalend̶aa joma adooi b̶uu, jʉ̃a bʉikad̶ai baita.

Romanos 2:5

Maamina sõ chaarea niid̶eeba bichiba kachirua ida b̶ukau Dachi Akõremaa neebai baita. Maud̶eeba Dachi Akõreba kastikai ewarid̶e ichi kĩrubid̶eeba aude kastikai. Mau ewarid̶e Dachi Akõreba unubii saka jomaurã jipa kastikai.

Efesios 6:9

Ara mau maka, machi chi chibarirã bid̶a chi machi baita bari trajabadaurã biꞌia wáusturu. Ãchi iadaad̶ai arã́sturu. Kĩrabásturu chi maarã Chibari bajãad̶ebena ara machi Chibaribʉ. Ichiba joma arab̶aud̶e ichiabarii.

2 Tesalonicenses 1:5

Mauba kuitaabi b̶uu Dachi Akõre jipa niiba ẽbẽrarã kastikabarii. Ichiba machi biꞌia unu b̶uu ichi juad̶e ua b̶uai baita. Maud̶eeba ʉ̃raud̶aa ãrea biꞌiwãe panuu.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

2 Timoteo 4:8

Mʉʉba jipa wau b̶uu baita Dachi Mechiuba mʉ baita boro jũra nu uru b̶uu. Ichiba jipa ichiabariid̶eeba mau boro jũra mʉʉmaa deai ichiba ichiaruud̶e. Maamina ab̶aburu mʉʉmaa deabai, maumaarã joma ichi neei ewari unu kʉ̃ria nureerãmaa deai.

Hebreos 12:3

Biꞌia kʉ̃risiásturu ẽbẽra kachiruarãba Jesús miadaa wausid̶aud̶e saka dauchia jãaduasii. Maka machi kakua ãkaa panad̶aabasii maud̶e machiba ijãa panuu ida b̶ud̶ai kʉ̃risiad̶aabasii.

1 Pedro 3:9

Ab̶auba machi kachirua wauruubʉrã ara mau kĩra waurã́sturu. Kachirua jaraaruubʉrã ara mau kĩra kachirua jararã́sturu. Maumaarã ʉtaa id̶ísturu Dachi Akõreba mau aid̶amera. Kuitaa panuu Dachi Akõreba machi adausii maka nuread̶amera. Maka nureebʉrã, Dachi Akõreba machi sid̶a aid̶ai.

1 Pedro 4:19

Maud̶eeba chi Dachi Akõreba kʉ̃ria b̶uu kĩra ãrea biꞌiwãe nuree ichi juad̶e b̶ud̶aped̶a ne biꞌia waud̶ai panuu. Dachi Waud̶ad̶e poyaa ijãad̶ai.

Apocalipsis 19:11

Maad̶akare mʉʉba bajãad̶e poraa ewa nub̶uu unusii. Ara makʉd̶e mura torr neesii. Mau mura ʉ̃rʉ akʉ b̶uu trʉ̃ jarabadau Chi Jarad̶a Kĩra Waubarii maud̶e Chi Biawãra abadau. Mauba ẽbẽrarã jipa ichiabarii maud̶e jipa wau b̶uud̶eeba chi kĩramaa panabadau ome chĩobarii.