1 Corintios 9:20 - Emberá Chamí

²⁰ Mʉ judiorã tãed̶e b̶uud̶e judiorã kĩra b̶uabarii mʉʉd̶eeba Jesucristod̶e ijãad̶amera. Chi Moisesba b̶ʉd̶a ũribadaurã nuree tãed̶e b̶uud̶e mʉ mau Moisesba b̶ʉd̶ad̶eeba b̶uuwãemina mau kĩra b̶uabarii ãchiba mʉʉd̶eeba Jesucristod̶e ijãad̶amera.

1 Corintios 9:20 ပူးပေါင်းရင်းမြစ်များ

Hechos 16:3

Maud̶e Pabloba Timoteo adoe kʉ̃ria b̶uasii. Maamina jomaurãba kuitaa panasid̶au Timoteo akõre griego basii. Maud̶eeba Pabloba Timoteo chi kakua tõosii judiorã mau druad̶e nureeba ichi ʉ̃rʉbena kachirua kʉ̃risiarãad̶amera. Maabáeburu wãsid̶au.

Hechos 18:18

Pablo Corintod̶e ewari ãrea b̶eesii. Maabae chi ãbarãmaa wãaruu aped̶a, Siria druad̶aa wãsii Priscila maud̶e Aquila baara. Jãbad̶e ataui naed̶e Cencrea puurud̶e Pabloba ichi boro metabisii. Mau wausii unubiyua chi Dachi Akõremaa waui a jarad̶a ichiba mau joma waud̶a.

Romanos 11:14

Mʉʉba judiowãerãmaa jaradea b̶uud̶eeba kʉ̃ria b̶uu mʉ ẽbẽrarã judiorã bid̶a mau bed̶ea ũrid̶ai jiwaa panuu kĩra. Maka Dachi Akõreba ãchid̶ebena chi nuree karibai.

Romanos 3:19

Mau bed̶ea Dachi Akõre bed̶ead̶e b̶uu chi mau b̶ʉd̶a ũri nureerãmaa jara b̶uu. Maka ab̶au bid̶a poyaa kachiruaswãe b̶uu a jarad̶aabai. Mau Moisesba b̶ʉsiid̶eeba kuitaa panuu joma nau iujãad̶ebenarã Dachi Akõre daad̶e nebʉra bara panuu.

Gálatas 2:19

Naed̶e mʉ Moisesba b̶ʉd̶ad̶eeba nibasii. Maamina mau Moisesba b̶ʉd̶ad̶ebena wãsii. Maka mʉ Dachi Akõre baita chokae b̶eesii.

Gálatas 4:21

Chi Moisesba b̶ʉd̶a juad̶e panad̶ai kʉ̃ria panuuba mʉʉmaa panáusturu: ¿Moisesba b̶ʉd̶ad̶e b̶ʉ kub̶uu adua panuka?

Gálatas 4:5

Dachi Akõreba ichi bʉisii dachi mau Moisesba b̶ʉd̶a juad̶e nuread̶a karibaped̶a, ichi warrarã babiai baita.

Gálatas 5:18

Maamina Dachi Akõre Jauriba machi ua nibaaruubʉrã, Moisesba b̶ʉd̶ad̶e panuuwãe.