1 Pedro 2:12 - Emberá Chamí

¹² Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 2:12 ပူးပေါင်းရင်းမြစ်များ

Mateo 5:11

Machi mʉ kakua ẽbẽrarãba kachirua jaraaduubʉrã, kachirua wauduubʉrã maud̶e machi ʉ̃rʉbena setaa barikiu kachirua jaraaruud̶e, biꞌia panuu.

Mateo 5:16

Ara mau kĩra ẽbẽrarã daad̶e biꞌia wáusturu ãchiba Dachi Akõre bajãad̶e b̶uumaa biꞌia berread̶amera.

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Lucas 1:68

«¡Dachi Mechiu ãrea biꞌia nii, Dachi Akõre Israeld̶ebenarãd̶e, ichi ẽbẽrarã karibayua neesiid̶eeba!

Lucas 19:44

Bichi jeed̶a b̶aebiiduud̶e bichi warrarã joma kenad̶ai. Maarãba mo ab̶a bid̶a ab̶au mo ʉ̃rʉ b̶ud̶aabai. Maka waud̶ai chi karibabarii Dachi Akõreba bʉid̶a bichiba kuitaad̶awẽed̶eeba».

Lucas 6:22

»Biꞌia panuu ẽbẽraba mʉ, chi Ẽbẽra Ba B̶uad̶a kakua machi kĩramaaduud̶e, ida b̶uuduud̶e, kachirua jaraaduud̶e maud̶e machi sõ kachirua panuu aaduud̶e.

Juan 13:31

Judas wãd̶akare Jesusba jarasii: —Jãabáeburu Dachi Akõreba unubiai mʉ, chi Ẽbẽra Ba B̶uad̶a chi mechiu nii. Mau awara mʉʉd̶eeba Dachi Akõreba unubii ichi chi mechiu nii.

Hechos 15:14

Simonba dachimaa nebʉrʉsii Dachi Akõreba judiowãerã ʉ̃rʉbena kʉ̃risia b̶uud̶eeba jãabae ãchi jʉrʉ adausii ichi puurud̶ebena nuread̶amera.

Hechos 24:13

Nau ẽbẽrarãba poyaa kuitaabid̶awẽa ãchiba jara panuu biawãra b̶uu.

Hechos 25:7

Pablo adoesid̶aud̶e judiorã Jerusalend̶ebena neeped̶aad̶aba ichi ad̶u jũrasid̶au. Maud̶e ichi jideasid̶au maamina poyaa kuitaabiad̶aabasii chi ãchiba jara panuu biawãra b̶uu.

Hechos 28:22

Maamina daiba kuitaa panuu joma druacha mau kʉ̃risia wid̶i ʉ̃rʉbena kachirua berrea panuu. Maud̶eeba ũri kʉ̃ria panuu bichiba saka kʉ̃risia b̶uu.

Romanos 12:17

Ab̶auba machi kachirua wauruubʉrã, ara mau kĩra waurã́sturu. Jomaurã daad̶e biꞌia wáusturu.

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

Romanos 14:18

Chi maka Cristo baita ne waubadaurã Dachi Akõreba biꞌia unu b̶uu. Ẽbẽrarã bid̶a mau biꞌia unubadau.

Romanos 15:9

Maud̶e Cristo neesii judiowãerãba Dachi Akõremaa biꞌia berread̶amera ãchi kĩra chuburiasiid̶eeba. Mau ʉ̃rʉbena Dachi Akõre bed̶ead̶e naka b̶ʉ kub̶uu: «Mʉʉba bichi judiowãerã tãed̶e biꞌia berreai. Mʉʉba bichimaa biꞌia karii».

1 Corintios 14:25

Ichi sõd̶e mera uru b̶uad̶a biꞌia kuitaai. Maud̶e õdarrd̶e kob̶eeped̶a Dachi Akõremaa biꞌia berreai maud̶e «Dachi Akõre biawãra machi ome b̶uu» ai.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 13:7

Daiba Dachi Akõremaa id̶i panuu machiba kachirua waurãad̶amera. Maamina maka id̶i panuuwãema unubid̶ai baita dai Jesucristoba bʉid̶arã. Maumaarã id̶i panuu machiba joma biꞌia waud̶amera, dai Jesucristoba bʉid̶arã kʉ̃risiad̶awẽa panumina.

2 Corintios 8:21

Biawãra daiba Dachi Mechiu daad̶e maud̶e ẽbẽrarã daad̶e jipa wau kʉ̃ria panuu.

Efesios 2:3

Naed̶e joma dachi ãchi kĩra nibasid̶au nau kakuaba kachirua waubi b̶uu wau panasid̶aud̶eeba. Nau kakuaba kachirua waui kʉ̃ria b̶uu maud̶e dachiba kachirua waui kʉ̃risia b̶uu wau panasid̶au. Dachi kachiruad̶eeba Dachi Akõreba ichi kĩrubid̶eeba dachi kastikai b̶uasii joma kachirua waubadaurã kastikabarii kĩra.

Efesios 4:22

Ãchimaa jaradeaped̶aad̶a naubʉ: naed̶e machiba wau panad̶a kĩra waa maka nibarã́sturu. Chi kakua kachirua wau kʉ̃ria b̶uuba setad̶eeba biꞌiwãe paneebiabarii. Mau ida b̶ústuru, paru sore ẽebadau kĩra.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

Filipenses 4:8

Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

1 Tesalonicenses 4:12

Maka nureebʉrã, machiba esed̶aud̶ayuswãe panad̶ai waabenarãba machimaa ne kaebea dead̶ai. Maud̶e makaburu Jesusd̶e ijãad̶akaurãba machi biꞌia unud̶ai.

1 Timoteo 2:2

Joma nau iujãad̶ebena reyrã baita maud̶e jaradea ua b̶uabadaurã baita Dachi Akõremaa ʉtaa id̶id̶ai panuu dachi jirukaraayuwãe panad̶ai baita, apii panad̶ai baita, Dachi Akõre wapea panad̶ai baita maud̶e ne jomad̶e jipa panad̶ai baita.

1 Timoteo 4:12

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

Hebreos 13:18

Dai baita Dachi Akõremaa ʉtaa id̶ísturu. Dai ne jomad̶e jipa nibad̶ai kʉ̃ria panuu maud̶e kuitaa panuu kachirua waud̶awẽa panuu.

Hebreos 13:5

Chi nejarr kʉ̃ria panarã́sturu. Maumaarã ara machiba uru nureeba kĩrajʉʉ panásturu Dachi Akõreba naka jarasiid̶eeba: «Mʉʉba bichi b̶ʉiwẽe maud̶e ida b̶uwẽe».

Santiago 3:13

Machi kʉ̃risia kuitaa nuree maud̶e ne kuitaa nuree kʉ̃risia panuubʉrã, unubiásturu biawãra maka nuree, machi biꞌia nibabadaud̶eeba. Chi mechiu nuree kʉ̃risiad̶awẽa kʉ̃risia kuitaad̶eeba biꞌia waud̶ai panuu.

1 Pedro 2:15

Dachi Akõreba kʉ̃ria b̶uu machiba biꞌia wau panad̶ai. Maka machiba chi kʉ̃risiaswãe nuree chũpeabid̶ai, adua panuud̶ebena machi ʉ̃rʉbena kachirua jarabadaud̶eeba.

1 Pedro 3:16

Ara machi du ab̶a kuitaa panásturu kachirua waud̶awẽa nuree. Maka machi Cristo kakua biꞌia nibabadau ʉ̃rʉbena kachirua berreabadaurã perad̶ai.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.

2 Pedro 3:11

Ne joma wãꞌãe baid̶eeba machi Dachi Akõreba kʉ̃ria b̶uu kĩra jipa maud̶e kachiruaswãe nibad̶ai panuu.