1 Pedro 2:15 - Emberá Chamí

¹⁵ Dachi Akõreba kʉ̃ria b̶uu machiba biꞌia wau panad̶ai. Maka machiba chi kʉ̃risiaswãe nuree chũpeabid̶ai, adua panuud̶ebena machi ʉ̃rʉbena kachirua jarabadaud̶eeba.

1 Pedro 2:15 ပူးပေါင်းရင်းမြစ်များ

Mateo 25:2

Mau ãwerarã jua ab̶a biꞌia kʉ̃risia panasid̶au. Maud̶e chi waabenarã jua ab̶a kʉ̃risia adua panasid̶au.

Mateo 7:26

Maamina mʉ bed̶ea ũriped̶a wauwẽebʉrã, nau kĩra b̶uai: ẽbẽra kʉ̃risiaswãe niiba ichi de ibud̶e wausii.

Romanos 1:21

Maarãba Dachi Akõre kuitaa panasid̶amina ichimaa biꞌia berread̶aabai maud̶e ichíturu kid̶ibai ad̶aabasii. Maumaarã kʉ̃risiaswãe nuree kĩra paneesid̶au. Maka paneed̶aped̶a pãriud̶e paneesid̶au.

Gálatas 3:1

Ãbarã Galacia druad̶ebenarã, ¡machi kʉ̃risiaswãe nureerã! ¿Kaiba machi setaa kũruasii chi biawãra bed̶ea ida b̶ud̶amera? Daiba machimaa joma chi Jesucristo cruzd̶e biu b̶uad̶a ʉ̃rʉbena jaradeabachid̶au.

1 Tesalonicenses 4:3

Dachi Akõreba kʉ̃ria b̶uu machi ichi baita biꞌia nuread̶amera. Maud̶eeba machi kakuaba barikiu kachirua waurã́sturu.

1 Tesalonicenses 5:18

Jomad̶e Dachi Akõremaa ichíturu kid̶ibai a panásturu. Mau Dachi Akõreba kʉ̃ria b̶uu, machi Jesucristod̶e ijãabadaud̶eeba.

1 Timoteo 1:13

Naed̶e mʉʉba ichi ʉ̃rʉbena kachirua berreabachii maud̶e ichid̶irã kachirua waui baita wãraabachii. Waabenarãmaa kachirua berreabachii. Ichid̶e wabid̶a ijãawẽa b̶uasiid̶eeba maud̶e adua b̶uasiid̶eeba maka kachirua waubachii. Maamina ichiba mʉ kĩra chuburiasii.

Tito 2:8

Biawãra bed̶ea jaradea b̶uase ab̶au bid̶a bichi ʉ̃rʉbena kachirua jararãad̶amera. Maka jaradea b̶uaibʉrã, bichi kĩramaabadaurã kĩrakayad̶ai. Ãchiba b̶aꞌãra bid̶a dachi poyaa kachirua jarad̶aabai.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 3:16

Ara machi du ab̶a kuitaa panásturu kachirua waud̶awẽa nuree. Maka machi Cristo kakua biꞌia nibabadau ʉ̃rʉbena kachirua berreabadaurã perad̶ai.

1 Pedro 3:17

Dachi Akõreba machi biꞌiwãe paneebiaruubʉrã, biꞌia b̶uu ãrea biꞌiwãe paneed̶ai biꞌia wau panuud̶eeba ãrea biꞌiwãe panad̶ai bad̶amaarã kachirua wau panuud̶eeba.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.

2 Pedro 2:12

Maamina setaa jaradeabadaurãba ãchiba adua panuud̶ebena kachirua berreabadau. Ãnimara kĩra kʉ̃risiaswãe nuree. Ab̶a ãchi kakuaba kʉ̃ria b̶uu waubadau. Ãnimara tobadau ẽbẽrarãba jidaud̶aped̶a bead̶amera. Ara mau kĩra setaa jaradeabadaurã joma biud̶ai.

Judas 1:10

Maamina chi maarã ẽbẽrarã machi tãed̶e neeped̶aad̶aba, ãchiba adua panuu ʉ̃rʉbena kachirua berreabadau. Ãnimararãba kʉ̃risiabadau kĩra kʉ̃risiabadau maud̶e chi kakuaba waubi kʉ̃ria b̶uu kĩráburu waubadau. Maud̶eeba Dachi Akõreba kastikakuai.