1 Corintios 9:15 - Emberá Chamí

¹⁵ Maamina mʉʉba mau adaukau. Mau ʉ̃rʉbena nau kartad̶e b̶ʉwãe b̶uu machiba chi nejarra dead̶amera. Mʉʉba jaradea b̶uud̶eeba chi nejarra adaukaud̶eeba kĩrajʉʉ b̶uu. Mʉʉba kʉ̃riawẽma ab̶au bid̶a chi nejarra dea b̶uud̶eeba mau kĩrajʉʉ wãꞌãebii. Mʉʉmaarã machid̶ebena chi nejarra adaui kãyabãra biui bibuara b̶uu.

1 Corintios 9:15 ပူးပေါင်းရင်းမြစ်များ

Mateo 18:6

»Barikiuba mʉʉd̶e ijãa nuree chi mechiuwãe nureed̶ebena ab̶a kachiruad̶e b̶aebiiruubʉrã, Dachi Akõreba mau ẽbẽra ãrea kastikai. Maud̶eeba bibuara b̶uu mau ẽbẽra ostad̶e kũruma waib̶ʉa b̶uu jʉ̃d̶aped̶a mard̶e jiratad̶ai ʉ̃yaba jãri biumera.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Hechos 20:33

»Mʉʉba waabena chi nejarra, nee, maebʉrã paru ara mʉ baita kʉ̃riabasii.

Hechos 20:34

Machiba ãrea kuitaa panuu ara mʉ juaba trajasii mʉʉba uru b̶uai b̶uu adaui baita maud̶e mʉ baara nibabadaurãmaa deai baita.

Hechos 8:3

Maud̶e Sauloba chi Jesusd̶e ijãabadaurã jʉrʉsii waa ijãarãad̶amera. Decha wãped̶a mukĩrarã maud̶e wẽrarã jidaukuaped̶a jʉ̃a b̶ubadaumaa errb̶ari adoebachii.

1 Corintios 4:12

Dai kʉrrjĩrud̶awẽa traja panuu ne uru panad̶ai baita. Ẽbẽrarãba daimaa kachirua berreaduud̶e daiba ãchimaa biꞌia berreabadau. Dai kachirua wauduud̶e dauchia jãadua panabadau.

1 Corintios 9:12

Waabenarãba machid̶ebena ne adaud̶ai panuubʉrã, daiba ãchi audeara biꞌia ne adaud̶ai panuu. Maamina ne id̶id̶akau. Maumaarã joma jãadua panuu ẽbẽrarãba chi bed̶ea bia Cristo ʉ̃rʉbena kachirua kʉ̃risiarãad̶amera.

1 Corintios 9:18

Makarã ¿mʉʉba jaradea b̶uu baita, kãare adauima? Ne adaubai. Kĩrajʉʉ b̶uai chi bed̶ea bia Cristo ʉ̃rʉbena jaradea b̶uud̶eeba. Mʉʉba jaradea b̶uud̶eeba ne adaui b̶umina ne id̶ikau.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

2 Tesalonicenses 3:8

Daiba machid̶e chiko bari deaped̶aad̶a kod̶aabasii, maumaarã ãyadaa maud̶e ẽsabud̶e kʉrrjĩrud̶awẽa traju wau panasid̶au machid̶ebena ab̶au bid̶a daimaa ne kaebea dearãad̶amera.