1 Corintios 9:26 - Emberá Chamí

²⁶ Maud̶eeba ẽbẽra barikia pira wãaruu kĩra mʉʉba waukau. Maud̶e ẽbẽra barikia drʉ b̶uu kĩra drʉkau.

1 Corintios 9:26 ပူးပေါင်းရင်းမြစ်များ

Mateo 11:12

Juan chi Boro Eabariiba jaradead̶ad̶eed̶ebena id̶iid̶aa Bajãad̶e B̶uuba ichid̶irã ichi juad̶e ua b̶uu, maarã ãrea biꞌiwãe panuu. Ẽbẽrarã kachiruarãba ãchi kachirua ãrea wau kʉ̃ria panuu.

Lucas 13:24

—Machi dauchia jãadua panásturu chi poraa pĩchua b̶uud̶e wãd̶ai baita. Biawãra ed̶a wãd̶ai baita ãrea duanuu maamina poyaa joma wãd̶aabai.

1 Corintios 14:9

Ara mau kĩra machiba ũribadau bed̶ead̶e berread̶awẽebʉrã, ẽbẽrarãba ¿saka kuitaad̶aima machiba jara panuma? Maka berreaduubʉrã, machi bari berread̶ai.

2 Corintios 5:1

Nau iujãad̶e dachi kakua ãrea dauchia jãaduad̶akaud̶eeba de ãnimara e wauped̶aad̶a kĩra b̶uu. Dachiba kuitaa panuu dachi biuduud̶e Dachi Akõreba dachimaa chi kakua biukau bajãad̶ebena deai. Ẽbẽrarãba mau biukau kakua waud̶akau.

2 Corintios 5:8

Maka dachi jirukaraayuwãe maud̶e wapead̶awẽa panuu. Dachi nau kakuad̶ebena wã kʉ̃ria panuu Dachi Mechiu baara nuread̶ai baita.

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

Efesios 6:12

Ẽbẽrarã ome chĩo panuuwãema. Maumaarã jai kachiruarã nau iujãa pãriud̶ebenarã ómeburu chĩo panuu. Maarã dachiba unud̶akau chi mechiu nureerãbʉ, chi ʉtarebena jai kachiruarã karrarãbʉ.

Filipenses 1:21

Mʉʉmaarã, mʉ chokae b̶uud̶e Cristo baita b̶uai, maamina biuruubʉrã aude biꞌia b̶uai.

Colosenses 1:29

Mau baita mʉ kʉrrjĩruwẽa traja b̶uu Cristoba ichi poyaabarii ãrea dea b̶uud̶eeba.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

2 Timoteo 2:5

Maud̶e chi pirabarii chi jaradea ua b̶uabadaurãba jara panuu kĩra maka pirawẽebʉrã, mau chi naa neeruuba chi adaui b̶uad̶a adaubai.

2 Timoteo 4:7

Mʉʉba Dachi Akõre baita waui b̶uad̶a joma wausii, pirabarii chi neei b̶uumaa neebarii kĩra. Joma jipa wausii biꞌia chĩod̶a kĩra. Mʉʉba Cristo ida b̶uwẽa b̶uu.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

Hebreos 4:1

Dachi Akõreba biawãra jara b̶uu dachi wabid̶a ichiba kʉrrjĩrubiaimaa poyaa wãd̶ai panuu. Maamina kauwa panásturu. Makawãebʉrã machid̶ebena ab̶a bid̶a aria wãabai.

1 Pedro 5:1

Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

2 Pedro 1:10

Ãbarã, Dachi Akõreba machi iuped̶a jʉrʉ adausii. Biawãra maka nuree unubid̶ai baita chokekea panásturu. Maka wauduubʉrã b̶aed̶aabai.