1 Corintios 9:22 - Emberá Chamí

²² Chi ãbarã chi biawãra bed̶ea ãrea adua nuree tãed̶e b̶uud̶e ãchi kĩra b̶uabarii mʉʉd̶eeba Jesucristo ʉ̃rʉbena biꞌia kuitaad̶amera. Mʉ wãaruucha ẽbẽrarã tãed̶e b̶uud̶e maarã kĩra b̶uabarii mʉʉd̶eeba waabenarãba Cristod̶e ijãad̶aped̶a mʉʉba maarã kachiruad̶ebena karibamera.

1 Corintios 9:22 ပူးပေါင်းရင်းမြစ်များ

Romanos 11:14

Mʉʉba judiowãerãmaa jaradea b̶uud̶eeba kʉ̃ria b̶uu mʉ ẽbẽrarã judiorã bid̶a mau bed̶ea ũrid̶ai jiwaa panuu kĩra. Maka Dachi Akõreba ãchid̶ebena chi nuree karibai.

Romanos 14:1

Ab̶a ãbaba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa b̶uubʉrã, ichi biꞌia irsibísturu. Maamina ichiba adua b̶uu ʉ̃rʉbena ichi ome oa kachirua berrearã́sturu.

Romanos 14:2

Mʉʉba nau jara b̶uu: chi nuree ãbarãba kuitaa panuu ne joma kod̶ai panuu. Maamina chi nuree ãbarãba dachiba Jesucristod̶e ijãa panuu ʉ̃rʉbena wabid̶a ãrea kuitaawẽa panuud̶eeba kʉ̃risia panuu ab̶aburu ne uu nub̶uud̶ebena kod̶ai panuu.

Romanos 15:1

Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

Romanos 15:2

Maumaarã waabenarãba kʉ̃ria panuu waud̶ai panuu maarã biꞌia nuread̶amera maud̶e biꞌia ijãad̶amera.

1 Corintios 10:33

Ara mau kĩra mʉʉba wau b̶uud̶eeba jomaurãmaa biꞌia kʉ̃risiabiai kʉ̃ria b̶uu. Ab̶aburu mʉ biꞌia b̶uai baita jʉrʉkau, maumaarã ẽbẽrarã ãrea biꞌia nuread̶amera jʉrʉbarii. Maka mʉʉba wau b̶uud̶eeba ãchiba Cristod̶e ijãad̶ai Dachi Akõreba karibamera.

1 Corintios 7:16

Neekau, ¿bichiba kuitaa b̶uka Dachi Akõreba bichi mukĩra karibai bichi kakua? Ãba, ¿bichia bid̶a kuitaa b̶uka Dachi Akõreba bichi wẽra karibai bichi kakua?

1 Corintios 8:13

Maud̶eeba mʉʉba ko b̶uud̶eeba mʉ ãba kachiruad̶e b̶aebiiruubʉrã, waa koobai.

1 Corintios 9:19

Mʉ ab̶au chibari baita bid̶a b̶ari trajabariiwãed̶eeba chi jomaurã chibari baita bari trajabarii b̶eesii ãreaba mʉʉd̶eeba Jesucristod̶e ijãad̶amera.

1 Corintios 9:23

Mʉʉba joma mau kĩra waubarii chi bed̶ea bia Cristo ʉ̃rʉbena kuitaabii baita. Maka mʉa bid̶a Dachi Akõred̶ebena ne biꞌia adaui.

2 Corintios 11:29

Ab̶a ẽpermo b̶eeruubʉrã, mʉ sid̶a ẽpermo b̶eeruu kĩra b̶uabarii. Ab̶auba waabena ãba kachiruad̶e b̶aebiiruubʉrã, mʉ mau ẽbẽra ome kĩrubarii.

Gálatas 6:1

Ãbarã, machid̶ebena ab̶a mia aduad̶e kachiruad̶e b̶aeruubʉrã, machi chi Dachi Akõre Jaurid̶eeba nureerãba, waabenarã audeara biꞌia nuree kʉ̃risiad̶akaud̶eeba, aid̶ad̶ai panuu mau waya jipa nibamera. Maamina kauwa panásturu machi sid̶a ara mau kĩra kachiruad̶e b̶aerãad̶amera.