1 Pedro 2:19 - Emberá Chamí

¹⁹ B̶esed̶e biꞌia wau b̶uud̶eeba dachi ãrea biꞌiwãe panabadau. Maamina Dachi Akõreba dachi biꞌiwãe panuu kuitaa b̶uu. Dachiba mau ʉ̃rʉbena kʉ̃risiaduud̶e, mau joma dauchia jãadua panuubʉrã, Ichiba biꞌia unui.

1 Pedro 2:19 ပူးပေါင်းရင်းမြစ်များ

Lucas 6:32

»Machiba chi machi kʉ̃riabadáuturu kʉ̃ria panuubʉrã, ¿kaiba machi biꞌia jaraima? Kachirua waubadaurã bid̶a ãchi kõpaerorã kʉ̃riabadau.

Juan 15:21

Machi mʉ kakua maka waud̶ai ãchiba chi mʉ Bʉid̶a adua panuud̶eeba.

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Romanos 13:5

Maud̶eeba machi nau iujãad̶ebena jaradea ua b̶uabadaurã juad̶e nuread̶ai panuu kastikabiarãad̶amera. Mau awara ãchi juad̶e nuread̶ai panuu, kuitaa panuud̶eeba maka waud̶ai jipa b̶uu.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 8:1

Mau awara ãbarã, daiba kuitaabiai kʉ̃ria panuu Dachi Akõreba ichi sõbiad̶eeba ãbarã Macedonia druad̶ebenarã aid̶a b̶uu.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

Hebreos 10:2

Moisesba b̶ʉd̶aba ãchi biawãra jipa nibabiad̶a basirã, waa ãnimara baa dead̶e wãd̶aabai basii. Mau ãnimara baa deaduud̶eeba biawãra kachiruaswãe paneed̶a basirã, waa ichi daad̶e nebʉrad̶e panuu kʉ̃risiad̶aabai basii.

1 Pedro 2:20

Machiba kachirua wau panuu kakua chi chibariba kastikaaruubʉrã, machiba jãaduadumina ¿kaiba machi ʉ̃rʉbena biꞌia berreaima? Maamina biꞌia wau panuu kakua nebʉrad̶e panuud̶e jãaduaduubʉrã, Dachi Akõreba biꞌia unui.

1 Pedro 4:15

Machi ãrea biꞌiwãe duanumina, nau kakua biꞌiwãe panad̶ai biawãe b̶uu: mia bead̶a kakua, nechiruad̶a kakua, kachirua waud̶a maebʉrã chĩara nebʉrad̶e b̶uad̶a kakua.