1 Corintios 9:19 - Emberá Chamí

¹⁹ Mʉ ab̶au chibari baita bid̶a b̶ari trajabariiwãed̶eeba chi jomaurã chibari baita bari trajabarii b̶eesii ãreaba mʉʉd̶eeba Jesucristod̶e ijãad̶amera.

1 Corintios 9:19 ပူးပေါင်းရင်းမြစ်များ

Mateo 18:15

»Bichi ãbaba bichimaa kachirua wauruubʉrã, ichimaa wãped̶a machi du ab̶a panuud̶e, berreáse kuitaabiyua chi kachirua waud̶a. Ichiba bichi bed̶ea ũriiruubʉrã, chi sõ arab̶aud̶e b̶eei.

Romanos 1:14

Mʉʉba chi bed̶ea bia Jesús ʉ̃rʉbena jomaurãmaa jaradeai b̶uu. Ne kuitaa nureerãmaa, ne adua nureerãmaa, karta kuitaa nureerãmaa maud̶e karta adua nureerãmaa jaradeai b̶uu. Maud̶eeba machi Romad̶ebenarãmaa bid̶a jaradead̶e wã kʉ̃ria b̶uu.

Romanos 11:14

Mʉʉba judiowãerãmaa jaradea b̶uud̶eeba kʉ̃ria b̶uu mʉ ẽbẽrarã judiorã bid̶a mau bed̶ea ũrid̶ai jiwaa panuu kĩra. Maka Dachi Akõreba ãchid̶ebena chi nuree karibai.

Romanos 15:2

Maumaarã waabenarãba kʉ̃ria panuu waud̶ai panuu maarã biꞌia nuread̶amera maud̶e biꞌia ijãad̶amera.

1 Corintios 10:29

Mʉʉba jarawẽa b̶uu machiba mau kiuru kod̶akau panuu. Maumaarã mʉʉba jara b̶uu chi ab̶áuburu maka kʉ̃risia b̶uu. Ab̶auba naka kʉ̃risiai: Mʉʉba wau kʉ̃ria b̶uu wauruud̶e ab̶auba kachirua a kʉ̃risiaruubʉrã, ¿mau poyaa waukau b̶uka? ¿Mʉʉba wau kʉ̃ria b̶uu kĩra waubai b̶uka?

1 Corintios 10:33

Ara mau kĩra mʉʉba wau b̶uud̶eeba jomaurãmaa biꞌia kʉ̃risiabiai kʉ̃ria b̶uu. Ab̶aburu mʉ biꞌia b̶uai baita jʉrʉkau, maumaarã ẽbẽrarã ãrea biꞌia nuread̶amera jʉrʉbarii. Maka mʉʉba wau b̶uud̶eeba ãchiba Cristod̶e ijãad̶ai Dachi Akõreba karibamera.

1 Corintios 7:16

Neekau, ¿bichiba kuitaa b̶uka Dachi Akõreba bichi mukĩra karibai bichi kakua? Ãba, ¿bichia bid̶a kuitaa b̶uka Dachi Akõreba bichi wẽra karibai bichi kakua?

1 Corintios 9:1

¿Mʉʉba wau kʉ̃ria b̶uu wauwẽa b̶uka? ¿Mʉ Jesucristoba bʉid̶awãeka? ¿Mʉa bid̶a Dachi Mechiu Jesús unusiiwãeka? ¿Machiba mʉʉd̶eeba Dachi Mechiud̶e ijãaped̶aad̶awãeka?

2 Corintios 12:14

Mʉ machimaa wãi baita b̶uu. Nauba b̶es õbea bai wãaruu. Maamina mʉʉba id̶iwẽma machiba aid̶ad̶amera. Machiba uru b̶ee jʉrʉ b̶uuwãe, maumaarã machi kʉ̃ria b̶uu. Warrarãba chi nejarra jaatʉd̶akau ãchi akõrerãmaa dead̶ai baita, maumaarã chi akõrerãba chi nejarra jaatʉbadau ãchi warrarãmaa dead̶ai baita.

2 Corintios 4:15

Dai mau joma ãrea biꞌiwãe panuu machi biꞌia nuread̶amera. Maud̶e Dachi Akõreba ichi sõbiad̶eeba ẽbẽrarã ãrea karibaaruu. Maka ãreaba ichimaa bichíturu kid̶ibai ad̶ai maud̶e ichi ʉ̃rʉbena biꞌia jarad̶ai.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

Gálatas 5:1

Cristoba dachi karibasii ena duanad̶amera. Mau ãrea ijãa panásturu. Waya chibari baita bari trajabadaurã kĩra nurearã́sturu.

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

1 Timoteo 4:16

Ara bichi ʉ̃rʉbena maud̶e bichiba jaradea b̶uu ʉ̃rʉbena kauwa b̶uase. Joma mau jipa wau nibase. Maka wau niibʉrã bichi karibai. Bichiba jaradea b̶uu ũri panuu sid̶a karibad̶ai.

2 Timoteo 2:10

Mau baita mʉʉba joma jãadua b̶uu Dachi Akõreba jʉrʉ adaud̶a ẽbẽrarã karibai baita. Maka Dachi Akõreba ãchi sid̶a Jesucristod̶eeba aid̶ai ewaricha ichi biad̶ebena uru panad̶amera.

1 Pedro 3:1

Wẽra kima barau nuree, machi kima bed̶ea ijã́sturu. Maka chi nuree machi kimad̶ebenarãba Dachi Akõre bed̶ea ijãad̶awẽa panumina machi kĩra jipa nuree maud̶e Dachi Akõre wapea nuree unud̶aped̶a ijãad̶ai. Machiba machi kimamaa ijãad̶amera jarad̶awẽa panumina machiba biꞌia wau panuud̶eeba ijãabid̶ai.